ରୁଷର ସୀମା ସୁରକ୍ଷା ଉପରେ ୟୁକ୍ରେନ୍ ର ଆକ୍ରମଣ ନେଇ ରୁଷର ଦାବି ; ପୁଟିନଙ୍କ ଚାଲ୍ ନା ଆରମ୍ଭ ହେବାକୁ ଯାଉଛି ଯୁଦ୍ଧ ?
ୟୁକ୍ରେନ ଏବଂ ରୁଷର ତିକ୍ତତା ଦିନକୁ ଦିନ ବଢିବାରେ ଲାଗିଛି । ଏଥି ମଧ୍ୟରେ ରୁଷିଆର ସୀମା ସୁରକ୍ଷା ଉପରେ ୟୁକ୍ରେନ୍ ଆକ୍ରମଣ କରିଥିବା ନେଇ ରୁଷ ଅଭିଯୋଗ ଆଣିଛି ।
ମସ୍କୋ : ୟୁକ୍ରେନ ଏବଂ ରୁଷର ତିକ୍ତତା ଦିନକୁ ଦିନ ବଢିବାରେ ଲାଗିଛି । ଏଥି ମଧ୍ୟରେ ରୁଷିଆର ସୀମା ସୁରକ୍ଷା ଉପରେ ୟୁକ୍ରେନ୍ ଆକ୍ରମଣ କରିଥିବା ନେଇ ରୁଷ ଅଭିଯୋଗ ଆଣିଛି । ୟୁକ୍ରେନ୍ ବାସ୍ତବରେ ଏପରି ପଦକ୍ଷେପ ନେଇଛି କି ଏହା ରୁଷର ଏକ ଚାଲ୍ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । କିନ୍ତୁ ରୁଷର ଏହି ଦାବୀ ସମ୍ବେଦନଶୀଳ, କାରଣ ବିଶେଷଜ୍ଞଙ୍କ ଅନୁସାରେ, ଯଦି ଏହା ପ୍ରକୃତରେ ହୋଇଛି, ତେବେ ରୁଷ ଏହାକୁ ଭିତ୍ତି କରି ଯେକୌଣସି ସମୟରେ ୟୁକ୍ରେନକୁ ଆକ୍ରମଣ କରିପାରେ ।
ଇଣ୍ଟରଫ୍ୟାକ୍ସ ନ୍ୟୁଜ୍ ଏଜେନ୍ସି ଏହା ରିପୋର୍ଟ କରିଛି ଯେ, ରୁଷର FSB ସୁରକ୍ଷା ସେବା ସୋମବାର ଦାବି କରିଛି ଯେ ୟୁକ୍ରେନ ଅଞ୍ଚଳରୁ ଆସିଥିବା ଏକ ବୋମା ରୁଷର ରୋଷ୍ଟୋଭ ଅଞ୍ଚଳରେ ଥିବା ଏକ ସୀମା ରକ୍ଷାକାରୀ ପୋଷ୍ଟକୁ ସମ୍ପୂର୍ଣ୍ଣ ରୂପେ ନଷ୍ଟ କରିଦେଇଛି । ତେବେ ଏହି ଘଟଣାରେ କୌଣସି ମୃତାହତ ହୋଇ ନ ଥିବା ରୁଷ କହିଛି । ଏହି ଘଟଣା ରୁଷ ଏବଂ ୟୁକ୍ରେନ ସୀମାଠାରୁ 150 ମିଟର ଦୂରରେ ଘଟିଛି । ରୁଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ତିକ୍ତତା ମଧ୍ୟରେ ଇଣ୍ଟରଫ୍ୟାକ୍ସ ଏପରି ଏକ ବଡ଼ ଖବର ପ୍ରକାଶ କରିଛି । ଏଥି ସହିତ, ୟୁକ୍ରେନ ସରକାରୀ ବାହିନୀ ଏବଂ ପୂର୍ବରେ ରୁଷର ସମର୍ଥକ ବିଚ୍ଛିନ୍ନତାବାଦୀଙ୍କ ମଧ୍ୟରେ ଥିବା ବିଭାଜନ ରେଖା ଉପରେ ଗୁଳି ବିନିମୟ ପୁଣି ଜୋରଦାର ହୋଇଛି ଏବଂ ବହୁ ସଂଖ୍ୟକ ଲୋକ ମଧ୍ୟ ପଳାଇଥିବା ଜଣାପଡ଼ିଛି ।
ସମାଚାର ଏଜେନ୍ସି AFP ର ରିପୋର୍ଟ ଅନୁସାରେ, କ୍ରେମଲିନ୍ ମୁଖପାତ୍ର ପେସ୍କୋଭ କହିଛନ୍ତି କୌଣସି ପ୍ରକାରର ଶିଖର ସମ୍ମିଳନୀ ଆୟୋଜନ ପାଇଁ କୌଣସି ନିର୍ଦ୍ଦିଷ୍ଟ ଯୋଜନା ବିଷୟରେ ଆଲୋଚନା କରିବା ଜଲ୍ଦବାଜି ହେବ । କିନ୍ତୁ ହ୍ୱାଇଟ୍ ହାଉସ କହିଛି ଯେ ରୁଷ ୟୁକ୍ରେନ ଉପରେ ଆକ୍ରମଣ ନକରିବା ସର୍ତ୍ତ ଅନୁଯାୟୀ ଆମେରିକାର ରାଷ୍ଟ୍ରପତି ଜୋ ବାଇଡେନ୍ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଏକ ବୈଠକ କରିବାକୁ ରାଜି ହୋଇଛନ୍ତି ।
ଏଥି ସହିତ, ଆମେରିକାର ଦାବି ମଧ୍ୟରେ, ଉପଗ୍ରହର ନୂତନ ଫଟୋରେ ୟୁକ୍ରେନର ଉତ୍ତର-ପୂର୍ବ ସୀମା ନିକଟରେ ରୁଷର ସୌନ୍ୟମାନଙ୍କର ଗତିବିଧି ବୃଦ୍ଧି ପାଉଥିବା ଦେଖିବାକୁ ମିଳିଛି । ସାଟେଲାଇଟ୍ ଫଟୋରୁ ଜଣାପଡିଛି ଯେ ରୁଷର ସୈନିକମାନେ ୟୁକ୍ରେନର ଅତି ନିକଟ ଗୈରିସନରେ ପହଞ୍ଚି ସାରିଛନ୍ତି । ମୈକ୍ସାର ଲ୍ୟାବ ରବିବାର ଦିନ ଉପଗ୍ରହରୁ ନିଆଯାଇଥିବା ଫଟୋ ସଂଗ୍ରହ କରିଛି । ମୈକ୍ସାର ଆକଳନ କରିଛନ୍ତି ଯେ ବେଲଗୋରୋଡର ଉତ୍ତର-ପଶ୍ଚିମ ଦିଗରେ ଏବଂ ସୋଲୋଟି ଏବଂ ଭାଲୁକିରେ ଯୁଦ୍ଧ ଉପକରଣ ଏବଂ ସୈନ୍ୟବାହିନୀର ଅନେକ ନୂତନ କ୍ଷେତ୍ର ନିୟୋଜନ କରାଯାଇଛି । ଏହି ସହରଗୁଡ଼ିକ ୟୁକ୍ରେନ ସହିତ ରୁଷ ସୀମାର 35 କିଲୋମିଟର (ପ୍ରାୟ 21 ମାଇଲ) ମଧ୍ୟରେ ଅଛି । ମୈକ୍ସାର୍ ଲ୍ୟାବ୍ ର ଫଟୋରୁ ଜଣାପଡ଼ିଛି ଯେ ରୁଷର ଟ୍ୟାଙ୍କ, ଯୁଦ୍ଧ ସାମଗ୍ରୀ ଓ ସୈନ୍ୟ ବାହିନୀ ସେଠାରେ ଗଚ୍ଛିତ କରାଯାଇଛି ।
Click it and Unblock the Notifications
Sign in with Google