Click it and Unblock the Notifications
MUST READ
-
-
-
-
-
-
ବ୍ରିଟେନର ପ୍ରଧାନମନ୍ତ୍ରୀ ପଦର ନିକଟତର ହେଲେ ଭାରତୀୟ ବଂଶୋଦ୍ଭବ ଋଷି ସୁନକ
କନଜରଭେିଭ୍ ପାର୍ଟିର ପ୍ରାର୍ଥୀ ଭାରତୀୟ ବଂଶୋଦ୍ଭବ ଋଷି ସୁନକ ପ୍ରଥମ ରାଉଣ୍ଡରେ ଜିତିଛନ୍ତି । ଏଲିମିନେସନ୍ ରାଉଣ୍ଡରେ ସୁନକ୍ 88 ଭୋଟ୍ ପାଇ ପ୍ରଧାନମନ୍ତ୍ରୀ ଦୌଡ଼ରେ ସବୁଠାରୁ ଆଗରେ ଅଛନ୍ତି ।
ଲଣ୍ଡନ : ବ୍ରିଟେନର ନୂତନ ପ୍ରଧାନମନ୍ତ୍ରୀ ଦୌଡ଼ରେ କନଜରଭେଟିଭ୍ ପାର୍ଟି ଆଗରେ ରହିଛି । କନଜରଭେିଭ୍ ପାର୍ଟିର ପ୍ରାର୍ଥୀ ଭାରତୀୟ ବଂଶୋଦ୍ଭବ ଋଷି ସୁନକ ପ୍ରଥମ ରାଉଣ୍ଡରେ ଜିତିଛନ୍ତି । ଏଲିମିନେସନ୍ ରାଉଣ୍ଡରେ ସୁନକ୍ 88 ଭୋଟ୍ ପାଇ ପ୍ରଧାନମନ୍ତ୍ରୀ ଦୌଡ଼ରେ ସବୁଠାରୁ ଆଗରେ ଅଛନ୍ତି ।
ଏହା ପରେ ପେନି ମର୍ଡାଣ୍ଟ 67 ଭୋଟ୍ ପାଇ ଦ୍ୱିତୀୟ ସ୍ଥାନରେ ଥିବାବେଳେ ତୃତୀୟ ସ୍ଥାନରେ ଲିଜ୍ ଟ୍ରସ୍ ଅଛନ୍ତି । ସେ 50 ଭୋଟ୍ ପାଇଛନ୍ତି । ଚତୁର୍ଥ ସ୍ଥାନରେ ଥିବା କେମି ବେଡେନୋକ 40 ଭୋଟ ପାଇଛନ୍ତି, ପଞ୍ଚମ ସ୍ଥାନରେ ଟମ ତୁଜାଣ୍ଟ 37 ଭୋଟ ପାଇଛନ୍ତି ଏବଂ ଷଷ୍ଠ ସ୍ଥାନରେ ସୁଏଲା ବ୍ରାଭରମ୍ୟାନ୍ 32 ଭୋଟ୍ ପାଇଛନ୍ତି ।
ଏବେ ଋଷି ସୁନକଙ୍କ ଆଗରେ ପରବର୍ତ୍ତୀ ଆହ୍ୱାନ ହେଉଛି ତାଙ୍କ ଦଳର ସାଂସଦମାନେ ତାଙ୍କୁ ନେତା ଭାବରେ ମନୋନୀତ କରିବା । କେବଳ ଦଳର ନେତାମାନେ ତାଙ୍କୁ କନଜରଭେଟିଭ୍ ଦଳର ନେତା ଭାବରେ ବାଛିବେ । ଏଭଳି ପରିସ୍ଥିତିରେ ଯଦି ଦଳ ଗଠନ କରିଥିବା କମିଟି ସୁନକଙ୍କୁ ମନୋନୀତ କରେ ଏବଂ ଚୂଡ଼ାନ୍ତ ଚୟନକୁ ନେଇଯାଏ, ତେବେ ସୁନକ ଗ୍ରେଟ ବ୍ରିଟେନର ପ୍ରଧାନମନ୍ତ୍ରୀ ହୋଇପାରିବେ ।
ଯଦିଓ ନାମାଙ୍କନ ରାଉଣ୍ଡ ଶେଷ ହୋଇଛି ଏବଂ ବର୍ତ୍ତମାନ ଏଲିମିନେସନ୍ ରାଉଣ୍ଡ ଚାଲିଛି । ଆପଣଙ୍କୁ କହି ରଖୁଛୁ ବ୍ରିଟେନର ନିୟମ ଅନୁଯାୟୀ କେବଳ ସେହି ପ୍ରାର୍ଥୀ ପରବର୍ତ୍ତୀ ରାଉଣ୍ଡକୁ ଯାଇପାରିବେ ଯିଏ ଅତିକମରେ 30 ପ୍ରତିଶତ ଭୋଟ୍ ପାଇଥିବେ । ପରବର୍ତ୍ତୀ ରାଉଣ୍ଡ ଭୋଟ୍ ଆଜି ଅନୁଷ୍ଠିତ ହେବ । ବୁଧବାର ଦିନ ବ୍ରିଟେନର ସାଂସଦମାନେ ସେମାନଙ୍କର ପସନ୍ଦର ପ୍ରାର୍ଥୀଙ୍କୁ ଭୋଟ୍ ଦେଇଛନ୍ତି ।
