କିଙ୍ଗ ଚାର୍ଲ୍ସଙ୍କୁ ଭେଟିବା ପରେ ବ୍ରିଟେନର ପ୍ରଧାନମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବେ ଋଷି ସୁନକ
କନଜର୍ଭେଟିଭ୍ ପାର୍ଟିର ନୂତନ ନେତା ଭାବରେ ବ୍ରିଟେନର ନୂଆ ପ୍ରଧାନମନ୍ତ୍ରୀ ନିର୍ବାଚିତ ହେବାର ଗୋଟିଏ ଦିନ ପରେ ଋଷି ସୁନକ ମଙ୍ଗଳବାର ଦିନ ରାଜା ଚାର୍ଲ୍ସ ତୃତୀୟଙ୍କୁ ସାକ୍ଷାତ କରିବେ ।
ବ୍ରିଟେନ : କନଜର୍ଭେଟିଭ୍ ପାର୍ଟିର ନୂତନ ନେତା ଭାବରେ ବ୍ରିଟେନର ନୂଆ ପ୍ରଧାନମନ୍ତ୍ରୀ ନିର୍ବାଚିତ ହେବାର ଗୋଟିଏ ଦିନ ପରେ ଋଷି ସୁନକ ମଙ୍ଗଳବାର ଦିନ ରାଜା ଚାର୍ଲ୍ସ ତୃତୀୟଙ୍କୁ ସାକ୍ଷାତ କରିବେ । ଏହା ପରେ ସେ ବ୍ରିଟେନର ପ୍ରଥମ ଭାରତୀୟ ବଂଶୋଦେଭବ ପ୍ରଧାନମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବେ ।
ମଙ୍ଗଳବାର ସକାଳେ ବିଦାୟୀ ପ୍ରଧାନମନ୍ତ୍ରୀ ଲିଜ ଟ୍ରସ୍ 10 ଡାଉନିଂ ଷ୍ଟ୍ରିଟରେ ତାଙ୍କର ଅନ୍ତିମ କ୍ୟାବିନେଟ ବୈଠକର ଅଧ୍ୟକ୍ଷତା କରିବେ ଏବଂ ତା'ପରେ ବକିଙ୍ଗହମ୍ ପ୍ୟାଲେସ୍ ପରିଦର୍ଶନ କରି 73 ବର୍ଷିୟ ରାଜାଙ୍କୁ ଔପଚାରିକ ଭାବେ ଇସ୍ତଫା ପତ୍ର ପ୍ରଦାନ କରିବେ ।
ଏହା ପରେ ସୁନାକ ରାଜାଙ୍କ ସହ ତାଙ୍କର ସାକ୍ଷାତ ପାଇଁ ପ୍ୟାଲେସରେ ପହଞ୍ଚିବେ, ଯିଏ ତାଙ୍କୁ ଔପଚାରିକ ଭାବରେ ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବରେ ଦାୟିତ୍ୱ ଦେବେ । ଏହା ପରେ ସୁନକ୍ 10 ଡାଉନିଙ୍ଗ୍ ଷ୍ଟ୍ରିଟ୍ ରେ ତାଙ୍କର ପ୍ରଥମ ପ୍ରଧାନମନ୍ତ୍ରୀ ପଦର ସମ୍ବୋଧନ କରିବେ । ଏହି ସମୟରେ ତାଙ୍କ ସହ ପତ୍ନୀ ଅକ୍ଷତା ମୂର୍ତ୍ତି ଏବଂ ଝିଅ କୃଷ୍ଣା ଏବଂ ଅନୁଷ୍କା ଯୋଗଦେବେ ବୋଲି କୁହାଯାଉଛି ।
ବ୍ରିଟେନ ଏକ ମହାନ ଦେଶ, କିନ୍ତୁ ଏଥିରେ କୌଣସି ସନ୍ଦେହ ନାହିଁ ଯେ ଆମେ ଏକ ଗଭୀର ଆର୍ଥିକ ଆହ୍ୱାନର ସମ୍ମୁଖୀନ ହେଉଛୁ ବୋଲି ସୋମବାର ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହୋଇଥିବା ସୁନକ କହିଛନ୍ତି ।
"ବର୍ତ୍ତମାନ ଆମକୁ ସ୍ଥିରତା ଏବଂ ଏକତା ଆବଶ୍ୟକ ଏବଂ ଆମ ଦଳ ଏବଂ ଆମ ଦେଶକୁ ଏକାଠି କରିବା ପାଇଁ ମୁଁ ଏହାକୁ ମୋର ପ୍ରାଥମିକତା ଦେବି; କାରଣ ଏହା ହେଉଛି ଏକମାତ୍ର ଉପାୟ ଯାହା ଆମେ ସମ୍ମୁଖୀନ ହେଉଥିବା ଆହ୍ୱାନକୁ ଦୂର କରିବା ଏବଂ ଆମ ପିଲା ଏବଂ ଆମ ପାଇଁ ଏକ ଉନ୍ନତ, ସମୃଦ୍ଧ ଭବିଷ୍ୟତ ଗଠନ କରିପାରିବା ।
Click it and Unblock the Notifications
Sign in with Google