2085 ମସିହାରେ ସିଡନୀର ମେୟର ପଢିବେ ରାଣୀଙ୍କ ଗୁପ୍ତଚିଠି, ଅପେକ୍ଷା କରିବାକୁ ହେବ 63 ବର୍ଷ

ରାଣୀ ଏଲିଜାବେଥ ଲେଖିଥଇବା ଏକ ଗୁପ୍ତ ଚିଠିକୁ ଲୁଚାଇ ରଖାଯାଇଛି । କୌତୁହଳର ବିଷୟ ହେଉଛି ଏହି ଚିଠି ଆହୁରି 63 ବର୍ଷ ପର୍ଯ୍ୟନ୍ତ ଖୋଲା ହେବ ନାହିଁ । ଖବର ଅନୁଯାୟୀ, ଏହି ଗୁପ୍ତ ଚିଠି ସିଡ୍‌ନିର ଗୋଟାଏ ଐତିହାସିକ ଅଟ୍ଟାଳିକାରେ ଥିବା ‘ଭଲ୍‌ଟ୍‌'ରେ ରଖାଯାଇଛି ।

Updated: Monday, September 12, 2022, 14:56 [IST]

ସିଡନୀ : ବ୍ରିଟେନର ରାଣୀ ଏଲିଜାବେଥ ଦ୍ୱିତୀୟଙ୍କର 8 ସେପ୍ଟେମ୍ବରରେ ଦେହାନ୍ତ ହୋଇଛି । ଦେହାନ୍ତ ସମୟରେ ତାଙ୍କୁ 96 ବର୍ଷ ହୋଇଥିଲା । 1952 ରେ ସିଂହାସନ ଗ୍ରହଣ କରିବା ପରେ ସେ 70 ବର୍ଷ ଶାସନ କରିଥିଲେ । ଏତେ ଦିନ ଧରି ଶାସନ କରିବାର ଉଦାହରଣ କ୍ୱଚିତ୍ ଦେଖାଯାଇଥାଏ । ବର୍ତ୍ତମାନ ରାଣୀଙ୍କର ଦେହାନ୍ତ ପରେ ତାଙ୍କ ସହ ଜଡିତ ଅନନ୍ୟ କାହାଣୀ ଧୀରେ ଧୀରେ ସାମ୍ନାକୁ ଆସୁଛି । ଏହିପରି ଗୋଟିଏ ଘଟଣା ରାଣୀ ବ୍ରିଟେନବାସୀଙ୍କ ଉଦ୍ଦେଶ୍ୟରେ ଲେଖିଥିବା ଏକ ଚିଠି ସହିତ ଜଡିତ ।

1986 ରେ ଲେଖାଯାଇଥିଲା ଚିଠି

ରାଣୀ ଏଲିଜାବେଥ ଲେଖିଥଇବା ଏକ ଗୁପ୍ତ ଚିଠିକୁ ଲୁଚାଇ ରଖାଯାଇଛି । କୌତୁହଳର ବିଷୟ ହେଉଛି ଏହି ଚିଠି ଆହୁରି 63 ବର୍ଷ ପର୍ଯ୍ୟନ୍ତ ଖୋଲା ହେବ ନାହିଁ । ଖବର ଅନୁଯାୟୀ, ଏହି ଗୁପ୍ତ ଚିଠି ସିଡ୍‌ନିର ଗୋଟାଏ ଐତିହାସିକ ଅଟ୍ଟାଳିକାରେ ଥିବା 'ଭଲ୍‌ଟ୍‌'ରେ ରଖାଯାଇଛି । ସ୍ଥାନୀୟ ଅଷ୍ଟ୍ରେଲିୟ ଗଣମାଧ୍ୟମ ଚ୍ୟାନେଲ 7 ନ୍ୟୁଜ୍ ଅନୁଯାୟୀ, ଏହି ଚିଠି ସିଡନୀରେ ଗୁପ୍ତ ରଖାଯାଇଛି । ନଭେମ୍ବର 1986 ରେ ରାଣୀ ଏଲିଜାବେଥଙ୍କ ଦ୍ୱାରା ଲିଖିତ ଏହି ଚିଠି ସିଡନୀବାସୀଙ୍କୁ ସମ୍ବୋଧିତ କରାଯାଇଛି ।

2085 ରେ ଖୋଲାଯିବ ଚିଠି

ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଚିଠିରେ କ'ଣ ଲେଖାଯାଇଛି ଏହା କେହି ଜାଣନ୍ତି ନାହିଁ, ଏପରିକି ରାଣୀଙ୍କ ବ୍ୟକ୍ତିଗତ କର୍ମଚାରୀମାନେ ମଧ୍ୟ ତାହା ଜାଣି ନାହାଁନ୍ତି । ଏହାକୁ ଏକ ସୁରକ୍ଷିତ ସ୍ଥାନରେ ଏକ ଗ୍ଲାସ୍ ବାକ୍ସରେ ଲୁଚାଇ ରଖାଯାଇଛି । ଏହା ସହିତ ଆଉ ଏକ କୌତୁହଳପୂର୍ଣ୍ଣ ବିଷୟ ହେଉଛି ଏହା 2085 ପର୍ଯ୍ୟନ୍ତ ଖୋଲାଯାଇପାରିବ ନାହିଁ । ସିଡନୀର ମେୟରଙ୍କୁ ସମ୍ବୋଧିତ ହୋଇଥିବା ଏହି ଚିଠିରେ ଲେଖା ଅଛି ଯେ 2085 ମସିହାରେ ଆପଣ ଏକ ଉପଯୁକ୍ତ ଦିନ ଚୟନ କରି, ଆପଣ ଦୟାକରି ଏହି ଲଫାଫାକୁ ଖୋଲିବେ ଏବଂ ସିଡ଼ନୀବାସୀଙ୍କ ନିକଟେରେ ଏହି ବାର୍ତ୍ତା ପହଞ୍ଚାଇବେ ।

16 ଥର ଅଷ୍ଟ୍ରେଲିଆ ଗସ୍ତ କରିଛନ୍ତି ରାଣୀ

ସୂଚନାଯୋଗ୍ୟ, ବ୍ରିଟେନର ରାଣୀ ଏଲିଜାବେଥ 16 ଥର ଅଷ୍ଟ୍ରେଲିଆ ଗସ୍ତ କରିଛନ୍ତି । ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ଆନ୍ଥୋନି ଆଲ୍ବନୀଜ ଶୁକ୍ରବାର ଦିନ ଏକ ବିବୃତ୍ତିରେ କହିଛନ୍ତି ଯେ ରାଣୀ ଅଷ୍ଟ୍ରେଲିଆ ଗସ୍ତରେ ତାଙ୍କର ପ୍ରଥମ ଗସ୍ତ ପରଠାରୁ 16 ଥର ଗସ୍ତ କରିଛନ୍ତି । ଏଥିରୁ ସ୍ପଷ୍ଟ ହୋଇଥିଲା ଯେ ରାଣୀଙ୍କ ହୃଦୟରେ ଅଷ୍ଟ୍ରେଲିଆ ପାଇଁ ଏକ ସ୍ୱତନ୍ତ୍ର ସ୍ଥାନ ଥିଲା । 1999 ରେ ଅଷ୍ଟ୍ରେଲିଆ ରାଣୀଙ୍କୁ ରାଜ୍ୟ ମୁଖ୍ୟ ଭାବରେ ହଟାଇବା ପାଇଁ ଏକ ଉପନିର୍ବାଚନ କରିଥିଲା, କିନ୍ତୁ ସେ ପରାସ୍ତ ହୋଇଥିଲେ ବୋଲି ସିଏନ୍ଏନ୍ ରିପୋର୍ଟ କରିଛି ।

ଶୁକ୍ରବାର ଦିନ ସିଡନୀର ପ୍ରତିଷ୍ଠିତ ଅପେରା ହାଉସରେ ରାଣୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ରାଣୀ ଦେହାନ୍ତ ହେବା ପରେ କିଙ୍ଗ ଚାର୍ଲ୍ସ ତୃତୀୟ କମନୱେଲଥ ଅଫ୍ ନେସନ୍ସର ମୁଖ୍ୟ ହୋଇଛନ୍ତି । ଏଥିସହ ଗଣମାଧ୍ୟମର ରିପୋର୍ଟ ଅନୁଯାୟୀ ପଡୋଶୀ ନ୍ୟୁଜିଲ୍ୟାଣ୍ଡ ରବିବାର ଦିନ ଏକ ଟେଲିଭିଜନ ସମାରୋହରେ ରାଜା ଚାର୍ଲ୍ସ ତୃତୀୟଙ୍କୁ ଏହାର ମୁଖ୍ୟ ଭାବରେ ଘୋଷଣା କରିଛି । 70 ବର୍ଷ ପରେ ବ୍ରିଟେନ ଜଣେ ରାଜା ପାଇଛି ।