ଡେନମାର୍କରେ ପ୍ରଧାନମନ୍ତ୍ରୀ ମୋଦୀଙ୍କୁ ଭବ୍ୟ ସ୍ୱାଗତ, କହିଲେ - ଏହି ଦେଶ ସହିତ ସମ୍ପର୍କକୁ ନୂତନ ଉଚ୍ଚତାକୁ ନେଇଯିବୁ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୟୁରୋପ ଗସ୍ତର ଦ୍ୱିତୀୟ ଦିନରେ ମଙ୍ଗଳବାର ଦିନ ଡେନମାର୍କରେ ପହଞ୍ଚିଛନ୍ତି । ତାଙ୍କୁ କୋପନହେଗନ୍ ବିମାନବନ୍ଦରରେ ପିଏମ ମେଟ୍ ଫ୍ରେଡ୍ରିକ୍ସନ୍ ସ୍ୱାଗତ କରିଥିଲେ ।
କୋପନହେଗନ୍ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୟୁରୋପ ଗସ୍ତର ଦ୍ୱିତୀୟ ଦିନରେ ମଙ୍ଗଳବାର ଦିନ ଡେନମାର୍କରେ ପହଞ୍ଚିଛନ୍ତି । ତାଙ୍କୁ କୋପନହେଗନ୍ ବିମାନବନ୍ଦରରେ ପିଏମ ମେଟ୍ ଫ୍ରେଡ୍ରିକ୍ସନ୍ ସ୍ୱାଗତ କରିଥିଲେ । ଗ୍ରୀନ୍ ଷ୍ଟ୍ରାଟେଜିକ୍ ପାର୍ଟନରସିପ୍ ଏବଂ ଦ୍ୱିପାକ୍ଷିକ ସମ୍ପର୍କ ଭଳି ପ୍ରସଙ୍ଗରେ ପ୍ରଧାନମନ୍ତ୍ରୀ ଫ୍ରେଡ୍ରିକ୍ସନ୍ ଙ୍କ ସହ ପ୍ରଧାନମନ୍ତ୍ରୀ ମୋଦୀ ଆଲୋଚନା କରିଛନ୍ତି । ଏହି ସମୟରେ ସେ ପ୍ରଧାନମନ୍ତ୍ରୀ ଫ୍ରେଡେରିକସେନ୍ ଙ୍କୁ କହିଥିଲେ ଯେ ମୁଁ ବିଶ୍ୱାସ କରୁଛି ଯେ ଆପଣଙ୍କ ନେତୃତ୍ୱରେ ଭାରତ ଏବଂ ଡେନମାର୍କ ମଧ୍ୟରେ ସମ୍ପର୍କ ନୂତନ ଉଚ୍ଚତାରେ ପହଞ୍ଚିବ ।
ଏହି ସମୟରେ ପ୍ରଧାନମନ୍ତ୍ରୀ ମୋଦୀ ଡେନମାର୍କରେ କହିଛନ୍ତି ଯେ ଏହା ହେଉଛି ଆପଣଙ୍କ ସୁନ୍ଦର ଦେଶକୁ ମୋର ପ୍ରଥମ ଗସ୍ତ । ଏହାପୂର୍ବରୁ ଅକ୍ଟୋବରରେ, ମୁଁ ଆପଣଙ୍କୁ ସ୍ୱାଗତ କରିବାର ସୁଯୋଗ ପାଇଥିଲି । ଏହି ଉଭୟ ପରିଦର୍ଶନ ଆମ ସମ୍ପର୍କରେ ନିକଟତରତା ଆଣିଛି । ଆମର ଦୁଇ ଦେଶ ଗଣତନ୍ତ୍ର ଏବଂ ଆଇନର ଶାସନ ପରି ମୂଲ୍ୟବୋଧ ବାଣ୍ଟନ୍ତି, ଆମର ଉଭୟଙ୍କର ଅନେକ ସହାୟକ ଶକ୍ତି ଅଛି ।
ୟୁକ୍ରେନରେ ଶାନ୍ତି ଫେରାଇ ଆଣିବାକୁ ଆହ୍ୱାନ
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆଜି ଆମେ ଭାରତ-ଇଉରୋପୀୟ ସଂଘ ସମ୍ପର୍କ, ଭାରତ-ପ୍ରଶାନ୍ତ ମହାସାଗରୀୟ ଏବଂ ୟୁକ୍ରେନ ସମେତ ଅନେକ ଆଞ୍ଚଳିକ ତଥା ବିଶ୍ୱସ୍ତରୀୟ ପ୍ରସଙ୍ଗ ଉପରେ ମଧ୍ୟ ଆଲୋଚନା କରିଛୁ । ଆମେ ଆଶା କରୁଛୁ ଯେ ଭାରତ-ଇଉରୋପୀୟ ସଂଘ ମୁକ୍ତ ବାଣିଜ୍ୟ ଚୁକ୍ତି ଉପରେ ବୁଝାମଣା ଶୀଘ୍ର ଶେଷ ହେବ । ସେ ଆହୁରି ମଧ୍ୟ କହିଛନ୍ତି ଯେ ଇଣ୍ଡୋ-ପାସିଫିକ୍ ଅଞ୍ଚଳକୁ ଏକ ମୁକ୍ତ, ଖୋଲା, ଅନ୍ତର୍ଭୂକ୍ତ ଏବଂ ନିୟମ-ଆଧାରିତ ଅଞ୍ଚଳ ସୁନିଶ୍ଚିତ କରିବା ଉପରେ ଆମେ ଗୁରୁତ୍ୱାରୋପ କରିଛୁ । ୟୁକ୍ରେନରେ ତୁରନ୍ତ ଯୁଦ୍ଧ ବିରାମ ଏବଂ ସମସ୍ୟାର ସମାଧାନ ପାଇଁ କଥାବାର୍ତ୍ତା ଏବଂ କୂଟନୈତିକ ପଥ ପାଇଁ ଆମେ ଆହ୍ୱାନ କରୁଛୁ ।
Click it and Unblock the Notifications
Sign in with Google