ଇରାନ ଉପରେ ପାଲଟା ଆକ୍ରମଣ କଲା ପାକିସ୍ଥାନ, ଏହି ସହର ଉପରେ କଲା ଏୟାର ଷ୍ଟ୍ରାଇକ୍

Published: Thursday, January 18, 2024, 9:00 [IST]

ଇରାନରେ ପାକିସ୍ତାନ ଏୟାର ଷ୍ଟ୍ରାଇକ୍: ପାକିସ୍ତାନରେ ଆତଙ୍କବାଦୀ ସଙ୍ଗଠନ ଉପରେ ଇରାନ ଆକ୍ରମଣ କରିଛି । ଏହା ପରେ ଆକ୍ରମଣାତ୍ମକ ହୋଇ ଉଠିଛି ପାକିସ୍ତାନ । ଏହା ବାୟୁସେନାର ସୀମା ଉଲଙ୍ଘନ ଏବଂ ଆକ୍ରମଣର ଗମ୍ଭୀର ପରିଣାମ ଭୋଗିବାକୁ ପଡିପାରେ ବୋଲି ଚେତାବନୀ ଦେଇଥିଲା ପାକିସ୍ତାନ ।

ଏହା ପରେ ପାକିସ୍ତାନ ଇରାନରେ ଆତଙ୍କବାଦୀଙ୍କ ଠିକଣା ଉପରେ ଏୟାର ଷ୍ଟ୍ରାଇକ ଆରମ୍ଭ କରିଛି । ରିପୋର୍ଟ ଅନୁଯାୟୀ, ପୂର୍ବ ଇରାନର ସୋରୱନ ସହରରେ ଥିବା ବଲୁଚ ଆତଙ୍କବାଦୀ ଗୋଷ୍ଠୀ ଉପରେ ପାକିସ୍ତାନ ବାୟୁସେନା ଏୟାର ଷ୍ଟ୍ରାଇକ କରିଛି ।

ଏହୀ ପୂର୍ବରୁ ମଙ୍ଗଳବାର ରାତିରେ ପାକିସ୍ତାନର ବାଲୁଚିସ୍ତାନ ପ୍ରଦେଶରେ ଆତଙ୍କବାଦୀ ସଂଗଠନ ଜୈଶ ଅଲ-ଅଦାଲ ଉପରେ ଇରାନ ଆକ୍ରମଣ କରିଥିଲା । ଏହି ଆକ୍ରମଣର ପ୍ରତିଶୋଧ ନେଇ ପାକିସ୍ତାନ ଏହି ପାଲଟା ଜବାବ ଦେଇଛି ।

ଇଣ୍ଡିଆ ଟୁଡେ ରିପୋର୍ଟ ମୁତାବକ ସୂଚନାନୁସାରେ, ପାକିସ୍ତାନୀ ସେନା ଅନୁଯାୟୀ ବୁଧବାର ରାତିରେ ପୂର୍ବ ଇରାନର ସରୱାନ ସହର ନିକଟରେ ଥିବା ବାଲୁଚ ଆତଙ୍କବାଦୀ ଗୋଷ୍ଠୀ ଉପରେ ବାୟୁସେନା ଅନେକ ଥର ଆକ୍ରମଣ କରିଥିଲା । ଆକ୍ରମଣ ପରେ ସହରରେ ଉତ୍ତେଜନା ଦେଖାଦେଇଛି ।

ପାକିସ୍ତାନରେ ଇରାନର ଏୟାର ଷ୍ଟ୍ରାଇକ ପରେ ଦୁଇ ଦେଶ ମଧ୍ୟରେ ବିବାଦ ବଢିବାରେ ଲାଗିଛି । କୁଟନୈତିକ ସମ୍ପର୍କ ଉଭୟ ଦେଶ ମଧ୍ୟରେ ଆହୁରି ବିଗିଡିପାରେ । ପାକିସ୍ତାନ ନିଜ ରାଷ୍ଟ୍ରଦୂତଙ୍କୁ ଇରାନରୁ ଡକାଇଥିବା ବେଳେ ପାକିସ୍ତାନରେ ଥିବା ଇରାନର ରାଷ୍ଟ୍ରଦୂତଙ୍କୁ ପଠାଇଦେଇଛି । ଏଥିସହ ସବୁ ଗସ୍ତକୁ ତୁରନ୍ତ ବାତିଲ କରାଯାଇଛି । ପାକିସ୍ତାନର ବେଲୁଚିସ୍ତାନରେ ସକ୍ରିୟ ଆତଙ୍କବାଦୀ ଜୈଶ-ଏ-ଅଦଲର ଶିବିର ଉପରେ ଆକ୍ରମଣ କରିଥିଲା ଇରାନ ।

ଆକ୍ରମଣ ଘଟଣାରେ ବାୟୁସୀମାର ଉଲ୍ଲଂଘନ କରାଯାଇଥିବା ଅଭିଯୋଗ କରି ଇରାନ ରାଷ୍ଟ୍ରଦୂତଙ୍କୁ ସମନ କରିଛି ପାକିସ୍ତାନ । ଆକ୍ରମଣର ଗମ୍ଭୀର ପରିଣାମ ଭୋଗିବାକୁ ପଡିପାରେ ବୋଲି ଚେତାବନୀ ଦେଇଛି ପାକିସ୍ତାନ । ଇରାନ ସେନା ଉପରେ ଜୈସ ଏ ଅଦଲର ଆତଙ୍କୀ ଆକ୍ରମଣ କରିଥିଲା । ଏହାର ଜବାବରେ ଇରାନର ରିଭୋଲ୍ୟୁଶାନାରୀ ଗାର୍ଡ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

Published On January 18, 2024