ଅନ୍ୟମନସ୍କ ହୋଇଗଲେ ନର୍ସ ! ମହିଳାଙ୍କୁ ଦେଲେ ଟିକାର ୬ ଡୋଜ୍, ଆଉ ତାପରେ

ଇଟାଲୀର ଜଣେ ମହିଳା ଟିକା ନେବା ପାଇଁ ଟିକାକରଣ କେନ୍ଦ୍ରକୁ ଯାଇଥିଲେ । ହେଲେ ନର୍ସ ତାଙ୍କୁ ଟିକା ଦେବା ସମୟରେ ଭୁଲରେ ଉକ୍ତ ମହିଳାଙ୍କୁ ଫାଇଜର୍ ଟିକାର ୬ ଡୋଜ୍ ଦେଇଥିଲେ ।

ଇଟାଲୀ : କରୋନା ମହାମାରୀ ପାଇଁ ସାରା ବିଶ୍ୱ ଏବେ ଟିକାକରଣକୁ ଅଧିକ ପ୍ରାଧାନ୍ୟ ଦେଉଛି । ପ୍ରତିଟି ନାଗରିକ ଏବେ ଟିକାକରଣ ପ୍ରକ୍ରିୟାରେ ଭାଗ ନେଉଛନ୍ତି । ଏହି ସମୟରେ ଇଟାଲୀର ଜଣେ ମହିଳା ଟିକା ନେବା ପାଇଁ ଟିକାକରଣ କେନ୍ଦ୍ରକୁ ଯାଇଥିଲେ । ହେଲେ ନର୍ସ ତାଙ୍କୁ ଟିକା ଦେବା ସମୟରେ ଭୁଲରେ ଉକ୍ତ ମହିଳାଙ୍କୁ ଫାଇଜର୍ ଟିକାର 6 ଡୋଜ୍ ଦେଇଥିଲେ । ଟୀକା ନେବା ପରେ ମହିଳାଙ୍କ ଉପରେ ଟିକାର ଖରାପ ପ୍ରଭାବ ପଡିବ ତେଣୁ ତାଙ୍କୁ ହସ୍ପିଟାଲରେ 24 ଘଣ୍ଟା ପାଇଁ ରଖାଯାଇଥିଲା ।

ସୂଚନା ଅନୁସାରେ, ବର୍ତ୍ତମାନ ମହିଳାଙ୍କ ସ୍ୱାସ୍ଥ୍ୟ ଠିକ୍ ରହିଛି । ଏଥିସହ ତାଙ୍କୁ ହସ୍ପିଟାଲରୁ ଡିସଚାର୍ଜ କରିଦିଆଯାଇଛି । ଏନେଇ ହସ୍ପିଟାଲ୍ ର କର୍ତ୍ତୃପକ୍ଷ ସୂଚନା ଦେଇଛନ୍ତି । ହସ୍ପିଟାଲ କର୍ତ୍ତୃପକ୍ଷ କହିଛନ୍ତି ଯେ, ମହିଳାଙ୍କୁ 24ଘଣ୍ଟା ପାଇଁ ହସ୍ପିଟାଲରେ ରଖାଯାଇଥିଲା । ତାଙ୍କ ଉପରେ କଡା ନଜର ରଖାଯାଇଥିଲା । ହେଲେ ସେ ଏବେ ସୁସ୍ଥ ଅଛନ୍ତି ଏବଂ ଡିସଚାର୍ଜ କରିଦିଆଯାଇଛି । ଗୋଟିଏ ସିରିଞ୍ଜରେ ଥିବା 6ଟି ଯାକ ଡୋଜ୍ ତାଙ୍କୁ ହସ୍ପିଟାଲର ଜଣେ ନର୍ସ ଦେଇ ଦେଇଥିଲେ । ଏହାପରେ ଟିକା ଦେଇଥିବା ନର୍ସ ଜଣକ ନିଜ ଭୁଲ୍ ମାନି ମହିଳାଙ୍କୁ ଏ ବିଷୟରେ ଅବଗତ ମଧ୍ୟ କରାଇଥିଲେ ।

English summary

Nurse Given Doses Of Vaccine To One Lady