ଆସନ୍ତା ସପ୍ତାହରୁ ନେପାଳ ଏବଂ ଦିଲ୍ଲୀ ମଧ୍ୟରେ ହେବ ବିମାନ ଚଳାଚଳ
ନେପାଳ-ଭାରତ ମଧ୍ୟରେ ବିମାନ ଚଳାଚଳ ଆସନ୍ତା ସପ୍ତାହରେ ପୁଣି ଆରମ୍ଭ ହୋଇପାରେ । କରୋନା ମହାମାରୀ ପାଇଁ 9ମାସ ଧରି ବନ୍ଦ ଥିବା ଏହି ବିମାନ ସେବାକୁ ପୁଣି ଆରମ୍ଭ କରିବା ପାଇଁ ଏୟାର ବବୁଲ ଚୁକ୍ତିନାମା ଉପରେ ଆଲୋଚନା କରାଯାଇଛି ।
କାଠମାଣ୍ଡୁ : ଆସନ୍ତା ସପ୍ତାହରୁ ଆରମ୍ଭ ହେଇପାରେ ନେପାଳ ଓ ନୂଆଦିଲ୍ଲୀ ମଧ୍ୟରେ ବିମାନ ଚଳାଚଳ | କରୋନା ମହାମାରୀ ପାଇଁ ଦୁଇ ଦେଶ ମଧ୍ୟରେ ବନ୍ଦ ଥିବା ବିମାନ ଚଳାଚଳକୁ ପୁନଃ ଆରମ୍ଭ କରିବା ନେଇ ଏୟାର ବବୁଲ୍ ଚୁକ୍ତିନାମାରେ ଆଲୋଚନା କରାଯାଇଛି | ଏନେଇ ନେପାଳ ବେସାମରିକ ବିମାନ ଚଳାଚଳ ମନ୍ତ୍ରାଳୟର ଯୁଗ୍ମ ସଚିବ ବୁଦ୍ଧ ସାଗର ଲାମିଛାନେ ସୂଚନା ଦେଇଛନ୍ତି |
କରୋନା ମହାମାରୀ ସମୟରେ କାଠମାଣ୍ଡୁ ଏବଂ ନୂଆଦିଲ୍ଲୀ ମଧ୍ୟରେ ପ୍ରାୟ 9 ମାସ ଧରି ବିମାନ ସେବା ବନ୍ଦ ରହିଥିଲା ।
ଆସନ୍ତା 10 ଦିନ ମଧ୍ୟରେ ଆରମ୍ଭ ହୋଇପାରେ ବିମାନ ସେବା
ଲାମିଛାନେ କହିଛନ୍ତି ଯେ ଭାରତର ଏୟାର ବବୁଲ୍ ପ୍ରସ୍ତାବ ଉପରେ ଆମେ ସକରାତ୍ମକ ପ୍ରତିକ୍ରିୟା ରଖିବୁ | ବିମାନ ଚଳାଚଳ ଆରମ୍ଭ ତାରିଖ ସମ୍ପର୍କରେ ନେପାଳରୁ ଭାରତ ମଧ୍ୟ ପ୍ରତିକ୍ରିୟା ଲୋଡିଛ | ଆମେ ତାରିଖ ସମ୍ପର୍କିତ ନିଷ୍ପତ୍ତି ମନ୍ତ୍ରଣାଳୟ ଉପରେ ଛାଡିଛୁ | ଆସନ୍ତା 10 ଦିନ ମଧ୍ୟରେ ଦୁଇ ଦେଶ ମଧ୍ୟରେ ବିମାନ ଆରମ୍ଭ ହୋଇପାରେ ବୋଲି ଆଶା କରାଯାଉଛି ବୋଲି ସେ କହିଛନ୍ତି |
ବର୍ତ୍ତମାନ କେବଳ 2 ଟି ବିମାନ ଚଳାଚଳ କରିବ
ଲାମିଛାନେଙ୍କ ସୂଚନା ଅନୁସାରେ, ଭାରତର ଏୟାର ବବୁଲ ପ୍ରସ୍ତାବ ଗ୍ରହଣ କରିବା ପରେ କାଠମାଣ୍ଡୁ ଏବଂ ଦିଲ୍ଲୀ ମଧ୍ୟରେ ବିମାନ ଚଳାଚଳ ପର୍ଯ୍ୟାୟକ୍ରମେ ଆରମ୍ଭ ହେବ | କୁହାଯାଉଛି ଯେ ପ୍ରଥମେ ଦୁଇ ଦେଶ ମଧ୍ୟରେ କେବଳ ଦୁଇଟି ବିମାନ ଚଳାଚଳ କରିବ | "ପ୍ରତ୍ୟେକ ଦିନ ନେପାଳ ଏବଂ ଭାରତରୁ କାଠମାଣ୍ଡୁ ଏବଂ ନୂଆଦିଲ୍ଲୀ ମଧ୍ୟରେ ଗୋଟିଏ ଲେଖାଏଁ ବିମାନ ଚଳାଚଳ କରିବ | ପରେ ବିମାନ ସଂଖ୍ୟା ବୃଦ୍ଧି କରିବାକୁ ଦୁଇ ଦେଶ ମଧ୍ୟରେ ଆଲୋଚନା କରାଯିବ |", ବୋଲି ସେ ସୂଚନା ଦେଇଛନ୍ତି |
Click it and Unblock the Notifications
Sign in with Google