ଋଷି ସୁନକ ବ୍ରିଟେନ ପ୍ରଧାନମନ୍ତ୍ରୀ ହେବା ପରେ କଣ କହିଲେ ଶ୍ୱଶୁର ନାରାୟଣ ମୁର୍ତ୍ତୀ
ଋଷି ସୁନକ ବ୍ରିଟେନର ପ୍ରଧାନମନ୍ତ୍ରୀ ହେବା ସମଗ୍ର ଭାରତ ପାଇଁ ଗର୍ବର ବିଷୟ ଏବଂ ନାରାୟଣ ମୁର୍ତ୍ତୀ ତାଙ୍କ ଜ୍ୱାଇଁଙ୍କୁ ବ୍ରିଟିଶ ପ୍ରଧାନମନ୍ତ୍ରୀ ହୋଇଥିବାରୁ ଅଭିନନ୍ଦନ ଜଣାଇଛନ୍ତି ।
ବ୍ରିଟେନ୍ : ଋଷି ସୁନକ ବ୍ରିଟେନର ପ୍ରଧାନମନ୍ତ୍ରୀ ହେବାରେ ପ୍ରଥମ ଭାରତୀୟ ବଂଶୋଦ୍ଭବ । ସୁନକ ହେଉଛନ୍ତି ଭାରତର ପ୍ରସିଦ୍ଧ ଶିଳ୍ପପତି ଇନଫୋସିସର ସହ-ପ୍ରତିଷ୍ଠାତା ନାରାୟଣ ମୁର୍ତ୍ତୀଙ୍କ ଜ୍ୱାଇଁ । ଋଷି ସୁନକ ବ୍ରିଟେନର ପ୍ରଧାନମନ୍ତ୍ରୀ ହେବା ସମଗ୍ର ଭାରତ ପାଇଁ ଗର୍ବର ବିଷୟ ଏବଂ ନାରାୟଣ ମୁର୍ତ୍ତୀ ତାଙ୍କ ଜ୍ୱାଇଁଙ୍କୁ ବ୍ରିଟିଶ ପ୍ରଧାନମନ୍ତ୍ରୀ ହୋଇଥିବାରୁ ଅଭିନନ୍ଦନ ଜଣାଇଛନ୍ତି ।
ଇନଫୋସିସ୍ ସହ-ପ୍ରତିଷ୍ଠାତା ନାରାୟଣ ମୁର୍ତ୍ତୀ ତାଙ୍କ ଜ୍ୱାଇଁ ସୁନକ ବ୍ରିଟେନ ପ୍ରଧାନମନ୍ତ୍ରୀ ଭାବରେ ନିର୍ବାଚିତ ହେବା ନେଇ ଦେଇଥିବା ପ୍ରଥମ ମନ୍ତବ୍ୟରେ କହିଛନ୍ତି ଯେ "ଆମେ ତାଙ୍କ ପାଇଁ ଗର୍ବିତ ଏବଂ ତାଙ୍କ ସଫଳତା କାମନା କରୁଛୁ ।"
ଆମେ ଆପଣଙ୍କୁ କହି ରଖୁଛୁ 42 ବର୍ଷ ବୟସରେ ଋଷି ସୁନକ ରବିବାର ଦିନ କନଜରଭେଟିଭ୍ ପାର୍ଟିର ନେତୃତ୍ୱ ନେଇ ବ୍ରିଟେନର ପ୍ରଧାନମନ୍ତ୍ରୀ ହେବାରେ ପ୍ରଥମ ଭାରତୀୟ ବଂଶୋଦ୍ଭବ । ବ୍ରିଟିଶ ପ୍ରଧାନମନ୍ତ୍ରୀ ଭାବରେ ତାଙ୍କର ଦୁଇ ବର୍ଷ କାର୍ଯ୍ୟକାଳ ରହିବ । ସଂସଦରେ ଋଷି ସୁନକଙ୍କୁ ବହୁ ମର୍ଥ ମିଳିଥିଲା । ତେବେ ଦେଶର ଖରାପ ଅର୍ଥନୀତିକୁ ସଜାଡ଼ିବା ବର୍ତ୍ତମାନ ସମୟରେ ଋଷି ସୁନକଙ୍କ ପାଇଁ ପରିଚାଳନା କରିବା ସହଜ ହେବ ନାହିଁ । ଏଥି ସହ ନାରାୟଣ ମୂର୍ତ୍ତୀ କହିଛନ୍ତି ଯେ ବ୍ରିଟେନର ଲୋକଙ୍କ ପାଇଁ ସେ ଯଥାସାଧ୍ୟ ଚେଷ୍ଟା କରିବେ ବୋଲି ଆମେ ନିଶ୍ଚିତ ।
ବ୍ରିଟେନର ପ୍ରଥମ ଭାରତୀୟ ବଂଶୋଦ୍ଭବ ପ୍ରଧାନମନ୍ତ୍ରୀ ଋଷି ସୁନକ ଏବଂ ଅକ୍ଷତା ମୂର୍ତ୍ତୀଙ୍କ ବିବାହକୁ 13 ବର୍ଷ ପୁରିଛି । ଅକ୍ଷତା ମୂର୍ତ୍ତୀ ବିଲିୟନେୟାର ଇନଫୋସିସ୍ ସହ-ପ୍ରତିଷ୍ଠାତା ଏନ.ଆର ନାରାୟଣ ମୁର୍ତ୍ତୀ ଏବଂ ଶିକ୍ଷକ, ଲେଖକ ତଥା ସମାଜସେବୀ ସୁଧା ମୁର୍ତ୍ତୀଙ୍କ ଝିଅ ।
Click it and Unblock the Notifications
Sign in with Google