ଲିଜ୍ ଟ୍ରସ୍ ବ୍ରିଟେନର ନୂଆ ପ୍ରଧାନମନ୍ତ୍ରୀ

ବ୍ରିଟେନ ଆଜି ଜଣେ ନୂଆ ପ୍ରଧାନମନ୍ତ୍ରୀ ପାଇଛି। 46 ବର୍ଷୀୟ ଲିଜ୍ ଟ୍ରସ୍ ତାଙ୍କ ପ୍ରତିଦ୍ୱନ୍ଦ୍ୱୀ ଋଷି ସୁନକଙ୍କୁ ପରାସ୍ତ କରି ବୋରିସ୍ ଜନସନଙ୍କ ନୂତନ ଉତ୍ତରାଧିକାରୀ ହୋଇଛନ୍ତି ।

ଲଣ୍ଡନ : ବ୍ରିଟେନ ଆଜି ଜଣେ ନୂଆ ପ୍ରଧାନମନ୍ତ୍ରୀ ପାଇଛି। 46 ବର୍ଷୀୟ ଲିଜ୍ ଟ୍ରସ୍ ତାଙ୍କ ପ୍ରତିଦ୍ୱନ୍ଦ୍ୱୀ ଋଷି ସୁନକଙ୍କୁ ପରାସ୍ତ କରି ବୋରିସ୍ ଜନସନଙ୍କ ନୂତନ ଉତ୍ତରାଧିକାରୀ ହୋଇଛନ୍ତି । ଭାରତୀୟ ସମୟ ଅନୁଯାୟୀ ଅପରାହ୍ନ 5 ଟାରେ ଫଳାଫଳ ଘୋଷଣା ହୋଇଥିଲା । ବିଜୟୀ ହେବା ପରେ ଦକ୍ଷିଣପନ୍ଥୀ ପ୍ରାର୍ଥୀ ଲିଜ ଟ୍ରସ୍ ବୋରିସ୍ ଜନସନଙ୍କ ସ୍ଥାନ ନେଇଛନ୍ତି । ବ୍ରିଟିଶ ରାଜନୀତିରେ ଲିଜ୍ ଫାୟାରବ୍ରାଣ୍ଡ୍ ନେତା ଭାବରେ ଜଣାଶୁଣା । ଦୁଇ ମାସ ଧରି ଚାଲିଥିବା ନିର୍ବାଚନ ପ୍ରଚାରରେ ସେ ଋଷି ସୁନକଙ୍କୁ ପରାସ୍ତ କରିବାରେ ଲାଗିଥିଲେ ।

ଆପଣଙ୍କୁ କହି ରଖୁଛୁ 7 ଜୁଲାଇରେ ବୋରିସ୍ ଜନସନ ଦଳର ନେତା ପଦରୁ ଇସ୍ତଫା ଦେଇଥିଲେ । ଏହା ପରେ କନଜର୍ଭେଟିଭ୍ ପାର୍ଟିରେ ଭାରତୀୟ ବଂଶୋଦ୍ଭବ ଋଷି ସୁନକଙ୍କ ବିରୋଧରେ ଲିଜ୍ ପ୍ରତିଦ୍ୱନ୍ଦିତା କରିଥିଲେ । ଦଳର ପ୍ରାୟ 1.60 ଲକ୍ଷ ସଦସ୍ୟ ଭୋଟ୍ ଦେଇଛନ୍ତି । ଏକ ସର୍ଭେ ଅନୁଯାୟୀ, ଦଳର ପ୍ରତି 10 ଜଣ ସଦସ୍ୟ ମଧ୍ୟରୁ 6 ଜଣ ଲିଜଙ୍କ ସମର୍ଥନ ବୋଲି କୁହାଯାଇଛି । ବର୍ତ୍ତମାନ ଫଳାଫଳ ସମସ୍ତଙ୍କ ସାମ୍ନାରେ ଅଛି, ଲିଜ୍ ଟ୍ରସ୍ ବ୍ରିଟେନର ନୂତନ ପ୍ରଧାନମନ୍ତ୍ରୀ ହୋଇଛନ୍ତି ।

ଏହି ନିର୍ବାଚନରେ ଲିଜଙ୍କୁ 81 ହଜାର 326 ଟି ଭୋଟ ମିଳିଥିବାବେଳେ ସୁନକଙ୍କୁ 60 ହଜାର 399 ଟି ଭୋଟ ମିଳିଥିଲା । ଶକ୍ତି ସଂକଟ, ମାନ୍ଦାବସ୍ଥା ପରି କେତେକ ସମସ୍ୟାର ସମ୍ମୁଖୀନ ହେଉଥିବା ବ୍ରିଟେନର ଅର୍ଥନୀତିକୁ ସଜାଡ଼ିବା ନୂଆ ପ୍ରଧାନମନ୍ତ୍ରୀଙ୍କ ପାଇଁ ଏକ ବଡ଼ ଚ୍ୟାଲେଞ୍ଜ ହେବ ବୋଲି ବିଶେଷଜ୍ଞମାନେ କହିଛନ୍ତି ।

English summary

liz truss became britain new prime minister