ଗାଜା ହସ୍ପିଟାଲ କମ୍ପ୍ଲେକ୍ସରେ ଇସ୍ରାଏଲର୍ ଏୟାର ଷ୍ଟ୍ରାଇକ୍, 500 ରୁ ଅଧିକ ମୃତ
Israel Airstrike on Gaza Hospital: ହମାସକୁ ଧ୍ୱଂସ କରିବା ନେଇ ଏକ ମାତ୍ର ଲକ୍ଷ୍ୟରେ ଅଟଳ ରହିଛି ଇସ୍ରାଏଲ୍ । ଇସ୍ରାଏଲ୍ କ୍ରମାଗତ ଭାବରେ ହମାସ ଉପରେ ଏୟାର ଷ୍ଟ୍ରାଇକ୍ କରୁଛି । ଏହି ସମୟରେ ଇସ୍ରାଏଲ ଏକ ଡାକ୍ତରଖାନା ଉପରେ ଏୟାର ଷ୍ଟ୍ରାଇକ୍ କରିଛି । ଯେଉଁଥିରେ 500 ଲୋକଙ୍କର ମୃତ୍ୟୁ ହୋଇଛି ।
ମଙ୍ଗଳବାର ଦିନ ଗାଜା ସିଟି ହସ୍ପିଟାଲରେ ଇସ୍ରାଏଲର ଏୟାର ଷ୍ଟ୍ରାଇକ୍ ହୋଇଛି । ଏଥିରେ ଶହ ଶହ ଲୋକଙ୍କ ମୃତ୍ୟୁ ଘଟିଛି ବୋଲି ସ୍ୱାସ୍ଥ୍ୟ ଅଧିକାରୀ କହିଛନ୍ତି । ମିଳିତ ଜାତିସଂଘ କହିଛି ଯେ ଇସ୍ରାଏଲ ମଧ୍ୟ ଆଶ୍ରୟସ୍ଥଳ ଭାବରେ ବ୍ୟବହାର କରାଯାଉଥିବା ଏକ ବିଦ୍ୟାଳୟକୁ ଟାର୍ଗେଟ୍ କରାଯାଉଛି ।
ଅଲ-ଜଜିରା ଟେଲିଭିଜନରେ ଗାଜା ସୁରକ୍ଷା ମୁଖ୍ୟ କହିଛନ୍ତି ଯେ ଅଲ-ଅହଲି ଅଲ-ଆରବୀ ଡାକ୍ତରଖାନାରେ 300 ରୁ ଅଧିକ ଲୋକଙ୍କର ମୃତ୍ୟୁ ହୋଇଛି । ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ ଅତି କମରେ 500 ଲୋକଙ୍କର ମୃତ୍ୟୁ ହୋଇଛି ।
ତେବେ ଇସ୍ରାଏଲ୍ ସେନା ଏହାକୁ ଅସ୍ୱୀକାର କରିଛି । ଇସ୍ରାଏଲ୍ ପକ୍ଷରୁ କୁହାଯାଇଛି ଯେ, ଏହି ବିସ୍ଫୋରଣ ବିଷୟରେ ଆମ ନିକଟରେ କୌଣସି ବିବରଣୀ ନାହିଁ । ମିଳିତ ଜାତିସଂଘର ପାଲେଷ୍ଟାଇନ ଶରଣାର୍ଥୀ ଏଜେନ୍ସି UNRWA କହିଛି ଯେ ଏହି ଆକ୍ରମଣରେ ବିସ୍ଥାପିତଙ୍କ ଆଶ୍ରୟସ୍ଥଳୀ ଭାବରେ ବ୍ୟବହୃତ ଏକ ବିଦ୍ୟାଳୟକୁ ଟାର୍ଗେଟ କରାଯାଇଛି । ଇସ୍ରାଏଲର ଏୟାର ଷ୍ଟ୍ରାଇକ୍ ରେ ଅତି କମରେ 6 ଜଣଙ୍କର ମୃତ୍ୟୁ ଘଟିଛି ।
ଗାଜାର ସ୍ୱାସ୍ଥ୍ୟ ଅଧିକାରୀ କହିଛନ୍ତି ଯେ ଇସ୍ରାଏଲର 11 ଦିନିଆ ବୋମା ବିସ୍ଫୋରଣରେ ଅତି କମରେ 3,000 ଲୋକଙ୍କର ମୃତ୍ୟୁ ହୋଇଛି । ଏଥିସହ 1300 ରୁ ଅଧିକ ସୈନିକ ଏବଂ ସାଧାରଣ ନାଗରିକଙ୍କ ମୃତ୍ୟୁ ଘଟିଛି । ହମାସ୍ କହିଛନ୍ତି ଯେ ଡାକ୍ତରଖାନାରେ ବିସ୍ଫୋରଣରେ ଅଧିକାଂଶ ବିସ୍ଥାପିତଙ୍କ ମୃତ୍ୟୁ ଘଟିଛି । ପାଲେଷ୍ଟାଇନର ପ୍ରାଧିକରଣର ଜଣେ ବରିଷ୍ଠ ଅଧିକାରୀ ଏହାକୁ ନରସଂହାର ବୋଲି କହିଛନ୍ତି ।
Click it and Unblock the Notifications
Sign in with Google