ଭାରତ ପୁଟିନଙ୍କୁ ଅଟକାଇ ରଖିଛି, ନହେଲେ ୟୁକ୍ରେନ ଉପରେ ପରମାଣୁ ଆକ୍ରମଣ ହୋଇସାରନ୍ତାଣି - ଆଣ୍ଟୋନୀ ବ୍ଲିଙ୍କେନ

ବ୍ଲିଙ୍କେନ୍ କହିଛନ୍ତି, 'ଅନ୍ୟ ଦେଶ ଅପେକ୍ଷା ରୁଷ ସହିତ ଭାରତର ଅଧିକ ପ୍ରତ୍ୟକ୍ଷ ଯୋଗଦାନ ରହିଛି । ନୂଆଦିଲ୍ଲୀ ମସ୍କୋକୁ ପରମାଣୁ ଅସ୍ତ୍ର ପ୍ରୟୋଗ କରିବାରୁ ବାରଣ କରି ରଖିଛି ।'

Published: Saturday, February 25, 2023, 17:45 [IST]

ନୂଆଦିଲ୍ଲୀ : ରୁଷ-ୟୁକ୍ରେନ ମଧ୍ୟରେ ଲାଗି ରହିଥିବା ଯୁଦ୍ଧକୁ ଏକ ବର୍ଷ ପୁରି ସାରିଛି । କିନ୍ତୁ ଏହା ଥମିବାର ନାଁ ନେଉଥ ନଥିବା ବେଳେ କେବେ ଏହି ଯୁଦ୍ଧ ଶେଷ ହେବ ସେ ନେଇ କିଛି ଆଶା କରାଯାଇପାରୁନାହିଁ । ତଥାପି ଏଭିଳ ସମୟରେ ରୁଷ-ୟୁକ୍ରେନ୍ ଯୁଦ୍ଧ ସଂପର୍କରେ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍ ଏକ ବଡ଼ ବିବୃତ୍ତି ଦେଇଛନ୍ତି । ସେ କହିଛନ୍ତି ଯେ ୟୁକ୍ରେନ୍ ଉପରେ ରୁଷ କେବେ ଠାରୁ ପରମାଣୁ ଆକ୍ରମଣ କରିସାରନ୍ତାଣି । ଭାରତ ଯୋଗୁଁ ରୁଷ ଏହି ପଦକ୍ଷେପ ନେଇପାରୁନାହିଁ ।

ବ୍ଲିଙ୍କେନ୍ କହିଛନ୍ତି, 'ଅନ୍ୟ ଦେଶ ଅପେକ୍ଷା ରୁଷ ସହିତ ଭାରତର ଅଧିକ ପ୍ରତ୍ୟକ୍ଷ ଯୋଗଦାନ ରହିଛି । ନୂଆଦିଲ୍ଲୀ ମସ୍କୋକୁ ପରମାଣୁ ଅସ୍ତ୍ର ପ୍ରୟୋଗ କରିବାରୁ ବାରଣ କରି ରଖିଛି ।'

ବ୍ଲିଙ୍କେନ୍ କହିଛନ୍ତି, ଆମେ ସମସ୍ତ ଦେଶକୁ ଏହି ଯୁଦ୍ଧ ଶେଷ କରିବାକୁ ଆହ୍ୱାନ କରୁଛୁ ଯେଉଁମାନଙ୍କର ସମ୍ପର୍କ ଭଲ ରହିଛି । ଏଥିରେ ଚୀନ୍ ଏବଂ ଭାରତ ମଧ୍ୟ ସାମିଲ । ଏମାନଙ୍କର ପ୍ରଭାବ ପଡିଛି । ଉଭୟ ଦେଶ ରୁଷକୁ ୟୁକ୍ରେନ ଉପରେ ଆଣବିକ ଆକ୍ରମଣରୁ ରୋକିବାରେ ସଫଳ ହୋଇଛନ୍ତି ।

ବ୍ଲିଙ୍କେନ୍ କହିଛନ୍ତି ଯେ ରୁଷ ସହିତ ବର୍ଷ ବର୍ଷ ଧରି ସମ୍ପର୍କ ରଖିଥିବା ଦେଶମାନଙ୍କ ପାଇଁ ଗୋଟିଏ ଷ୍ଟ୍ରୋକରେ ଅଲଗା ହେବା ଏକ ବଡ଼ ଆହ୍ୱାନ । ଆମେ ଜାଣୁ ଯେ ଦଶନ୍ଧି ଧରି ଭାରତ ରୁଷର ସାମରିକ ଉପକରଣ କିଣୁଛି କିନ୍ତୁ ଗତ କିଛି ବର୍ଷ ମଧ୍ୟରେ ଆମେ ଯାହା ଦେଖିଛୁ ତାହା ରୁଷ ଉପରେ ବିଶ୍ୱାସ ହରାଉଛି । ରୁଷ ଉପରେ ଭାରତର ନିର୍ଭରଶୀଳତା ହ୍ରାସ ପାଉଛି ଏବଂ ଫ୍ରାନ୍ସ ଏବଂ ଆମେରିକା ଭଳି ଦେଶ ସହ ଭାରତ ସମ୍ପର୍କ ବୃଦ୍ଧି କରୁଛି ।

Published On February 25, 2023