ଇରାନରେ ଥମୁନି ହିଜାବ ବିରୋଧୀ ଆନ୍ଦଳନର ନିଆଁ, ପୂର୍ବତନ ସର୍ବୋଚ୍ଚ ନେତା ଅୟାତୁଲ୍ଲା ଖୋମେନୀଙ୍କ ଘର ଜଳାଇଲେ ଆନ୍ଦୋଳନକାରୀ
ଇରାନର ବିକ୍ଷୋଭକାରୀମାନେ ପୂର୍ବତନ ସର୍ବୋଚ୍ଚ ନେତା ଅୟାତୁଲ୍ଲା ଖୋମେନୀଙ୍କ ପୁରୁଣା ଘରେ ନିଆଁ ଲଗାଇ ଦେଇଛନ୍ତି ।
ତେହେରାନ : ମହସା ଅମିନୀଙ୍କ ହତ୍ୟା ପରେ ହିଜାବ ବିବାଦକୁ ନେଇ ଇରାନର ବିଭିନ୍ନ ସହରରେ ହିଂସାତ୍ମକ ପ୍ରଦର୍ଶନ ଚାଲିଆସୁଛି । ଏହି ସମୟ ମଧ୍ୟରେ ଖବର ଆସୁଛି ଯେ ଇରାନର ବିକ୍ଷୋଭକାରୀମାନେ ପୂର୍ବତନ ସର୍ବୋଚ୍ଚ ନେତା ଅୟାତୁଲ୍ଲା ଖୋମେନୀଙ୍କ ପୁରୁଣା ଘରେ ନିଆଁ ଲଗାଇ ଦେଇଛନ୍ତି । ଟ୍ୱିଟରରେ ସେୟାର କରାଯାଇଥିବା ଏକ ଭିଡିଓ ଅନୁଯାୟୀ, ଇସଲାମିକ୍ ରିପବ୍ଲିକ୍ ଅଫ୍ ଖୋମେନଙ୍କ ପ୍ରତିଷ୍ଠାତାଙ୍କ ଘରେ ପେଟ୍ରୋଲ ବୋମା ମାଡ଼ ହୋଇ ନିଆଁ ଲଗାଇ ଦିଆଯାଇଛି ।
ଭାଇରାଲ ହେଉଥିବା ଭିଡିଓରେ ଇରାନର ଧର୍ମଗୁରୁଙ୍କ ବିରୋଧରେ ସ୍ଲୋଗାନ ମଧ୍ୟ ଦିଆଯାଉଛି । ତେହେରାନରେ ପ୍ରଦର୍ଶନକାରୀମାନେ ଏହା ଏକ ରକ୍ତାକ୍ତ ବର୍ଷ, ଅଲି ଖାମେନେଇଙ୍କୁ ବାହାର କରିବୁ ବୋଲି ପ୍ରଦର୍ଶକାରୀ କହୁଥିବା ଭିଡ଼ିଓରେ ଦେଖିବାକୁ ମିଳିଛି । ଭିଡିଓରେ ସଂଗ୍ରହାଳୟରେ ନିଆଁ ଲାଗିଥିବା ଦେଖିବାକୁ ମିଳିଛି ।
ଆପଣଙ୍କୁ କହି ରଖୁଛୁ ଇରାନରେ ହିଂସା ଏବଂ ଅଗ୍ନିକାଣ୍ଡ ଘଟଣା ବନ୍ଦ ହେବାର ନାମ ନେଉନାହିଁ । ଗୁରୁବାର ଦିନ ଇରାନର ଅତି କମରେ 23 ଟି ସହରରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ଏବଂ ଦୁଇଟି ସହରରେ ଗୁଳି ବିନିମୟରେ 7 ଜଣଙ୍କର ମୃତ୍ୟୁ ହୋଇଥିଲା । ମୃତକଙ୍କ ମଧ୍ୟରେ ଦୁଇଜଣ ମହିଳା ଏବଂ ଦୁଇଜଣ ସୁରକ୍ଷା କର୍ମୀ ଅଛନ୍ତି । ହିଂସା ଘଟଣାରେ ସୁରକ୍ଷା କର୍ମୀଙ୍କ ସମେତ ଦଶ ଜଣ ଆହତ ହୋଇଥିଲେ । ଇରାନରେ ହିଜାବ ବିରୋଧୀ ପ୍ରଦର୍ଶନକାରୀମାନେ ମଧ୍ୟ ଏକ ମଦରସାରେ ନିଆଁ ଲଗାଇ ଦେଇଛନ୍ତି । ଖବର ଅନୁଯାୟୀ, ଏହି ପ୍ରତିବାଦରେ ଏପର୍ଯ୍ୟନ୍ତ 300 ରୁ ଅଧିକ ଲୋକ ପ୍ରାଣ ହରାଇଛନ୍ତି । ଏଥି ସହିତ, ଇରାନ ସରକାର ଏହି ପ୍ରଦର୍ଶନକୁ ବନ୍ଦ କରିବା ପାଇଁ ଅଧିକ ହିଂସାତ୍ମକ ହୋଇପଡିଛନ୍ତି ।
#BREAKING: This is #Khomein, birthplace of founder of Islamic Regime of #Iran, Dictator #Khomeini. Protesters burned the house of #Khomeini which had been turned into a museum by the terrorist regime 30 years ago. #MahsaAmini #مهسا_امینی pic.twitter.com/k7sDx40oFr
— Babak Taghvaee - The Crisis Watch (@BabakTaghvaee1) November 17, 2022
ଏହାପୂର୍ବରୁ ଗତ ମାସରେ ଇରାନର ସର୍ବୋଚ୍ଚ ନେତା ଅୟତୁଲ୍ଲା ଖାମେନୀ ହିଜାବ ବିରୋଧରେ ହୋଇଥିବା ବିରୋଧ ଉପରେ ନୀରବତା ଭାଙ୍ଗି କହିଥିଲେ ଯେ ଝିଅର ମୃତ୍ୟୁ ତାଙ୍କ ପାଇଁ ହୃଦୟ ବିଦାରକ । ଏହା ସହିତ ସେ କହିଛନ୍ତି, 'ଯାଞ୍ଚ ପୂର୍ବରୁ ଆମିନୀଙ୍କ ମୃତ୍ୟୁକୁ ନେଇ ଯେଉଁ ପ୍ରତିକ୍ରିୟା ପ୍ରକାଶ ପାଉଛି, ଦଙ୍ଗା ହେଉଛି ଏବଂ ଅସୁରକ୍ଷା ବିସ୍ତାର କରାଯାଉଛି, କୁରାନ ଏବଂ ମସଜିଦକୁ ଅପମାନିତ କରାଯାଉଛି, ଏହା ସାଧାରଣ ନୁହେଁ ଏବଂ ସଂପୂର୍ଣ୍ଣ ଭୁଲ ଅଟେ । ଏହା ସହିତ, ଇରାନରେ ହୋଇଥିବା ପ୍ରଦର୍ଶନ ପାଇଁ ଖାମେନୀ ଆମେରିକା ଏବଂ ଇସ୍ରାଏଲକୁ ଦାୟୀ କରିଥିଲେ ।