ନାଇଜେରିଆର ଚର୍ଚ୍ଚ ଭିତରେ ଗୁଳିକାଣ୍ଡ, 50 ଜଣଙ୍କର ମୃତ୍ୟୁ

ନାଇଜେରିଆର ଏକ କ୍ୟାଥୋଲିକ ଚର୍ଚ୍ଚରେ ଗୁଳିକାଣ୍ଡ ହୋଇଛି । ଏହି ସମୟରେ 50 ଜଣଙ୍କର ମୃତ୍ୟୁ ହୋଇଛି ।

ଅବୁଜା : ନାଇଜେରିଆର ଏକ କ୍ୟାଥୋଲିକ ଚର୍ଚ୍ଚରେ ଗୁଳିକାଣ୍ଡ ହୋଇଛି । ଏହି ସମୟରେ 50 ଜଣଙ୍କର ମୃତ୍ୟୁ ହୋଇଛି । ଖବର ଅନୁଯାୟୀ, ଜଣେ ଅଜ୍ଞାତ ଯୁବକ ଚର୍ଚ୍ଚ ଭିତରେ ଗୁଳି ଚଳାଇଥିଲେ ଯେଉଁଥିରେ ମହିଳା, ଶିଶୁଙ୍କ ସମେତ 50 ଜଣଙ୍କର ମୃତ୍ୟୁ ହୋଇଛି ।

ଏହି ଘଟଣା ନାଇଜେରିଆର ଓନଡୋ ରାଜ୍ୟରେ ଘଟିଛି । ରିପୋର୍ଟ ଅନୁଯାୟୀ, ଓନଡୋ ରାଜ୍ୟର ଓୱୋ ସହରରେ ଏହି ଘଟଣା ଘଟିଛି । ଏହି ଆକ୍ରମଣ ଘଟିବା ସମୟରେ ଲୋକମାନେ ଚର୍ଚ୍ଚରେ ପ୍ରାର୍ଥନା କରୁଥିଲେ । ସ୍ଥାନୀୟ ନ୍ୟୁଜ୍ ଏଜେନ୍ସି ଅନୁଯାୟୀ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଅଧିକାରୀ କହିଛନ୍ତି ଯେ ବର୍ତ୍ତମାନ ସୁଦ୍ଧା ମୃତ୍ୟୁସଂଖ୍ୟା କହିବା କଷ୍ଟକର, ସୁରକ୍ଷା କର୍ମୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରୁଛନ୍ତି । ସେ କହିଛନ୍ତି ଯେ ଆହତମାନଙ୍କୁ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଆକ୍ରମଣକୁ ନିଶ୍ଚିତ କରି ଓଣ୍ଡୁ ରାଜ୍ୟପାଳ ଆରାକୁନରିନ୍ ଏକେରେଡୋଲୁ ଏକ ବିବୃତ୍ତି ଜାରି କରିଛନ୍ତି । ସେ କହିଛନ୍ତି ଯେ ଏହି ଆକ୍ରମଣରେ ମୁଁ ଗଭୀର ଦୁଃଖୀତ । ନିରୀହ ଲୋକଙ୍କ ହତ୍ୟା ଅତ୍ୟନ୍ତ ନିନ୍ଦନୀୟ । ମୁଁ ଲୋକମାନଙ୍କୁ ନିବେଦନ କରୁଛି ଯେ ଶାନ୍ତ ଏବଂ ସଜାଗ ରୁହନ୍ତୁ, ସୁରକ୍ଷା କର୍ମୀ ନିୟୋଜିତ ହୋଇଛନ୍ତି, ସେମାନେ ପରିସ୍ଥିତିକୁ ସ୍ୱାଭାବିକ କରିବା ପାଇଁ କାର୍ଯ୍ୟ କରୁଛନ୍ତି ଏବଂ ପରିସ୍ଥିତି ଉପରେ ନଜର ରଖିଛନ୍ତି ।

ରାଷ୍ଟ୍ରପତି ମହମ୍ମଦ ବୁହାରୀ ମଧ୍ୟ ଏହି ଆକ୍ରମଣକୁ ନିନ୍ଦା କରିଛନ୍ତି । ରବିବାର ରାତିରେ ହୋଇଥିବା ଆକ୍ରମଣ ପାଇଁ ଏପର୍ଯ୍ୟନ୍ତ କେହି ନିଜକୁ ଦାୟୀ କରିନାହାଁନ୍ତି ଏବଂ ଏହି ହତ୍ୟାକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଅଧିକାରୀମାନେ ପରିସ୍ଥିତି ଉପରେ ନଜର ରଖି ମୃତକଙ୍କ ପ୍ରକୃତ ସଂଖ୍ୟା ଜାଣିବାକୁ ଚେଷ୍ଟା କରୁଛନ୍ତି । ପୋଲିସ ଦ୍ୱାରା ପ୍ରକାଶିତ ଏକ ବିବୃତ୍ତିରେ ସକାଳ 11.30 ସମୟରେ ଆକ୍ରମଣକାରୀ ବାହାରୁ ଚର୍ଚ୍ଚରେ ପ୍ରାର୍ଥନା କରୁଥିବା ଲୋକଙ୍କ ଉପରକୁ ଗୁଳି ଚଳାଇଥିବା ବେଳେ ଅନ୍ୟ କେତେକ ବନ୍ଧୁକଧାରୀ ଚର୍ଚ୍ଚ ଭିତରେ ଗୁଳି ଚଳାଇଥିଲେ ।

English summary

Firing at Churcch in Nigeria, around 50 dead