ଶ୍ରୀଲଙ୍କାର ନୂତନ ପ୍ରଧାନମନ୍ତ୍ରୀ ଭାବରେ ନିଯୁକ୍ତ ହେଲେ ଦୀନେଶ ଗୁନାୱାର୍ଡେନ, ରାଷ୍ଟ୍ରପତିଙ୍କ ବିରୋଧରେ ପ୍ରଦର୍ଶ ଜାରି
ରାଜନୈତିକ ଅସ୍ଥିରତା ପ୍ରବଳ ବିରୋଧ ମଧ୍ୟରେ ଦୀନେଶ ଗୁନାୱାର୍ଡେନାଙ୍କୁ ଶ୍ରୀଲଙ୍କାର ପ୍ରଧାନମନ୍ତ୍ରୀ ଭାବେ ନିଯୁକ୍ତି ଦିଆଯାଇଛି । ସେ ଆଜି କଲମ୍ବୋ ଠାରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ନୂତନ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ।
କଲମ୍ବୋ : ରାଜନୈତିକ ଅସ୍ଥିରତା ପ୍ରବଳ ବିରୋଧ ମଧ୍ୟରେ ଦୀନେଶ ଗୁନାୱାର୍ଡେନାଙ୍କୁ ଶ୍ରୀଲଙ୍କାର ପ୍ରଧାନମନ୍ତ୍ରୀ ଭାବେ ନିଯୁକ୍ତି ଦିଆଯାଇଛି । ସେ ଆଜି କଲମ୍ବୋ ଠାରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ନୂତନ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ।
ଆପଣଙ୍କୁ କହି ରଖୁଛୁ ଶ୍ରୀଲଙ୍କାରେ ଅବସ୍ଥା ଖରାପ ହେବାରେ ଲାଗିଛି । ଶ୍ରୀଲଙ୍କାର ନୂତନ ରାଷ୍ଟ୍ରପତି ରାନିଲ ବିକ୍ରମସିଙ୍ଘେଙ୍କ ବିରୋଧରେ ଚାଲିଥିବା ବିରୋଧ ମଧ୍ୟରେ ବିଳମ୍ବିତ ରାତିରେ ଶ୍ରୀଲଙ୍କାର ସେନା କଡା କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା ।
ଏଭଳଇ ପରିସ୍ଥିତିରେ ଶ୍ରୀଲଙ୍କାରେ ପରିବର୍ତ୍ତିତ ରାଜନୈତିକ ପରିସ୍ଥିତି ଉପରେ ସମଗ୍ର ବିଶ୍ୱର ନଜର ରହିଛି । ଏଥି ସହିତ ବିକ୍ଷୋଭକାରୀମାନେ ରାଷ୍ଟ୍ରପତିଙ୍କ ବିରୋଧରେ ବିରୋଧ ପ୍ରଦର୍ଶ ଜାରି ରଖିଛନ୍ତି । ସାରା ରାତିରେ ସେନା ଏବଂ ବିକ୍ଷୋଭକାରୀଙ୍କ ମଧ୍ୟରେ ବିଦ୍ରୋହ ଦେଖାଦେଇଥିଲା । ସେନା ବିକ୍ଷୋଭକାରୀଙ୍କ ତମ୍ବୁକୁ ଉଚ୍ଛେଦ କରିଥିଲା ଏବଂ ରାଷ୍ଟ୍ରପତିଙ୍କ ସଚିବାଳୟ ବାହାରେ ବହୁ ସଂଖ୍ୟକ ସୁରକ୍ଷା ବାହିନୀ ନିୟୋଜିତ କରାଯାଇ ବ୍ୟାରିକେଡ୍ ଲଗାଯାଇଛି ।
ବିକ୍ଷୋଭକାରୀମାନେ ଅଭିଯୋଗ କରିଛନ୍ତି ଯେ ଶୁକ୍ରବାର ଦିନ ସରକାରଙ୍କ ବିରୋଧରେ ପ୍ରଦର୍ଶନ କରୁଥିବା ଲୋକଙ୍କ କ୍ୟାମ୍ପ ଉପରେ ସେନା ଆକ୍ରମଣ କରିଥିଲା । ଜଣେ ବିକ୍ଷୋଭକାରୀ କହିଛନ୍ତି ଯେ ରାନିଲ ବିକ୍ରମିସିଙ୍ଘେ ଆମକୁ ହଟାଇବାକୁ ଚାହୁଁଛନ୍ତି, ଏହି ଲୋକମାନେ ପୁଣି ଥରେ ଏହା କରୁଛନ୍ତି, କିନ୍ତୁ ଆମେ ହାର ମାନିବୁ ନାହିଁ, ଆମେ ଆମ ଦେଶକୁ ଏହି ପ୍ରକାର ରାଜନୀତିରୁ ମୁକ୍ତ କରିବାକୁ ଚାହୁଁଛୁ ।
ବୁଧବାର ସଂସଦୀୟ ଭୋଟରେ ରାଜ୍ୟ ମୁଖ୍ୟ ଭାବେ ନିର୍ବାଚିତ ହୋଇଥିବା ବିକ୍ରମସିଙ୍ଘଏ 73 ବର୍ଷ ବୟସରେ ଦେଶର ପୋଲିସ ମୁଖ୍ୟ ତଥା ବରିଷ୍ଠ ସୈନିକଙ୍କ ସହ ଶପଥ ଗ୍ରହଣ କରିଥିଲେ । 225 ସଦସ୍ୟ ବିଶିଷ୍ଟ ଶ୍ରୀଲଙ୍କା ସଂସଦ ବିକ୍ରମସିଙ୍ଘେଙ୍କୁ 20 ଜୁଲାଇରେ ନୂତନ ରାଷ୍ଟ୍ରପତି ଭାବରେ ମନୋନୀତ କରିଥିଲା ।
Click it and Unblock the Notifications
Sign in with Google