ପାକିସ୍ତାନକୁ ରକ୍ଷା କରିବ ଚିନ୍: ପାକ୍ ପ୍ରଧାନମନ୍ତ୍ରୀ ଶେହବାଜ୍
କରାଚି: ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ କହିଛନ୍ତି ଯେ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ସହିତ କୌଣସି ଚୁକ୍ତିନାମା ହୋଇନାହିଁ, କିନ୍ତୁ ଦେଶକୁ କୌଣସି ସମ୍ଭାବ୍ୟ ଡିଫଲ୍ଟର ସମ୍ମୁଖୀନ ହେବାକୁ ରୋକିବାରେ ଚୀନ୍ ସମର୍ଥନ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ।
କରାଚିରେ ଶିଳ୍ପପତି ତଥା ବ୍ୟବସାୟୀଙ୍କୁ ସମ୍ବୋଧିତ କରିବା ସମୟରେ ପ୍ରଧାନମନ୍ତ୍ରୀ ସରିଫ କହିଛନ୍ତି ଯେ ପାକିସ୍ତାନ ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ଦ୍ୱାରା ଲାଗୁ କରାଯାଇଥିବା ସମସ୍ତ କଠୋର ସର୍ତ୍ତକୁ ସଫଳତାର ସହ ପୂରଣ କରିଛି । ଆଇଏମଏଫ କାର୍ଯ୍ୟକ୍ରମକୁ ପୁରା କରିବା ପାଇଁ ସରକାର ପ୍ରତିବଦ୍ଧତା ଉପରେ ଜୋର ଦେଇଛନ୍ତି ।
ସରିଫ କହିଛନ୍ତି ଯେ ପାକିସ୍ତାନର ବିକାଶ ଦିଗରେ ବନ୍ଧୁତ୍ୱପୂର୍ଣ୍ଣ ଦେଶଗୁଡିକର ଶୁଭେଚ୍ଛାକୁ ଦୃଷ୍ଟିରେ ରଖି ଚୀନ୍ ଏହାର ବ୍ୟବସାୟିକ ଋଣ ଉପରେ ନିଜର ସମର୍ଥନ ପ୍ରଦର୍ଶନ କରିଛି । ସେ ଆହୁରି ମଧ୍ୟ କହିଛନ୍ତି ଯେ ପାକିସ୍ତାନ ଏହାର ବନ୍ଧୁତ୍ୱପୂର୍ଣ୍ଣ ଦେଶମାନଙ୍କରୁ ସକରାତ୍ମକ ଭାବନା ଉପଭୋଗ କରୁଛି, ଯାହା ଦେଶର ଅଗ୍ରଗତି ଦେଖିବାର ସାମୂହିକ ଇଚ୍ଛାକୁ ପ୍ରତିଫଳିତ କରୁଛି । ପାକିସ୍ତାନ ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ପୂର୍ବ ସରକାର ଆଇଏମଏଫ ସହ ହୋଇଥିବା ଚୁକ୍ତିନାମାକୁ ଉଲ୍ଲଂଘନ କରିଛନ୍ତି ।
ଦେଶରେ ଏକ ବର୍ଷ ଧରି ରାଜନୈତିକ ଅସ୍ଥିରତା ଦେଖାଦେଇଛି, ଯାହାକି ଏବେବି ଜାରି ରହିଛି । ଯାହାକି ଅସ୍ଥିରତା ମୂଲ୍ୟ ବୃଦ୍ଧିରେ ସହାୟକ ହୋଇଛି, ମୁଦ୍ରାସ୍ଫୀତି ପ୍ରସଙ୍ଗକୁ ଆହୁରି ବଢାଇ ଦେଇଛି ।
ସରିଫ ନିବେଶକଙ୍କ ମହତ୍ତ୍ୱ ଉପରେ ଆଲୋକପାତ କରିଛନ୍ତି, ଯେଉଁମାନେ ସ୍ୱେଚ୍ଛାକୃତ ଭାବରେ ରିସ୍କ ନେଇ ପାକିସ୍ତାନରେ ପୁଞ୍ଜି ବିନିଯୋଗ କରନ୍ତି, ସେମାନଙ୍କୁ ଦେଶର ରାଷ୍ଟ୍ରଦୂତ ଭାବରେ ବିବେଚନା କରନ୍ତି ।
Click it and Unblock the Notifications
Sign in with Google