କାନ୍ସ୍ ଫିଲ୍ମ ଫେଷ୍ଟିଭାଲରେ ରୁଷକୁ ଆକ୍ଷେପ କରି ଚାର୍ଲି ଚାପଲିନଙ୍କ ସଂଳାପ କହିଲେ ଜେଲେନସ୍କି
ଜେଲେନସ୍କି ଚଳଚ୍ଚିତ୍ର ନିର୍ମାତାମାନଙ୍କୁ ଏକଛତ୍ରବାଦୀ ଉପରେ ଥଟ୍ଟା ଉପଭୋଗ କରିବାକୁ ଏବଂ ଏଥିରେ ନୀରବ ନ ରହିବାକୁ କହିଛନ୍ତି । ଏଥି ସହିତ, ଜେଲେନସ୍କି ଚାର୍ଲି ଚାପଲିନଙ୍କ ଆଡଲଫ୍ ହିଟଲରଙ୍କ ଉପରେ କରିଥିବା ପରିହାସକୁ ପ୍ରଶଂସା କରିଥିଲେ ।
କାନ୍ସ : ୟୁକ୍ରେନର ରାଷ୍ଟ୍ରପତି ଜେଲେନସ୍କି ଭର୍ଚୁଆଲ ମିଡିଆ ମାଧ୍ୟମରେ କାନ୍ସ ଫିଲ୍ମ ଫେଷ୍ଟିଭାଲକୁ ସମ୍ବୋଧିତ କରିଛନ୍ତି । ଏହି ସମୟରେ ସେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଟାର୍ଗେଟ୍ କରି ମନ୍ତବ୍ୟ ଦେଇଛନ୍ତି । ଜେଲେନସ୍କି ଚଳଚ୍ଚିତ୍ର ନିର୍ମାତାମାନଙ୍କୁ ଏକଛତ୍ରବାଦୀ ଉପରେ ଥଟ୍ଟା ଉପଭୋଗ କରିବାକୁ ଏବଂ ଏଥିରେ ନୀରବ ନ ରହିବାକୁ କହିଛନ୍ତି । ଏଥି ସହିତ, ଜେଲେନସ୍କି ଚାର୍ଲି ଚାପଲିନଙ୍କ ଆଡଲଫ୍ ହିଟଲରଙ୍କ ଉପରେ କରିଥିବା ପରିହାସକୁ ପ୍ରଶଂସା କରିଥିଲେ ।
1940 ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ଦି ଗ୍ରେଟ୍ ଡିକ୍ଟେଟରରେ ଜେଲେନସ୍କି ତାଙ୍କର ସଂଳାପର ପୁନରାବୃତ୍ତି କରିଥିଲେ ଯେଉଁଥିରେ ଚାର୍ଲି ଚାପଲିନ୍ ମୁଖ୍ୟ ଭୂମିକାରେ ଥିଲେ । ଚାର୍ଲି ଚାପଲିନଙ୍କ ସଂଳାପକୁ ଦୋହରାଇ ଜେଲେନସ୍କି କହିଥିଲେ ଯେ ମାନବୀୟ ଘୃଣା ସମାପ୍ତ ହେବ, ଏକଛତ୍ରବାଦୀ ଶାସକମାନେ ମରିବେ, ଲୋକଙ୍କଠାରୁ ସେମାନେ ନେଇଥିବା ଶକ୍ତି ପୁନର୍ବାର ଲୋକମାନଙ୍କୁ ପାଖକୁ ଫେରି ଆସିବ । ଏହା ସହିତ, ଜେଲେନସ୍କି ଦୁନିଆର ସିନେମାକୁ ନିବେଦନ କଲେ ଯେ ଆମ ସିନେମା ଚୁପ୍ ନ ରହିବା ଆବଶ୍ୟକ । ଆମକୁ ଏକ ନୂତନ ଅଧ୍ୟାୟ ଦରକାର, ଯାହା ଆମ ସମୟର ସିନେମା ଦେଖାଇବ ଏବଂ ଚୁପ୍ ରହିବ ନାହିଁ ।
କାନ୍ସ ଫିଲ୍ମ ଫେଷ୍ଟିଭାଲରେ ଲାଇଭ୍ ସାଟେଲାଇଟ୍ ଭିଡିଓ ଭାଷଣରେ ଦର୍ଶକଙ୍କୁ ସମ୍ବୋଧିତ କରି ଜେଲେନସ୍କି ଲୋକମାନଙ୍କୁ ନିବେଦନ କରିଛନ୍ତି ଯେ ସିନେମା ସ୍ୱାଧୀନତା ସପକ୍ଷରେ ରହିବା ଉଚିତ୍ । ଜେଲେନସ୍କି ପୁଣି ଥରେ ସମାନ ସାମରିକ ସବୁଜ ଟି-ସାର୍ଟରେ ଲୋକଙ୍କ ସାମ୍ନାରେ ଦେଖାଦେଲେ । ତାଙ୍କ ସମ୍ବୋଧନ ପରେ ଲୋକମାନେ ହଲରେ ଠିଆ ହୋଇ ତାଙ୍କୁ କରତାଳି ଦେଇ ସମର୍ଥନ ଜଣାଇଥିଲେ ।