'କୋଭାକ୍ସିନ' କ୍ରୟ ଚୁକ୍ତି ବାତିଲ କଲା ବ୍ରାଜିଲ, ଟିକା କିଣାରେ ଅନିୟମିତତାର ଗମ୍ଭୀର ଅଭିଯୋଗ
'କୋଭାକ୍ସିନ୍'ର କ୍ରୟ ପ୍ରକ୍ରିୟାରେ ଅନିୟମିତତା ଅଭିଯୋଗ ଆସିଥିଲା, ଯାହା ପରେ 324 ମିଲିୟନ୍ ଡଲାରର ଏହି ଚୁକ୍ତିନାମା ବାତିଲ କରାଯାଇଛି ।
ନୂଆଦିଲ୍ଲୀ : ଭାରତ ବାୟୋଟେକରୁ କୋଭାକ୍ସିନ୍ ଟିକା କିଣିବା ଚୁକ୍ତିକୁ ବାତିଲ କଲା ବ୍ରାଜିଲ୍ । ଭାରତ ବାୟୋଟେକ୍ ସହିତ 'କୋଭାକ୍ସିନ୍' କିଣିବା ନେଇ ହୋଇଥିଲା ଚୁକ୍ତି । ମଙ୍ଗଳବାର ବ୍ରାଜିଲର ସ୍ୱାସ୍ଥ୍ୟମନ୍ତ୍ରୀ ମାର୍ସେଲୋ କ୍ୱିରୋଗା ଏବଂ ଫେଡେରାଲ କମ୍ପ୍ଟ୍ରୋଲର ଜେନେରାଲ (ସିଜିୟୁ) ୱାଗନର୍ ରୋଜାରିଓ ସାମ୍ୱାଦିକ ସମ୍ମିଳନୀ କରି ଏନେଇ ଘୋଷଣା କରିଛନ୍ତି । 'କୋଭାକ୍ସିନ୍'ର କ୍ରୟ ପ୍ରକ୍ରିୟାରେ ଅନିୟମିତତା ଅଭିଯୋଗ ଆସିଥିଲା, ଯାହା ପରେ 324 ମିଲିୟନ୍ ଡଲାରର ଏହି ଚୁକ୍ତିନାମା ବାତିଲ କରାଯାଇଛି ।
ରୋଜାରିଓ କହିଛନ୍ତି ଯେ ଟିକା କିଣା ଚୁକ୍ତିକୁ ଏବେ ସ୍ଥଗିତ ରଖାଯାଇଛି । ଏହି ଡିଲରେ ଅନିୟମିତତା ହୋଇଥିବା ନେଇ ଅଭିଯୋଗ ହୋଇଛି । ଟିକା କିଣା ପ୍ରକ୍ରିୟାରେ ଅନିୟମିତତା ଥିବା ନେଇ ଅଭିଯୋଗ ଆସିବା ପରେ ସରକାର ଏଥିରେ ରୋକ୍ ଲଗାଇଛନ୍ତି । ସପ୍ତାହେ ପୂର୍ବରୁ ଏହା ଉପରେ ତଦନ୍ତ ଚାଲିଛି । ଏହି ଅଭିଯୋଗର ସତ୍ୟତା ପାଇଁ ଏକ ତଦନ୍ତକାରୀ ଟିମ୍ ଗଠନ କରାଯାଇଛି ବୋଲି ସେ କହିଛନ୍ତି ।
ଆପଣଙ୍କୁ କହି ରଖୁଛୁ, ହୋଇଥିବା ଚୁକ୍ତି ଅନୁଯାୟୀ ଭାରତ ବାୟୋଟେକରୁ ମୋଟ 20 ନିୟୁତ ଟିକା କିଣିବା ନେଇ ବ୍ରାଜିଲ ସରକାର ଯୋଜନା କରିଥିଲେ । ଏହି ଚୁକ୍ତି ପାଇଁ ରାଷ୍ଟ୍ରପତି ଜାୟର ବୋଲ୍ସୋନେରୋଙ୍କ ଉପରେ ଦୁର୍ନୀତି ଅଭିଯୋଗ କରାଯାଉଥିଲା ।
କିନ୍ତୁ ଏହି ଚୁକ୍ତି ବିଷୟରେ କୁହାଯାଉଥିଲା ଯେ ବ୍ରାଜିଲ ଉଦ୍ଦେଶ୍ୟମୂଳକ ଭାବେ ମହଙ୍ଗା 'କୋଭାକ୍ସିନ୍' କିଣିଛି । ଏହି ଟିକା କିଣିବା ପାଇଁ ରାଷ୍ଟ୍ରପତି ଜାୟର ସ୍ୱାସ୍ଥ୍ୟ ଅଧିକାରୀଙ୍କ ଉପରେ ଚାପ ପକାଇଥିଲେ । ବର୍ତ୍ତମାନ ବିବାଦ ପରେ ଏହି ଚୁକ୍ତିନାମା ବାତିଲ ହୋଇଛି ।
Click it and Unblock the Notifications
Sign in with Google