LIVE : ଏହା ଲୋକତନ୍ତ୍ରର ବିଜୟ, ଆମେରିକାର ଦିନ : ଜୋ ବାଇଡେନ୍

ଆମେରିକାର 46 ତମ ରାଷ୍ଟ୍ରପତି ଭାବେ ଶପଥ ନେବେ ନବ ନିର୍ବାଚିତ ଜୋ ବାଇଡେନ୍ । ଭାରତୀୟ ବଂଶୋଦ୍ଭବ କମଳା ହ୍ୟାରିସ୍ ହେବେ ଉପରାଷ୍ଟ୍ରପତି । ଏହି ଶପଥ ଗ୍ରହଣ ଉତ୍ସବ ଭାରତୀୟ ସମୟ ରାତି 10.30ରେ ଆମେରିକାର ଜାତୀୟ ସଙ୍ଗୀତ ଗାନ ସହ ଆରମ୍ଭ ହେବ ।

| Updated: Thursday, January 21, 2021, 0:14 [IST]

ଓ୍ୱାସିଙ୍ଗଟନ୍ : ଆମେରିକାର 46 ତମ ରାଷ୍ଟ୍ରପତି ଭାବେ ଶପଥ ନେବେ ନବ ନିର୍ବାଚିତ ଜୋ ବାଇଡେନ୍ । ଭାରତୀୟ ବଂଶୋଦ୍ଭବ କମଳା ହ୍ୟାରିସ୍ ହେବେ ଉପରାଷ୍ଟ୍ରପତି । ଏହି ଶପଥ ଗ୍ରହଣ ଉତ୍ସବ ଭାରତୀୟ ସମୟ ରାତି 10.30ରେ ଆମେରିକାର ଜାତୀୟ ସଙ୍ଗୀତ ଗାନ ସହ ଆରମ୍ଭ ହେବ । ଆମେରିକାର ସୁପ୍ରିମକୋର୍ଟର ମୁଖ୍ୟ ବିଚାରପତି ଜନ୍ ରୋବର୍ଟସ୍ ବାଇଡେନଙ୍କୁ ଶପଥ ଗ୍ରହଣ କରାଇବା ସହ ସୁପ୍ରିମ କୋର୍ଟର ବିଚାରପତି ସୋନିଆ ସୋଟୋମେୟର କମଳା ହ୍ୟାରିସଙ୍କୁ ଉପ ରାଷ୍ଚ୍ରପତି ପଦର ଶପଥ ଗ୍ରହଣ କରାଇବେ । ଆଜିର ଏହି ରାଷ୍ଟ୍ରପତି ଶପଥ ଗ୍ରହଣ ଉତ୍ସବରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଉପସ୍ଥିତ ରହିବେ ନାହିଁ ବୋଲି ସ୍ପଷ୍ଟ କରିଛନ୍ତି ।

କଡ଼ା ସୁରକ୍ଷା ବଳୟରେ ଓ୍ୱସିଙ୍ଗଟନ୍

ଶପଥ ଗ୍ରହଣ ସମାରୋହ ପୂର୍ବରୁ ୱାଶିଂଟନ୍ ଡିସିରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏନେଇ ୱାଶିଂଟନରେ 25,000 ଆମେରିକୀୟ ସୈନିକ ନିୟୋଜିତ ହୋଇଛନ୍ତି । ଏହି କଡ଼ା ସୁରକ୍ଷା ବଳୟ ମଧ୍ୟରେ ଜୋ ବାଇଡେନ ଏବଂ କମଲା ହ୍ୟାରିସ କ୍ୟାପିଟାଲ ହିଲ ସମ୍ମୁଖରେ ଯଥାକ୍ରମେ ରାଷ୍ଟ୍ରପତି ଏବ ଉପରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ । ଜାନୁଆରୀ 6 ରେ ଟ୍ରମ୍ପ ସମର୍ଥକମାନେ ଭିଆଇଥିବା ହିଂସାକାଣ୍ଡକୁ ଦୃଷ୍ଟିରେ ରଖି ଏପରି ସୁରକ୍ଷା ବ୍ୟବସ୍ଥା କରାଯାଇଥିବା କୁହାଯାଉଛି ।ଆମେରିକାର ଗୁପ୍ତଚର ଏଜେନ୍ସି ଏଫବିଆଇ ମୁଖ୍ୟ ମାଟ୍ ମିଲର ସୁରକ୍ଷା ବ୍ୟବସ୍ଥାର ତଦାରଖ କରୁଛନ୍ତି । ଅନ୍ୟପକ୍ଷରେ ସୁରକ୍ଷା ଭୟ ଥିବାରୁ ଜୋ ବାଇଡେନ୍‌ଙ୍କ ଶପଥ ଗ୍ରହଣ କାର୍ଯ୍ୟକ୍ରମରେ ପରିବର୍ତ୍ତନ କରାଯାଇଛି । ହ୍ବାଇଟ୍ ହାଉସ ବାହାରେ ଶପଥ ନେବା ଜୋ ବାଇଡେନ୍ କହିଥିଲେ ମଧ୍ୟ ଏଥିରେ ପରିବର୍ତ୍ତନ କରାଯାଇଛି ।

କୋଭିଡ -୧୯ ଦୃଷ୍ଟିରୁ ଶପଥ ଗ୍ରହଣ ଉତ୍ସବରେ କୋଭିଡ୍ ନିୟମକୁ କଡାକଡି ଭାବେ ପାଳନ କରାଯିବ । ସାମାଜିକ ଦୂରତା ଏବଂ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଶପଥ ଗ୍ରହଣ ଉତ୍ସବରେ ଆମେରିକା ସିନେଟର ଓ କଂଗ୍ରେସର ସଦସ୍ୟମାନେ ବିନା ଟିକେଟରେ ପ୍ରବେଶ କରିବାକୁ ଅନୁମତି ଦିଆଯାଇଛି । କିନ୍ତୁ ଅନ୍ୟ ଏକ ହଜାର ଦର୍ଶକଙ୍କୁ ଏଥିରେ ଯୋଗଦେବା ଲାଗି ଟିକେଟ ଦିଆଯାଇଛି ।

ଅହଂକାରୀ ଟ୍ରମ୍ପଙ୍କ ଜିଦ୍ : ମାନିବେନି ହ୍ୱାଇଟ ହାଉସର 200 ବର୍ଷର ପରମ୍ପରା ; କଣ ରହିଛି ନୂଆ ରାଷ୍ଟ୍ରପତିଙ୍କ ଯୋଜନା ? ଅହଂକାରୀ ଟ୍ରମ୍ପଙ୍କ ଜିଦ୍ : ମାନିବେନି ହ୍ୱାଇଟ ହାଉସର 200 ବର୍ଷର ପରମ୍ପରା ; କଣ ରହିଛି ନୂଆ ରାଷ୍ଟ୍ରପତିଙ୍କ ଯୋଜନା ?

କଣ ରହିଛି ଆଜିର କାର୍ଯ୍ୟକ୍ରମ ?

ଜୋ ବାଇଡେନଙ୍କ ଏହି ଶପଥ ଗ୍ରହଣ ଉତ୍ସବକୁ bideninaugural.org/watch/ ମାଧ୍ୟମରେ ଲାଇଭ୍ ଟେଲିକାଷ୍ଟ କରାଯିବ ।
ଏହି ଉତ୍ସବରେ ପ୍ରସିଦ୍ଧ ଗାୟିକା ଜେନିଫର୍ ଲୋପେଜ୍ ଙ୍କ କାର୍ଯ୍ୟକ୍ରମ ରହିଛି । ଏଥିସହିତ ଲେଡି ଗାଗା ଆମେରିକାର ଜାତୀୟ ସଙ୍ଗୀତ ପରିବେଷଣ କରିବେ ।
ଇମିଗ୍ରେସନ ୱେବସାଇଟ୍ ଅନୁଯାୟୀ, ବାଇଡେନ ଶପଥ ଗ୍ରହଣ କରିବା ପରେ ଆମେରିକାର ଲୋକଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।
ଆଜିର ଏହି ଶପଥ ଗ୍ରହଣ ଉତ୍ସବକୁ ଆମେରିକାର ପ୍ରମୁଖ ଟିଭି ଚ୍ୟାନେଲ୍ ABC, CBS, CNN, NBC ଇତ୍ୟାଦି ସିଧା ପ୍ରସାରଣ କରିବେ ।

Newest First Oldest First

11:25 PM, 20 Jan

ଆମେ ସଙ୍କଟର ସମ୍ମୁଖୀନ ହେଉଥିବା ବେଳେ ସମୟରେ ନଷ୍ଟ କରିବାର ନାହିଁ | ସେଥିପାଇଁ ଆଜି, ମୁଁ ଆମେରିକୀୟ ପରିବାରମାନଙ୍କ ପାଇଁ ସାହସିକ କାର୍ଯ୍ୟ ଏବଂ ତୁରନ୍ତ ରିଲିଫ୍ ପ୍ରଦାନ କରିବାର କାର୍ଯ୍ୟ ଆରମ୍ଭ କରିବା ପାଇଁ ଓଭାଲ୍ କାର୍ଯ୍ୟାଳୟକୁ ଯାଉଛି : ଜୋ ବାଇଡେନ୍

There is no time to waste when it comes to tackling the crises we face. That's why today, I am heading to the Oval Office to get right to work delivering bold action and immediate relief for American families.
— President Biden (@POTUS) January 20, 2021

11:17 PM, 20 Jan

କମଳା ହ୍ୟାରିସ୍ ଟ୍ୱିଟ୍ କରି ଲେଖିଛନ୍ତି, ସବୁବେଳେ ଲୋକଙ୍କ ପାଇଁ ।

For the people—always. pic.twitter.com/KW0TS1cnUq
— Kamala Harris (@KamalaHarris) January 20, 2021

11:08 PM, 20 Jan

କରୋନାଭାଇରସ କାରଣରୁ ମୃତ୍ୟୁ ହୋଇତିବା ବ୍ୟକ୍ତିଙ୍କ ପାଇଁ ନୀରବ ପ୍ରାର୍ଥନା କଲେ ଆମେରିକାର ରାଷ୍ଟ୍ରପତି ଜୋ ବାଇଡେନ ।

11:05 PM, 20 Jan

କମଲା ହାରିସ୍ ଦେଶର ଇତିହାସରେ ପ୍ରଥମ ମହିଳା, ପ୍ରଥମ କଳା ଏବଂ ପ୍ରଥମ ଦକ୍ଷିଣ ଏସୀୟ ଉପରାଷ୍ଟ୍ରପତି ହୋଇ ଇତିହାସ ସୃଷ୍ଟି କରିଛନ୍ତି । ଏହା ସହିତ ତାଙ୍କ ସ୍ୱାମୀ ଡଗ୍ ଏମହାଫ୍ ମଧ୍ୟ ଇତିହାସ ସୃଷ୍ଟି କରିଛନ୍ତି |

11:04 PM, 20 Jan

ବିଡେନ କହିଛନ୍ତି ଯେ ଆମେରିକା ଆଜି ପ୍ରଥମ ମହିଳା ଉପ-ରାଷ୍ଟ୍ରପତି ପାଇଛି । ଆମେରିକାର କ୍ୟାପିଟାଲ (ଆମେରିକା ସଂସଦ) ଉପରେ ହୋଇଥିବା ଆକ୍ରମଣ ସମ୍ପର୍କରେ ସେ କହିଛନ୍ତି ଯେ ଏଭଳି ହିଂସା କେବେ ହେବ ନାହିଁ ।

11:03 PM, 20 Jan

ଆମେରିକାର ରାଷ୍ଚ୍ରପତିଙ୍କୁ ଶୁଭେଚ୍ଛା ଜଣାଇଲେ ଭାରତର କଂଗ୍ରେସ ନେତା ରାହୁଲ୍ ଗାନ୍ଧୀ । ଟ୍ୱିଟ୍ କରି କହିଲେ, ଗଣତନ୍ତ୍ରର ନୂଆ ଅଧ୍ୟାୟକୁ ସ୍ୱାଗତ । ରାଷ୍ଚ୍ରପତି ବାଇଡେନ୍ ଏବଂ ଉପରାଷ୍ଚ୍ରପତି କମଳାଙ୍କୁ ଅଭିନନ୍ଦନ ।

Congratulating the USA on a new chapter of their democracy.
Best wishes to President Biden and Vice-President Harris.#InaugurationDay
— Rahul Gandhi (@RahulGandhi) January 20, 2021

11:00 PM, 20 Jan

ଆମେରିକା ପରୀକ୍ଷା କରାଯାଇଛି ଏବଂ ଆମେ ଏଥିପାଇଁ ଦୃଢ ହୋଇପାରିଛୁ । ଆମେ ଆମର ଗଠବନ୍ଧନକୁ ଆହୁରି ଦୃଢ କରିବୁ । ଗତକାଲିର ଆହ୍ୱାନକୁ ପୂରଣ କରିବା ପାଇଁ ନୁହେଁ, ବରଂ ଆସନ୍ତାକାଲିର ଆହ୍ୱାନ ପାଇଁ କାମ କରିବୁ । ଆମେ ଆମର ଶକ୍ତିର ଉଦାହରଣରୁ ନୁହେଁ ବରଂ ଆମର ଉଦାହରଣର ଶକ୍ତି ଦ୍ୱାରା ଆଗକୁ ବଢିବା : ଆମେରିକାର ରାଷ୍ଟ୍ରପତି ଜୋ ବାଇଡେନ୍

America has been tested & we've come out stronger for it. We will repair our alliances & engage once again. Not to meet yesterday's challenges but today's & tomorrow's challenges. We'll lead not merely by example of our power but the power of our example: US President Joe Biden https://t.co/EnwcF8m0Uc
— ANI (@ANI) January 20, 2021

10:57 PM, 20 Jan

ରାଷ୍ଟ୍ରପତି ଜୋ ବାଇଡେନ ଆମେରିକୀୟମାନଙ୍କୁ ଏକତ୍ରିତ ହୋଇ ଦେଶର ସମ୍ମୁଖୀନ ହେଉଥିବା ଅସାଧାରଣ ସମସ୍ୟାକୁ ଦୂର କରିବାକୁ ଆହ୍ୱାନ୍ ଦେଇଛନ୍ତି ।

10:50 PM, 20 Jan

ଆଜି ଆମେ ବିଜୟୀ ପ୍ରାର୍ଥୀ ନୁହେଁ, ଗଣତନ୍ତ୍ରର ବିଜୟ ଉତ୍ସବ ପାଳନ କରୁଛୁ । ଲୋକଙ୍କ ଇଚ୍ଛା ଶୁଣାଯାଇଛି ଏବଂ ଲୋକଙ୍କ ଇଚ୍ଛାକୁ ବିଚାରକୁ ନିଆଯାଇଛି । ଆମେ ପୁନର୍ବାର ଶିଖିଲୁ ଯେ ଗଣତନ୍ତ୍ର ମୂଲ୍ୟବାନ ଅଟେ | ଏବଂ ଏହି ସମୟରେ, ମୋର ବନ୍ଧୁଗଣ, ଗଣତନ୍ତ୍ରର ବିଜୟ ହୋଇଛି ।

10:48 PM, 20 Jan

ରାଷ୍ଟ୍ରପତି ଭାବରେ ତାଙ୍କର ପ୍ରଥମ ଅଭିଭାଷଣରେ ସେ କହିଥଲେ ଯେ ଏହା ଆମେରିକାର ଦିନ । ଏହା ଗଣତନ୍ତ୍ରର ବିଜୟ ଏବଂ ଉତ୍ସବ ପାଇଁ ଏକ ସମୟ | ନୂତନ ଇତିହାସ ସୃଷ୍ଟି ହେଉଛି |

10:40 PM, 20 Jan

ଆମେରିକାର 46ତମ ରାଷ୍ଟ୍ରପତି ଜୋ ବାଇଡେନଙ୍କୁ ଶୁଭେଚ୍ଛା ଜଣାଇଲେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଟ୍ୱିଟ୍ କରି ଲେଖିଲେ ଆମେରିକାର ରାଷ୍ଟ୍ରପତି ଭାବରେ ଦାୟିତ୍ୱ ଗ୍ରହଣ କରିଥିବା ଜୋ ବିଡେନଙ୍କୁ ମୋର ଆନ୍ତରିକ ଅଭିନନ୍ଦନ । ଭାରତ-ଆମେରିକାର ରଣନୀତିକ ଭାଗିଦାରୀକୁ ମଜବୁତ କରିବା ପାଇଁ ମୁଁ ତାଙ୍କ ସହିତ କାମ କରିବାକୁ ଆଗ୍ରହୀ ।

My warmest congratulations to @JoeBiden on his assumption of office as President of the United States of America. I look forward to working with him to strengthen India-US strategic partnership.
— Narendra Modi (@narendramodi) January 20, 2021

10:26 PM, 20 Jan

ଆମେରିକାର 46ତମ ରାଷ୍ଚ୍ରପତି ଭାବେ ଶପଥ ଗ୍ରହଣ କଲେ ଜୋ ବାଇଡେନ୍ । ଆମେରିକାର ସୁପ୍ରିମକୋର୍ଟର ମୁଖ୍ୟ ବିଚାରପତି ଜନ୍ ରୋବର୍ଟସ୍ ବାଇଡେନଙ୍କୁ ଶପଥ ଗ୍ରହଣ କରାଇଲେ ।

United States: Joe Biden sworn-in 46th President of the United States of America. pic.twitter.com/FHlqyzZpG3
— ANI (@ANI) January 20, 2021

10:22 PM, 20 Jan

ଆମେରିକାର ସୁପ୍ରିମକୋର୍ଟର ମୁଖ୍ୟ ବିଚାରପତି ଜନ୍ ରୋବର୍ଟସ୍ ବାଇଡେନଙ୍କୁ ଶପଥ ଗ୍ରହଣ କରାଉଛନ୍ତି ।

10:16 PM, 20 Jan

କମଳା ହ୍ୟାରିସଙ୍କ ଶପଥ ଗ୍ରହଣ ପରେ ପ୍ରସିଦ୍ଧ ଗାୟିକା ଜେନିଫର୍ ଲୋପେଜ୍ ପରିବେଷଣ କଲେ ଦିସ୍ 'ଲ୍ୟାଣ୍ଡ ଇଜ୍ ୟୋର୍ ଲ୍ୟାଣ୍ଡ' ସଙ୍ଗୀତ ପରିବେଷଣ କରୁଛନ୍ତି ।

10:14 PM, 20 Jan

ସୁପ୍ରିମ କୋର୍ଟର ବିଚାରପତି ସୋନିଆ ସୋଟୋମେୟର କମଳା ହ୍ୟାରିସଙ୍କୁ ଉପ ରାଷ୍ଚ୍ରପତି ପଦର ଶପଥ ଗ୍ରହଣ କରାଇଲେ । ବିଚାରପତିଙ୍କ ନିର୍ଦ୍ଦେଶ କ୍ରମେ ଡାହାଣ ହାତ ଟେକି ଆମେରିକାର ଉପ-ରାଷ୍ଚ୍ରପତି ଭାବେ ଶପଥ ଗ୍ରହଣ କଲେ କମଳା ।

US: Kamala Harris sworn-in as the first female Vice President of the United States of America. pic.twitter.com/fYEcCd5oD4
— ANI (@ANI) January 20, 2021

10:11 PM, 20 Jan

ଡେପୁଟି ପ୍ରେସ ସେକ୍ରେଟାରୀ ଜୁଡ୍ ଡିରେ ଦେଇଥିବା ବିବୃତ୍ତିରେ କହିଛନ୍ତି ଯେ, ଆଜି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଲବର୍ଟ ଜେ ପିରୋଙ୍କୁ କ୍ଷମା ପ୍ରଦାନ କରିଛନ୍ତି ।

10:08 PM, 20 Jan

ଆମେରିକାର ଜାତୀୟ ସଙ୍ଗୀତ ପରିବେଷଣ କରୁଛନ୍ତି ଆମେରିକାର ପ୍ରସିଦ୍ଧ ଗାୟିକା ଲେଡି ଗାଗା ।

10:01 PM, 20 Jan

ଉପ-ରାଷ୍ଚ୍ରପତି କମଳା ହ୍ୟାରିସ୍ ଏବଂ ତାଙ୍କ ପତି ଜୋଗ୍ ଏମହୋଫ୍ ଆମେରିକାର କ୍ୟାପିଟାଲ୍ ହିଲରେ ଥିବା ଲୋକଙ୍କୁ ସମ୍ୱୋଧିତ କଲେ ।

#WATCH | US: Vice President-elect Kamala Harris and her husband Doug Emhoff greet attendees of the inauguration ceremony at the US Capitol. pic.twitter.com/byNRr29I4F
— ANI (@ANI) January 20, 2021

9:56 PM, 20 Jan

ଜୋ ବାଇଜେନଙ୍କ ଶପଥ ଗ୍ରହଣ ପୂର୍ବରୁ ହ୍ୱାଇଟ୍ ହାଉସ୍ ଛାଡିଲେ ପୂର୍ବତନ ରାଷ୍ଚ୍ରପତି ଡୋନାଲ୍ଡ ଟ୍ରମ୍ପ । ତାଙ୍କର ବିଦାୟୀ ଅଭିଭାଷଣ ରଖିବା ସହ ନୂଆ ରାଷ୍ଟ୍ରପତିଙ୍କୁ ସ୍ୱାଗତ ଜଣାଇଲେ । କିନ୍ତୁ ଭାଷଣରେ ସେ ଜୋ ବାଇଡେନଙ୍କ ନାମ ନେଇ ନାହାନ୍ତି ।

9:48 PM, 20 Jan

ଜୋ ବାଇଡେନଙ୍କୁ ଶୁଭେଚ୍ଛା ଜଣାଇଲେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମା । ଟ୍ୱିଟ୍ କରି ଲେଖିଲେ, 'ମୋ ବନ୍ଧୁ ରାଷ୍ଚ୍ରପତି ଜୋ ବାଇଡେନଙ୍କୁ ଶୁଭେଚ୍ଛା । ଏହା ତୁମ ସମୟ ।'

Congratulations to my friend, President @JoeBiden! This is your time. pic.twitter.com/LXzxGnBAfz
— Barack Obama (@BarackObama) January 20, 2021

9:45 PM, 20 Jan

ଆମେରିକାର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବାକୁ ପହଞ୍ଚିଲେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମା ଓ ବିଲ୍ କ୍ଲିଣ୍ଟନ୍ । ସାଥିରେ ଅଛନ୍ତି ହିଲାରୀ କ୍ଲିଣ୍ଟନ୍ ।

9:43 PM, 20 Jan

ଆଜି ଆମେରିକା ପାଇଁ ଅକ ନୂଆ ଦିନ ବୋଲି ଟ୍ୱିଟ୍ କଲେ ଆମେରିକାର ନୂଆ ରାଷ୍ଟ୍ରପତି ଜୋ ବାଇଡେନ୍ ।

It’s a new day in America.
— Joe Biden (@JoeBiden) January 20, 2021

1:47 PM, 20 Jan

ଆମେରିକାର 46ତମ ରାଷ୍ଟ୍ରପତିଙ୍କୁ ଅଭିନବ ଉପାୟରେ ଶୁଭେଚ୍ଛା ଜଣାଇଛନ୍ତି ଓଡ଼ିଆ ଶିଳ୍ପୀ । ବୋତଲ ଭିତରେ ପ୍ରଦର୍ଶିତ ହୋଇଛନ୍ତି ଜୋ ବାଇଡେନ୍ । ଦୀର୍ଘ ସାତ ଦିନ ପରିଶ୍ରମ କରି ଜଟଣୀର ଆଲିଶ୍ୱ ରାଓ ତିଆରି କରିଛନ୍ତି ଏହି ଅସାଧାରଣ କୃତି ।

#ବୋତଲରେ_ରାଷ୍ଟ୍ରପତି
ଆମେରିକାର 46ତମ ରାଷ୍ଟ୍ରପତିଙ୍କୁ ଅଭିନବ ଉପାୟରେ ଶୁଭେଚ୍ଛା ଜଣାଇଛନ୍ତି ଓଡ଼ିଆ ଶିଳ୍ପୀ । ବୋତଲ ଭିତରେ ପ୍ରଦର୍ଶିତ ହୋଇଛନ୍ତି ଜୋ ବାଇଡେନ୍ । ଦୀର୍ଘ ସାତ ଦିନ ପରିଶ୍ରମ କରି ଜଟଣୀର ଆଲିଶ୍ୱ ରାଓ ତିଆରି କରିଛନ୍ତି ଏହି ଅସାଧାରଣ କୃତି ।#Odisha #America #JoeBiden #USPresident @JoeBiden pic.twitter.com/VqwXytUW5S
— Oneindia Odia (@OneindiaOdia) January 20, 2021

1:03 PM, 20 Jan

ବାଲୁକାରେ ରାଷ୍ଟ୍ରପତିଙ୍କୁ ଶୁଭେଚ୍ଛା

ବାଲୁକା କଳା ମାଧ୍ୟମରେ ଆମେରିକାର 46 ତମ ରାଷ୍ଟ୍ରପତି ଜୋ ବାଇଡେନ୍ ଓ ଉପରାଷ୍ଟ୍ରପତି କମଲା ହାରିସଙ୍କୁ ଶୁଭେଚ୍ଛା ଜଣାଇଛନ୍ତି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ।

#Inauguration2021 A historic moment. Best wishes to USA President-elect @JoeBiden and Vice President-elect @KamalaHarris . My SandArt at Puri beach in india. @BidenInaugural pic.twitter.com/EmtzH6JIvu
— Sudarsan Pattnaik (@sudarsansand) January 20, 2021

11:55 AM, 20 Jan

ଭାରତର ଗାଁରେ କମଲା ହାରିସଙ୍କ ପୋଷ୍ଟର

ତାମିଲନାଡୁର ତୁଲସେନ୍ଦ୍ରପୁରମ୍ ଠାରେ ଆମେରିକାର ଉପରାଷ୍ଟ୍ରପତି ତଥା ଭାରତୀୟ ବଂଶୋଦ୍ଭବ କମଲା ହାରିସଙ୍କ ପୋଷ୍ଟର ଲାଗିଛି । ଏହି ଗାଁର ଘରେ ଓ ଦୋକାନରେ କମଲା ହାରିସଙ୍କ ପୋଷ୍ଟର ଦେଖିବାକୁ ମିଳିଛି ।

Tamil Nadu: People in Thulasendrapuram village put up hoardings & posters of US Vice President-elect Kamala Harris at their shops & homes
"We're all very excited that Kamala Harris will take oath as Vice-President of US, she inspires all the women in the village, said a local. pic.twitter.com/sw2DXTKnxD
— ANI (@ANI) January 20, 2021

11:41 AM, 20 Jan

ଆଜିର ଶପଥ ଗ୍ରହଣ ଉତ୍ସବରେ ରାଷ୍ଟ୍ରପତି ଜୋ ବାଇଡେନଙ୍କ ଭାଷଣର ପ୍ରସଙ୍ଗ ରହିଛି 'ଏକଜୁଟ୍ ଆମେରିକା'। କୋଭିଡ୍ ମହାମାରୀ ଏବଂ ଗତ ଜାନୁଆରୀ 6 ତାରିଖରେ କ୍ୟାପିଟାଲ ହିଲରେ ହୋଇଥିବା ହିଂସା ଦ୍ୱାରା ଆମେରିକା ପ୍ରଭାବିତ ହୋଇଛି । ତେଣୁ ସମସ୍ତଙ୍କୁ ଏକଜୁଟ୍ କରି ଆମେରିକାକି ଆହୁରି ବିକାଶ ପଥରେ ଅଗ୍ରସର କରିବା ନେଇ ରାଷ୍ଚ୍ରପତିଙ୍କ ଏପରି ଅଭିଭାଷଣ ରହିଛି ବୋଲି କୁହାଯାଇଛି ।

11:22 AM, 20 Jan

ଭାଙ୍ଗିବ ହ୍ୱାଇଟ୍ ହାଉସର 200 ବର୍ଷର ପରମ୍ପରା

ହ୍ୱାଇଟ୍ ହାଉସର 200 ବର୍ଷର ପରମ୍ପରା ଆଜି ଭାଙ୍ଗିବ । ଜୋ ବାଇଡେନଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବେନି ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏଥି ସହିତ ପରମ୍ପରା ଅନୁଯାୟୀ ତାଙ୍କୁ ହ୍ୱାଇଟ୍ ହାଉସକୁ ମଧ୍ୟ ସ୍ୱାଗତ କରିବେନି ବୋଲି ମନା କରିଦେଇଛନ୍ତି ଟ୍ରମ୍ପ ।