ତୁର୍କୀ କୋଇଲା ଖଣି ବିସ୍ଫୋରଣ : 25 ଜଣଙ୍କର ମୃତ୍ୟୁ, ଫସି ରହିଛନ୍ତି ଅନେକ ଲୋକ
ତୁର୍କୀର କୋଇଲା ଖଣି ବିସ୍ଫୋରଣରେ ଅତି କମରେ 25 ଜଣଙ୍କର ମୃତ୍ୟୁ ହୋଇଛି । ତୁର୍କୀର ଉତ୍ତର ବାର୍ଟିନ୍ ପ୍ରଦେଶର ଏକ କୋଇଲା ଖଣିରେ ହୋଇଥିବା ବିସ୍ଫୋରଣରେ 25 ଜଣଙ୍କର ମୃତ୍ୟୁ ଘଟିଛି ଏବଂ ଅନେକ ଲୋକ ଫସି ରହିଛନ୍ତି ।
ଅଙ୍କାରା : ତୁର୍କୀର କୋଇଲା ଖଣିରେ ଏକ ବଡ଼ ଦୁର୍ଘଟଣା ଘଟିଛି । ତୁର୍କୀର କୋଇଲା ଖଣି ବିସ୍ଫୋରଣରେ ଅତି କମରେ 25 ଜଣଙ୍କର ମୃତ୍ୟୁ ହୋଇଛି । ତୁର୍କୀର ଉତ୍ତର ବାର୍ଟିନ୍ ପ୍ରଦେଶର ଏକ କୋଇଲା ଖଣିରେ ହୋଇଥିବା ବିସ୍ଫୋରଣରେ 25 ଜଣଙ୍କର ମୃତ୍ୟୁ ଘଟିଛି ଏବଂ ଅନେକ ଲୋକ ଫସି ରହିଛନ୍ତି ବୋଲି ବିସିସିଆଇ ରିପୋର୍ଟ କରିଛି । ଶୁକ୍ରବାର ଦିନ କୃଷ୍ଣ ସାଗର ଉପକୂଳରେ ଥିବା ଆମାସରାର ପ୍ଲାଣ୍ଟରେ ଏହି ବିସ୍ଫୋରଣ ଘଟିଛି । ଖବର ଅନୁଯାୟୀ, ଖଣିରେ ବିସ୍ଫୋରଣ ସମୟରେ ପ୍ରାୟ 110 ଲୋକ କାମ କରୁଥିଲେ । ତେଣୁ ଖଣି ଭିତରେ କେତେ ଲୋକ ଫସି ରହିଛନ୍ତି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ପ୍ରାୟ 28 ଜଣ ଆହତ ହୋଇଛନ୍ତି ।
ତୁର୍କୀ ସ୍ୱାସ୍ଥ୍ୟମନ୍ତ୍ରୀ ଫହାର୍ଟିନ୍ କୋକାସ କହିଛନ୍ତି ଯେ ଏପର୍ଯ୍ୟନ୍ତ କୋଇଲା ଖଣିରୁ 11 ଜଣଙ୍କୁ ଉଦ୍ଧାର କରାଯାଇଛି । ବିସ୍ଫୋରଣ ସମୟରେ ପ୍ରାୟ 110 ଲୋକ ଖଣିରେ କାମ କରୁଥିଲେ, ଯେଉଁମାନଙ୍କ ମଧ୍ୟରୁ ପ୍ରାୟ ଅର୍ଦ୍ଧେକ 300 ମିଟର ଗଭୀର ଖଣିରେ କାମ କରୁଥିଲେ ।
ଏହି ଦୁର୍ଘଟଣାରେ ଆହତ 28 ଜଣ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏହି କୋଇଲା ଖଣି 300 ରୁ 350 ମିଟର ଗଭୀର, ଏହା ଏକ ବିପଦପୂର୍ଣ୍ଣ ଅଞ୍ଚଳ । ତୁର୍କୀର ଶକ୍ତି ମନ୍ତ୍ରୀ ଫାତିହ ଡୋମେଜ ରଏଟର୍ସ ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ ପ୍ରାଥମିକ ଆକଳନରୁ ଜଣାପଡିଛି ଯେ ଫାୟାରମ୍ପ-କୋଇଲା ଖଣିରେ ମିଳୁଥିବା ଜ୍ୱଳନ୍ତ ଗ୍ୟାସ ଯୋଗୁଁ ଏହି ବିସ୍ଫୋରଣ ଘଟିଥାଇପାରେ । ତଥାପି ଆମେ ମାମଲାର ତଦନ୍ତ କରିବା ।
ଗଣମାଧ୍ୟମ ରିପୋର୍ଟ ଅନୁଯାୟୀ ତୁର୍କୀ ରାଷ୍ଟ୍ରପତି ରଜବ ତୈୟବ ଇରଦୁଗାନ ଶନିବାର ଦୁର୍ଘଟଣାସ୍ଥଳ ପରିଦର୍ଶନ କରିବାର ସମ୍ଭାବନା ରହିଛି । ତୁର୍କୀ ରାଷ୍ଟ୍ରପତି ଟ୍ୱିଟ୍ କରି କହିଛନ୍ତି ଯେ ଆମେ ଆଶା କରୁଛୁ ଯେ ଜୀବନ ଏବଂ ସମ୍ପତ୍ତି ନଷ୍ଟ ହେବ ନାହିଁ, ଖଣିରେ କାର୍ଯ୍ୟ କରୁଥିବା ଅଧିକ ଲୋକ ସୁରକ୍ଷିତ ରହିବେ ଏବଂ ଏ ନେଇ ଆମର ସମସ୍ତ ଉଦ୍ୟମ ଏହି ଦିଗରେ ଅଛି ।
Click it and Unblock the Notifications
Sign in with Google