ଓମିକ୍ରନ୍ ବିରୁଦ୍ଧରେ ଆଷ୍ଟ୍ରାଜେନେକାର ବୁଷ୍ଟର୍ ଡୋଜ୍ ପ୍ରଭାବଶାଳୀ - ଅଧ୍ୟୟନରେ ଦାବି

ଡ୍ରଗ୍ ନିର୍ମାତା ଆଷ୍ଟ୍ରାଜେନେକା ଗୁରୁବାର ଦିନ ଦାବି କରିଛି ଯେ ଏହାର ତିନି-ଡୋଜ୍ କୋଭିଡ୍ -19 ଟିକା ଭାକ୍ସଜର୍ଭିଆ କରୋନାର ଓମିକ୍ରନ୍ ଭାରିଆଣ୍ଟ ବିରୁଦ୍ଧରେ ମଧ୍ୟ ପ୍ରଭାବଶାଳୀ ଅଟେ ।

Published: Thursday, December 23, 2021, 18:00 [IST]

ଲଣ୍ଡନ : ସମଗ୍ର ବିଶ୍ୱରେ ଦ୍ରୁତ ଗତିରେ ବ୍ୟାପିଥିବା କରୋନା ଭାଇରସର ଓମିକ୍ରନ୍ ଭାରିଆଣ୍ଟ ବିଷୟରେ ଚିନ୍ତା ମଧ୍ୟରେ ବୈଜ୍ଞାନିକମାନେ ଏହା ବିରୁଦ୍ଧରେ ଏକ ଟିକା ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି । ଡ୍ରଗ୍ ନିର୍ମାତା ଆଷ୍ଟ୍ରାଜେନେକା ଗୁରୁବାର ଦିନ ଦାବି କରିଛି ଯେ ଏହାର ତିନି-ଡୋଜ୍ କୋଭିଡ୍ -19 ଟିକା ଭାକ୍ସଜର୍ଭିଆ କରୋନାର ଓମିକ୍ରନ୍ ଭାରିଆଣ୍ଟ ବିରୁଦ୍ଧରେ ମଧ୍ୟ ପ୍ରଭାବଶାଳୀ ଅଟେ ।

ଅକ୍ସଫୋର୍ଡ ୟୁନିଭରସିଟି ଲ୍ୟାବରେ କରାଯାଇଥିବା ଏକ ଅଧ୍ୟୟନର ତଥ୍ୟକୁ ଆଷ୍ଟ୍ରାଜେନେକା ଦର୍ଶାଇଛି ଯେ , ଯେଉଁମାନେ ପ୍ରାକୃତିକ ଭାବରେ COVID-19 ଦ୍ୱାରା ସଂକ୍ରମିତ ହୋଇଥିଲେ ସେମାନଙ୍କ ତୁଳନାରେ ବୁଷ୍ଟର୍ ଡୋଜ୍ ପରେ ଓମିକ୍ରନ୍ ବିରୁଦ୍ଧରେ ଆଣ୍ଟିବଡି ସ୍ତର ଅଧିକ ରହିଥିଲା ।

ଆଷ୍ଟ୍ରାଜେନେକା ପକ୍ଷରୁ କୁହାଯାଇଛି ଯେ ତିନି-ଡୋଜ୍ ଦେବା ପରେ ଏହି ଟିକା ଓମିକ୍ରନ୍ ବିରୁଦ୍ଧରେ ସେତିକି ପ୍ରଭାବଶାଳୀ, ଡେଲ୍ଟା ଭାରିଆଣ୍ଟ ବିରୁଦ୍ଧରେ ଦୁଇଟି ଡୋଜ ନେବା ପରେ ଯେତିକି ପ୍ରଭାବଶାଳୀ । ଅକ୍ସଫୋର୍ଡ ଅଧ୍ୟୟନରେ କରାଯାଇଥିବା ଅଧ୍ୟୟନ ଏପର୍ଯ୍ୟନ୍ତ ପ୍ରକାଶିତ ହୋଇନାହିଁ । ଆଷ୍ଟ୍ରାଜେନେକା ଏହା ମଧ୍ୟ କହିଛି ଯେ ଅକ୍ସଫୋର୍ଡ ଅଧ୍ୟୟନରେ କାର୍ଯ୍ୟ କରୁଥିବା ଅନୁସନ୍ଧାନକାରୀମାନେ ଭ୍ୟାକ୍ସଜର୍ଭିଆରେ କାମ କରୁଥିବା ବ୍ୟକ୍ତିଙ୍କଠାରୁ ସ୍ୱାଧୀନ ଅଟନ୍ତି ।

ଭାରତରେ ମୁଖ୍ୟତଃ ଦିଆଯାଉଥିବା କରୋନାଭାଇରସ୍ କୋଭିଶିଲ୍ଡ ଟିକା, ଅକ୍ସଫୋର୍ଡ-ଆଷ୍ଟ୍ରାଜେନେକା ଦ୍ୱାରା ବିକଶିତ ହୋଇଛି ଏବଂ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ମିଳିତ ସହଯୋଗରେ ଭାରତରେ ଏହା ପ୍ରସ୍ତୁତ କରାଯାଉଛି ।

ଓମିକ୍ରନ୍ ର ବଢୁଥିବା ବିପଦ ମଧ୍ୟରେ, କରୋନା ଟିକାକୁ ଏକ ବୁଷ୍ଟର୍ ଡୋଜ୍ ଦେବା ଉପରେ ଆଲୋଚନା ତୀବ୍ର ହୋଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ଏକ ବୁଷ୍ଟର ଡୋଜ ଦେବା ବିଷୟରେ ଆଲୋଚନା କରିଛି । ତେବେ ଯେଉଁମାନଙ୍କର କରୋନା ହେବାର ଆଶଙ୍କା ଅଧିକ ଅନ୍ତର୍ଜାତୀୟ ଏଜେନ୍ସି କେବଳ ଏପରି ଲୋକଙ୍କୁ ବୁଷ୍ଟର୍ ଡୋଜ ଦେବାକୁ କହିଛନ୍ତି ।

Published On December 23, 2021