ଜି -20ରୁ ପାକିସ୍ତାନକୁ 800 ମିଲିୟନ ଡଲାର ଋଣ ଛାଡ଼

ରବିବାର ଦିନ ଏକ ରିପୋର୍ଟରେ କୁହାଯାଇଛି ଯେ, 20 ଟି ଜି -20 ଦେଶ ମଧ୍ୟରୁ 14 ଟି ଦେଶ ପାକିସ୍ତାନର ଋଣ ଛାଡ କରିବାକୁ ନିଷ୍ପତ୍ତି ନେଇଛନ୍ତି | ପାକିସ୍ତାନ ବର୍ତ୍ତମାନ 6ଟି ଦେଶରୁ ନେଇଥିବା ପ୍ରାୟ 800 ମିଲିୟନ ଡଲାର ଋଣ ଛାଡ ପାଇବ |

ଇସଲାମାବାଦ : ଅର୍ଥନୈତିକ ସଙ୍କଟ ଦେଇ ଗତି କରୁଥିବା ପାକିସ୍ତାନକୁ ଜି -20 ଦେଶରୁ ମିଳିଛି ସହାୟତା | ରବିବାର ଦିନ ଏକ ରିପୋର୍ଟରେ କୁହାଯାଇଛି ଯେ, 20 ଟି ଜି -20 ଦେଶ ମଧ୍ୟରୁ 14 ଟି ଦେଶ ପାକିସ୍ତାନର ଋଣ ଛାଡ କରିବାକୁ ନିଷ୍ପତ୍ତି ନେଇଛନ୍ତି | ପାକିସ୍ତାନ ବର୍ତ୍ତମାନ 6ଟି ଦେଶରୁ ନେଇଥିବା ପ୍ରାୟ 800 ମିଲିୟନ ଡଲାର ଋଣ ଛାଡ ପାଇବ | G-20ର ଏହି 6ଟି ଦେଶକୁ ପାକିସ୍ତାନ ଚଳିତ ବର୍ଷ ଅଗଷ୍ଟ 2020 ସୁଦ୍ଧା 25.4 ବିଲିୟନ ଡ଼ଲାର୍ ଦେବାକୁ ଦେବାକୁ ଥିଲା | ତେବେ ସାଉଦି ଆରବ ଏବଂ ଜାପାନ ଏପର୍ଯ୍ୟନ୍ତ ଏହାକୁ ଅନୁମୋଦନ କରିନାହାଁନ୍ତି |

ଚଳିତ ବର୍ଷ ଏପ୍ରିଲ୍ 15 ରେ, ଜି -20 ଦେଶ 76ଟି ଦେଶକୁ ଋଣ ଛାଡ଼ କରିବାକୁ ନିଷ୍ପତ୍ତି ନେଇଥିଲା | ଏଥିରେ ପାକିସ୍ତାନର ନାମ ମଧ୍ୟ ସାମିଲ କରାଯାଇଛି | କରୋନା ସଙ୍କଟର ମୁକାବିଲା ପାଇଁ ଏହି ଦେଶମାନଙ୍କୁ ଋଣ ଛାଡ଼ କରାଯାଇଛି | ସୂଚନା ଅନୁସାରେ, ମେ ରୁ ଡିସେମ୍ବର ପର୍ଯ୍ୟନ୍ତ ଏହି ଛାଡ଼ ପାଇବା ପାଇଁ ଦେଶ ଗୁଡ଼ିକୁ ଆବେଦନ କରିବାର ଥିଲା | ସରକାରୀ ଦଲିଲ ଅନୁଯାୟୀ ଜାପାନ, ରୁଷିଆ, ସାଉଦି ଆରବ, ସଂଯୁକ୍ତ ଆରବ ଏମିରେଟ୍ସ ଏବଂ ବ୍ରିଟେନ ଋଣ ଛାଡ଼ ନେଇ ଚୂଡ଼ାନ୍ତ ନିଷ୍ପତ୍ତି ଦେଇନାହାନ୍ତି |

ପାକିସ୍ତାନର ଅର୍ଥନୈତିକ ବ୍ୟାପାର ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏହି 6 ଟି ଦେଶ ଏପର୍ଯ୍ୟନ୍ତ ଋଣ ଛାଡ ଚୁକ୍ତିନାମାକୁ ଅନୁମୋଦନ କରିନାହାଁନ୍ତି, କିନ୍ତୁ ଏହି ଦେଶଗୁଡିକ ସହିତ ଚୁକ୍ତିନାମା ଆସନ୍ତା ମାସ ଶେଷ ସୁଦ୍ଧା ଶେଷ ହେବ।ର ଆଶା ଅଛି | ପାକିସ୍ତାନର ଅର୍ଥନୈତିକ ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ କର୍ତ୍ତୃପକ୍ଷ 16 ଟି ଦେଶ ଋଣ ଛାଡ ସହ ଜଡିତ 27 ଟି ଚୁକ୍ତିନାମା ସ୍ୱାକ୍ଷର କରିଛନ୍ତି | ମେ ରୁ ଡିସେମ୍ବର ମଧ୍ୟରେ ସାଉଦି ଆରବକୁ ପ୍ରାୟ 613 ନିୟୁତ ଡଲାର ରିଲିଫ ମିଳିବ ବୋଲି ଆଶା କରାଯାଉଛି | ଏଥି ସହିତ ପାକିସ୍ତାନ ଜାପାନରୁ 373 ମିଲିୟନ ଡଲାର ଛାଡ଼ ପାଇପାରେ | ତଥାପି, ଏହି ଦେଶଗୁଡିକରୁ ଚୁକ୍ତିନାମା ଏପର୍ଯ୍ୟନ୍ତ ଚୂଡ଼ାନ୍ତ ଅନୁମୋଦନ ପାଇନାହିଁ | ରୁଷିଆରୁ ପାକିସ୍ତାନ ମଧ୍ୟ 14 ମିଲିୟନ ଡଲାରର ସାମୟିକ ଛାଡ଼ ପାଇପାରେ |

English summary

Pakistan may get 800 million Dollar debt relief from G-20 countries.