ତ୍ୱରାନ୍ୱିତ ହେବ ସ୍ୱାସ୍ଥ୍ୟସେବା : ପଶ୍ଚିମ ଓଡ଼ିଶାକୁ 25 କୋଟି ଟଙ୍କାର ସହାୟତା

ଆଜି ପଶ୍ଚିମ ଓଡ଼ିଶାର ସ୍ୱାସ୍ଥ୍ୟସେବାକୁ ଆହୁରି ତ୍ୱରାନ୍ୱିତ କରିବା ପାଇଁ 25 କୋଟି ଟଙ୍କାର ଆର୍ଥୀକ ସହାୟତା ଦିଆଯାଇଛି

Published: Wednesday, May 12, 2021, 22:29 [IST]

ଭୁବନେଶ୍ୱର : ରାଜ୍ୟରେ କରୋନାର ଦ୍ୱିତୀୟ ଲହରକୁ ପ୍ରତିରୋଧ କରିବା ପାଇଁ ରାଜ୍ୟ ସରକାର ସବୁ ସ୍ତରରେ ଉଦ୍ୟମ ଜାରି ରଖିଛନ୍ତି । ଜୀବନ ଓ ଜୀବିକାର ଲଢେଇ ଭିତରେ ଜୀବନକୁ ପ୍ରାଥମିକତା ଦିଆଯାଇଥିବା କହି ଆସିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ପରିପ୍ରେକ୍ଷିରେ ଆଜି ପଶ୍ଚିମ ଓଡ଼ିଶାର ସ୍ୱାସ୍ଥ୍ୟସେବାକୁ ଆହୁରି ତ୍ୱରାନ୍ୱିତ କରିବା ପାଇଁ 25 କୋଟି ଟଙ୍କାର ଆର୍ଥୀକ ସହାୟତା ଦିଆଯାଇଛି ।

ପଶ୍ଚିମ ଓଡ଼ିଶା ବିକାଶ ପରିଷଦ ପକ୍ଷରୁ ଏହି ସହାୟତା ଦିଆଯାଇଥିବା ଟ୍ୱିଟ୍ କରିଛନ୍ତି ଏହାର ଅଧ୍ୟକ୍ଷ ଅସିତ ତ୍ରିପାଠୀ । କୋଭିଡ୍ ସ୍ଥିତି ମୁକାବିଲା ପାଇଁ ଆବଶ୍ୟକ ଅତିରିକ୍ତ ଆଇସିୟୁ, ଏଚଡିୟୁ ବେଡ୍, ଅତ୍ୟାବଶ୍ୟକୀୟ ସ୍ୱାସ୍ଥ୍ୟ ସାମଗ୍ରୀ ସହ କରୋନା ପରୀକ୍ଷା ପାଇଁ ଆବଶ୍ୟକ ଯନ୍ତ୍ରପାତି, ଅକ୍ସିଜେନ୍ ପାଇପ୍, ପଲ୍ସ ଅକ୍ସିମିଟର ଇତ୍ୟାଦି ଏହି ଅର୍ଥରୁ କିଣାଯାଇ ପାରିବ ।

Odisha’s Pandemic-mgt under the leadership of Hon CM has drawn appreciation of all.But the disease is dangerous & our battle will be prolonged. WODC resolves to strengthen the hands of the Dist admn by allocation Rs 25 crores for infra & urgent equipments @CMO_Odisha @IPR_Odisha
— chairmanwodc (@chairmanwodc) May 12, 2021

ଜିଲ୍ଲା ପ୍ରଶାସନ ଆବଶ୍ୟକ ଅନୁସାରେ ଅତ୍ୟାବଶ୍ୟକ ସ୍ୱାସ୍ଥ୍ୟ ଉପକରଣ କିଣି ପାରିବେ ବୋଲି ସେ କହିଛନ୍ତି । ଏହି ଭୟଙ୍କର ମହାମାରୀରେ ଆମର ଯୁଦ୍ଧକୁ ଆହୁରି ଶାଣୀତ କରାଯିବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ କରୋନା ବିରୋଧୀ ଲଢେଇରେ ଏହା ସହୟକ ହୋଇ ପାରିବ ବୋଲି କହିଛନ୍ତି ଅସିତ ।

The interventions may include urgent creation of Addl ICU/HDU beds,critical diagnostic equipments required for Covid specific tests, oxygen piping,Purchase of pulse oxymetres for paramedics for surveillance etc . Dists have been given full flexibility.@CMO_Odisha @IPR_Odisha
— chairmanwodc (@chairmanwodc) May 12, 2021