ଜରୁରୀକାଳିନ ଏକକ ସହାୟତା ନମ୍ବର 112: ମୁଖ୍ୟ ଶାସନ ସଚିବ କଲେ ସମୀକ୍ଷା
ଭୁବନେଶ୍ବର: ରାଜ୍ୟରେ କାର୍ଯ୍ୟକାରୀ ବିଭିନ୍ନ ଜରୁରୀକାଳିନ ସେବା ପାଇଁ '୧୧୨' ଏକକ ସହାୟତା ନମ୍ବର କାର୍ଯ୍ୟକାରୀ କରାଯାଇଛି । ଏହି ନମ୍ବର ଡାଏଲ୍ କରି ଅଗ୍ନଶମ, ପୋଲିସ୍ ତଥା ଆମ୍ବୁଲାନସ୍ ଭଳି ଜରୁରୀକାଳିନ ସହାୟତା ପ୍ରାପ୍ତ କରିହେବ । ପୂର୍ବରୁ ଜାରି ହୋଇଥିବା ପୋଲିସ ସହାୟତା ନମ୍ବର ୧୦୦ ଏବଂ ଅଗ୍ନିଶମ ସହାୟତା ନମ୍ବର ୧୦୧ ତଥା ଅନ୍ୟାନ୍ୟ ଜରୁରୀକାଳିନ ସେବାଗୁଡ଼ିକ ପାଇଁ ଭିନ୍ନ ଭିନ୍ନ ନମ୍ବର ବଦଳରେ କେବଳ ୧୧୨ ନମ୍ବରକୁ କଲ୍ କରି ନାଗରିକମାନେ ପାଇପାରିବେ ସହାୟତା । ପ୍ରଥମ ପର୍ଯ୍ୟାୟରେ ଆମ ରାଜ୍ୟରେ ପୋଲିସ୍ ଏବଂ ଅଗ୍ନିଶମ ସେବାକୁ ଅନ୍ତର୍ଭୁକ୍ତ କରାଯାଇଛି ।
ଏହି ସେବାର ସଫଳ କାର୍ଯ୍ୟକାରୀତା ସମ୍ବନ୍ଧରେ ଆଜି ମୁଖ୍ୟ ଶାସନ ସଚିବ ସମୀକ୍ଷା କରିଥିଲେ । ଗୃହ ବିଭାଗର ସଚିବ ତଥା ଅନ୍ୟାନ୍ୟ ଅଧିକାରୀମାନଙ୍କ ଉପସ୍ଥିତିରେ ଲୋକସେବା ଭବନ ସମ୍ମିଳନୀ କକ୍ଷରେ ଅନୁÂିତ ଏହି ବୈଠକରେ '୧୧୨' ସହାୟତା ନମ୍ବରକୁ ଅଧିକ କାର୍ଯ୍ୟକ୍ଷମ କରିବାକୁ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ନିଦେ୍ର୍ଧଶ ଦେଇଥିଲେ । ଲୋକମାନେ କଲ୍ କରିବା ପରେ ଜରୁରୀକାଳିନ ସେବା ତ୍ୱରିତ୍ ପ୍ରଦାନ କରିବା ପାଇଁ ଚେଷ୍ଟା କରିବାକୁ ନିଦେ୍ର୍ଧଶ ଦେଇଛନ୍ତି ଶ୍ରୀ ମହାପାତ୍ର ।
ଏକାଧିକ ସେବା ପାଇଁ ସାରା ଦେଶରେ ରହିବ ଗୋଟିଏ ନମ୍ବର:
ବିଭିନ୍ନ ଜରୁରୀକାଳିନ ସେବା ପାଇଁ ଦେଶରେ ରହିଛି ଭିନ୍ନ ଭିନ୍ନ ନମ୍ବର । ଏହି ନମ୍ବର ଗୁଡିକ ହେଲା ୧୦୦, ୧୦୧, ୧୦୨ ତଥା ୧୦୮ ଭଳି ନମ୍ବର । ପୋଲିସ, ଅଗ୍ନିଶମ, ଆମ୍ବୁଲାନସ୍ ଏବଂ ଅନ୍ୟାନ୍ୟ ସେବା ପାଇଁ ଜାରି ହୋଇଥିବା ନମ୍ବରଗୁଡ଼ିକୁ ସମନ୍ୱିତ କରାଯାଇ ସାରା ଦେଶରେ କାର୍ଯ୍ୟକାରୀ ହେବ ୧୧୨ ଏକକ ନମ୍ବର । ତେବେ ବର୍ତମାନ ପୋଲିସ ସହାୟତା ପାଇଁ ରହିଥିବା ୧୦୦ ତଥା ଅଗ୍ନିଶମ ପାଇଁ ଜାରି ହୋଇଥିବା ୧୦୧ ନମ୍ବରକୁ ଡାଏଲ୍ କରି ମଧ୍ୟ ଲୋକମାନେ ସେବା ପାଇପାରିବେ । କାରଣ, ଏହିସବୁ ନମ୍ବରଗୁଡ଼ିକ ଅଧିକ ଆଦୃତ ତଥା ଲୋକପ୍ରୀୟ ହୋଇଯାଇଛି ।
ଓଡ଼ିଶାରେ ରହିଥିବା ସେବା:
ଆମ ରାଜ୍ୟରେ ଗୃହ ବିଭାଗ ଅଧୀନରେ କାର୍ଯ୍ୟକାରୀ ହୋଇଛି ୨୪ ଘଂଟିଆ ଏମରଜେନ୍ସି ସହାୟତା କେନ୍ଦ୍ର । ଏଥିରେ ଏବେ କାର୍ଯ୍ୟ କରୁଛନ୍ତି ୧୨୪ ଜଣ ସହାୟକ । ଏହି ସେଲରେ ଆହୁରି ଅଧିକ ଲୋକଙ୍କୁ ନିୟୋଜିତ କରାଯିବ ଆବଶ୍ୟକ ସ୍ଥଳେ । ଜଣେ ନାଗରିକ ଫୋନ୍ ଯୋଗେ ସହାୟତା ମାଗିଲେ ସହାୟତା କେନ୍ଦ୍ର ସହ ଡିଜିଟାଲ୍ ପଦ୍ଧତିରେ ସଂଯୋଗ ହୋଇଥିବା ଗାଡି ଗୁଡ଼ିକ ଘଟଣାସ୍ଥଳରେ ପହଁଚି ଥାଏ । ଏବେ ସୁଦ୍ଧା ୫୫୩ଟି ଏହିଭଳି ଗାଡିକୁ ସହାୟତା କେନ୍ଦ୍ର ସହ ସଂଯୋଗ କରାଯାଇଛି । ଆହୁରି ଅଧିକ ସଂଖ୍ୟକ ଗାଡ଼ିକୁ ଏହି କାର୍ଯ୍ୟରେ ନିୟୋଜିତ କରାଯିବ ବୋଲି ନିଷ୍ପତି ହୋଇଛି ।
ଅଗଷ୍ଟ ମାସରେ ରିସିଭ୍ ହୋଇଛି ୮୭୦୮ଟି କଲ୍
୧୧୨ ସହାୟତା ନମ୍ବର ଅଧିକ ଆଦୃତ ହେବାରେ ଲାଗିଛି । ଚଳିତ ଅଗଷ୍ଟ ମାସରେ ଏହି ନମ୍ବରକୁ ଆସିଛି ୮୭୦୮ଟି କଲ୍ । ସେଥିମଧ୍ୟରୁ ୭୯୫୭ଟି କଲ୍ କେବଳ ପୋଲିସ୍ ସହାୟତା ପାଇଁ ପଂଜିକୃତ ହୋଇଛି । ଏହି ସବୁ କଲ୍ କରିଥିବା ଲୋକଙ୍କୁ ଆବଶ୍ୟକ ଜରୁରୀକାଳିନ ସହାୟତା ପ୍ରଦାନ କରାଯାଇଛି । ଏହି କଲ୍ ଗୁଡ଼ିକ ମଧ୍ୟରୁ ୫୮୫ଟି କଲ୍ ଆସିଥିଲା ଅଗ୍ନିଶମ ସହାୟତା ପାଇଁ । ସେହିପରି ୧୯୧୫ଟି କଲ୍ ଆମ୍ବୁଲାନସ୍ ସେବା ପାଇଁ ପଂଜିକୃତ ହୋଇଥିବା ସହାୟତା କେନ୍ଦ୍ର ପକ୍ଷରୁ ପ୍ରକାଶ । ସୂଚନାଯୋଗ୍ୟ ଯେ, ଏବେ ରାଜ୍ୟରେ ଆମ୍ବୁଲାନସ୍ ସେବା ପାଇଁ ୧୦୮ ନମ୍ବରକୁ ଦୈନିକ ୩୦ ହଜାର ଫୋନ୍ ରିସିଭ୍ ହେଉଛି । ଏହି ଆମ୍ବୁଲାନସ୍ ନମ୍ବରକୁ ୧୧୨ ସହ ଯୋଡିବା ପୂର୍ବରୁ ଆବଶ୍ୟକ ସଂଖ୍ୟକ ମାନବ ସମ୍ବଳ, ତାଲିମ ଏବଂ ଅନ୍ୟାନ୍ୟ ଆବଶ୍ୟକତାକୁ ସୁନିଶ୍ଚିତ କରିବାକୁ ନିଦେ୍ର୍ଧଶ ଦେଇଛନ୍ତି ମୁଖ୍ୟ ଶାସନ ସଚିବ ଶ୍ରୀ ମହାପାତ୍ର
Click it and Unblock the Notifications
Sign in with Google