ସିଙ୍ଗଲ୍ ୱିଣ୍ଡୋ ବୈଠକରେ ୭ଟି ପ୍ରସ୍ତାବିତ ପ୍ରକଳ୍ପକୁ ଅନୁମୋଦନ, ମିଳିବ ୬ ହଜାର କର୍ମ ନିଯୁକ୍ତି
ଆଜି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ ସ୍ତରୀୟ ସିଙ୍ଗଲ୍ ୱିଣ୍ଡୋ କ୍ଲିୟରାନ୍ସ ଅଥରିଟି (SLSWCA) ବୈଠକ ଆଜି ପ୍ରାୟ ସାତୋଟି ପୁଞ୍ଜି ବିନିଯୋଗ ପ୍ରକଳ୍ପକୁ ଅନୁମୋଦନ ମିଳିଛି । ୫୧୧.୧୯ କୋଟି ମୂଲ୍ୟର ୭ଟି ପ୍ରକଳ୍ପରେ ୬
ଭୁବନେଶ୍ୱର: ଶିଳ୍ପାୟନ ମାଧ୍ୟମରେ ନୂତନ ନିଯୁକ୍ତି ଏବଂ ଅତିରିକ୍ତ ଜୀବିକା ନିର୍ବାହ ଦିଗରେ ଆଉ ଏକ ବଡ ପଦକ୍ଷେପ ନେଇଛନ୍ତି ରାଜ୍ୟ ସରକାର । ଆଜି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ ସ୍ତରୀୟ ସିଙ୍ଗଲ୍ ୱିଣ୍ଡୋ କ୍ଲିୟରାନ୍ସ ଅଥରିଟି (SLSWCA) ବୈଠକ ଆଜି ପ୍ରାୟ ସାତୋଟି ପୁଞ୍ଜି ବିନିଯୋଗ ପ୍ରକଳ୍ପକୁ ଅନୁମୋଦନ ମିଳିଛି । ୫୧୧.୧୯ କୋଟି ମୂଲ୍ୟର ୭ଟି ପ୍ରକଳ୍ପରେ ୬ ହଜାର ୪୦୨ ଜଣଙ୍କୁ କର୍ମ ନିଯୁକ୍ତି ମିଳିବ ।
ଉଲ୍ଲେଖଯୋଗ୍ୟ ଯେ, ଗତ ୨୩ ମଧ୍ୟରେ ସିଙ୍ଗଲ୍ ୱିଣ୍ଡୋ କ୍ଲିୟରାନ୍ସ ବୈଠକରେ ୨,୩୮୩.୩୦ କୋଟି ଟଙ୍କାର ପ୍ରକଳ୍ପକୁ ଅନୁମୋଦନ ମିଳିଥିବା ବେଳେ ୯ ହଜାର ୮୬୩ ଜଣ ନିଯୁକ୍ତି ପାଇବେ । ପୁଞ୍ଜି ବିନିଯୋଗ ପ୍ରସ୍ତାବଗୁଡ଼ିକର ଆର୍ଥିକ ଏବଂ ବୈଷୟିକ ବିବରଣୀ ଉପସ୍ଥାପନ କରି ମୁଖ୍ୟ ସଚିବ ଶିଳ୍ପ ହେମନ୍ତ କୁମାର ଶର୍ମା କହିଛନ୍ତି ଯେ, ଟେକ୍ସଟାଇଲ୍, ପୋଷାକ, କାଗଜ ଦ୍ରବ୍ୟ, ଅକ୍ଷୟ ଶକ୍ତି, ପର୍ଯ୍ୟଟନ, ଇସ୍ପାତ ଡାଉନଷ୍ଟ୍ରିମିଂ ଏବଂ ଲୁହାପଥର ଲାଭ ଭଳି କ୍ଷେତ୍ରଗୁଡିକରେ ଏହି ପ୍ରକଳ୍ପଗୁଡିକ ନିଯୁକ୍ତି ଅଧିକ ଅଟେ। ଏହି ପ୍ରକଳ୍ପଗୁଡିକୁ ନୀତିଗତ ଅନୁମୋଦନ ପ୍ରଦାନ କରି ମୁଖ୍ୟ ସଚିବ ଶ୍ରୀ ମହାପାତ୍ର ପୂର୍ବରୁ ଅନୁମୋଦିତ ପ୍ରକଳ୍ପର ନିର୍ମାଣ ଏବଂ କାର୍ଯ୍ୟକାରିତା ଉପରେ ତଦାରଖ କରିବାକୁ ଆଇପିଓସିଏଲ୍ ନିର୍ଦ୍ଦେଶ ଦେଇଛନ୍ତି। ଶିଳ୍ପଗୁଡିକର ତ୍ୱରିତ ନିର୍ମାଣ ପାଇଁ ସକ୍ରିୟ ସୁବିଧା ବଢାଇବାକୁ ଚିନ୍ତିତ ବିଭାଗଗୁଡ଼ିକୁ କୁହାଯାଇଥିଲା ।
ଖୋର୍ଦ୍ଧାର ଚନ୍ଦକାରେ ଆମ୍ବାଟୁର୍ ଫାସନ ମ୍ୟାନୁଫାକଚରିଂ ୟୁନିଟ୍ ୫୧ ଟଙ୍କା ବ୍ୟୟରେ ପ୍ରତିଷ୍ଠା କରିବ । ଏଥିରେ ୪ ହଜାର ୭୦୦ ଜଣଙ୍କୁ କର୍ମ ନିଯୁକ୍ତି ମିଳିବ । ସେହିଭଳି ଖୋର୍ଦ୍ଧାର ଛତାବରରେ ୱାଇଲ୍ଡ ଲୋଟସ୍ ଫାସନ ଗାର୍ମେଣ୍ଟ ମାନୁଫ୍ୟାକଚରିଂ ୟୁନିଟ୍ ୫୨, ୬୨ କୋଟି ଟଙ୍କା ବ୍ୟରରେ ପ୍ରତିଷ୍ଠା କରିବ । ଏହି ପ୍ରକଳ୍ପରେ ନିଯୁକ୍ତି ପାଇବେ ୫୬୦ ଜଣ । ବାଲେଶ୍ୱରରେ ଶ୍ରୀ ବଂଶୀ ଲକ୍ଷ୍ମୀ ପ୍ରା.ଲି. ନୂଆ କ୍ରାଫ୍ଟ ପେପର ୟୁନିଟ୍ ସ୍ଥାପନ କରିବ । ଦୈନିକ ୩୦୦ ଟନ୍ ପେପର କ୍ଷମତା ବିଶିଷ୍ଟ ପେପର ୟୁନିଟ୍ ପାଇଁ ୧୨୦ କୋଟି ଟଙ୍କା ଖର୍ଚ୍ଚ ହେବ । ଯେଉଁଥିରେ ୭୫୦ ଜଣଙ୍କୁ ନିଯୁକ୍ତି ମିଳିବ ।
ବୌଦ୍ଧରେ ଆଇଓସିଏଲ୍ ପକ୍ଷରୁ ୧୦ ଏମଡବ୍ଲୁ ୱାଟର ସୋଲାର ପାୱାର ପ୍ଲାଣ୍ଟ ୫୨.୨୮ କୋଟି ଟଙ୍କା ବ୍ୟୟରେ ପ୍ରତିଷ୍ଠା ହେବ । ଏହି ପ୍ରକଳ୍ପରେ ୬୫ ଜଣଙ୍କୁ ନିଯୁକ୍ତି ମିଳିବ । ସେହିଭଳି ଖୋର୍ଦ୍ଧାରେ ପ୍ରାଚୀ ରିସର୍ଟ ୪ ତାରକା ହୋଟେଲ ୬୩.୩୦ କୋଟି ଟଙ୍କାରେ ପ୍ରତିଷ୍ଠା କରିବ । ଏହି ପ୍ରକଳ୍ପରେ ୮୫ ଜଣଙ୍କୁ ନିଯୁକ୍ତି ମିଳିବ । ସମ୍ବଲପୁରରେ ସିଗମା ଟ୍ୟୁବ୍ସ ଆଣ୍ଡ ପାଇପ୍ସ ପକ୍ଷରୁ ୫୧.୯୯ କୋଟି ଟଙ୍କାରେ ଟ୍ୟୁବ୍ ଆଣ୍ଡ ପାଇପ୍ସ କାରଖାନା ହେବ । ଏଥିରେ ୬୦ ଜଣଙ୍କୁ ନିଯୁକ୍ତି ମିଳିବ । କେନ୍ଦୁଝରର ବଡ଼ବିଲରେ ପିଟିସଏଲ୍ ଇନଫ୍ରାଷ୍ଟକଚର ଲିମିଟେଡ୍ ଆଇରନ୍ ଓର୍ ବେନିଫିକେସନ୍ ପ୍ଲାଣ୍ଟର ସମ୍ପ୍ରସାରଣ ୧୨୦ କୋଟି ଟଙ୍କା ବିନିଯୋଗରେ କରିବ । ଏଥିରେ ୧୮୨ ଜଣ ନିଯୁକ୍ତି ପାଇବେ ।
Click it and Unblock the Notifications
Sign in with Google