ଏଣିକି 20 ନୁହେଁ 15ରୁ କମ ଛାତ୍ରଛାତ୍ରୀ ଥିବା ସ୍କୁଲ ହେବ ମିଶ୍ରଣ

ସିଡୁଲ ଏରିଆରେ ୨୦ ନୁହେଁ ଏଣିକି ୧୫ରୁ କମ ପିଲା ଥିବା ସ୍କୁଲର ମିଶ୍ରଣ ନିଷ୍ପତ୍ତି ହୋଇଛି।

ଭୁବନେଶ୍ୱର: ବିଧାନସଭାରେ ତେଜିଛି ସ୍କଲ ଖୋଲିବା ପ୍ରସଙ୍ଗ ତାତି । ବିରୋଧିଙ୍କ ହୋ-ହାଲ୍ଲା ପରେ ବାରମ୍ବାର ବୈଠକ ପରେ ବଦଳିଲା ରାଜ୍ୟ ସରକାରଙ୍କ ନିଷ୍ପତି । ସିଡୁଲ ଏରିଆରେ ୨୦ ନୁହେଁ ଏଣିକି ୧୫ରୁ କମ ପିଲା ଥିବା ସ୍କୁଲର ମିଶ୍ରଣ ନିଷ୍ପତ୍ତି ହୋଇଛି। ସିଡୁଲ ଏରିଆରେ ଏଭଳି ପାଖାପାଖି ୩୦୦୦ ସ୍କୁଲ ଥାଇପାରେ ବୋଲି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି।

ସେ ଆହୁରି କହିଛନ୍ତି, ଉଦ୍ଦେଶ୍ୟମୂଳକ ବା ବେଆଇନ ଭାବେ ସରକାର କିଛି କରିନାହାନ୍ତି । ଅନୁସୂଚୀତ ଅଞ୍ଚଳରେ ୨୫ ଓ ଅଣଅନୁସୂଚୀତ ଅଞ୍ଚଳରେ ୪୦ ପିଲା ରହିବା କଥା । ପିଲାସଂଖ୍ୟା ଏଥିରୁ କମ୍ ହେଲେ ସ୍କୁଲ ବନ୍ଦ କରାଯାଇ ପାରିବ । ଛୋଟ ଛୋଟ ସ୍କୁଲର ଏକତ୍ରୀକରଣ ହେଲେ ଶିକ୍ଷାର ମାନ ବଢ଼ିବ । ରାଜ୍ୟର ୭୭୭୨ ସ୍କୁଲ ବନ୍ଦ ପାଇଁ ସରକାର ଯୋଜନା କରିଛନ୍ତି ।ଏହି ସ୍କୁଲର ପିଲାଙ୍କ ଯାତାୟାତ ପାଇଁ ୩୦୦ କୋଟି ଟଙ୍କା ବରାଦ ହୋଇଛି । ରାଜ୍ୟର ୬୦୪୮ ସ୍କୁଲରେ ୨୦ରୁ କମ୍‌ ପିଲା ପଢୁଛନ୍ତି । ୧୭୨୪ଟି ସ୍କୁଲରେ ୨୫ରୁ କମ୍‌ ପିଲା ପଢୁଥିବାରୁ ଏକତ୍ରୀକରଣ ହେଉଛି ।

ମନ୍ତ୍ରୀ ଆହୁରି ମଧ୍ୟ କହିଛନ୍ତି, ଛୋଟ ଛୋଟ ବିଦ୍ୟାଳୟଗୁଡିକର ଏକତ୍ରୀକରଣ କରି ବଡ ବିଦ୍ୟାଳୟ ସୃଷ୍ଟି କରିବା ଲକ୍ଷ୍ୟ ରହିଛି । ରାଜସ୍ଥାନ, ଝାଡ଼ଖଣ୍ଡ ଭଳି ଓଡ଼ିଶାରେ ଏଭଳି ପଦକ୍ଷେପ ନିଆଯାଇଛି । ଶିକ୍ଷାଦାନର ମାନବୃଦ୍ଧି ଓ ଶୈକ୍ଷିକ ବାତାବରଣ ସୃଷ୍ଟି କରିବା ଉଦେଶ୍ୟ ଅଛି । ଗୋଟିଏ ସ୍ଥାନରେ ପ୍ରାଥମିକ ଓ ମାଧ୍ୟମିକ ଶିକ୍ଷା ପ୍ରଦାନର ଅଛି ଲକ୍ଷ୍ୟ ।

English summary

Minister Samir Ranjan Das on School Close in the State