ରାଜ୍ୟ ସରକାରଙ୍କ ଘୋଷଣା : ଜଗସିଂହପୁର ଜିଲ୍ଲା ହେଲା 'ବାଣୀକ୍ଷେତ୍ର', ସଂସ୍କୃତି ଭବନର ମଧ୍ୟ ନାଁ ବଦଳିଲା

ଓଡ଼ିଆ ଭାଷା ସାହିତ୍ୟର ସ୍ରଷ୍ଟା ଆଦିକବି ସାରଳା ଦାସ ଙ୍କ ଜିଲ୍ଲା ଜଗସିଂହପୁର ଏବେ 'ବାଣୀକ୍ଷେତ୍ର' ନାଁରେ ପରିଚିତ ହେବ

ଜଗସିଂହପୁର । ଓଡ଼ିଆ ଭାଷା ସାହିତ୍ୟର ସ୍ରଷ୍ଟା ଆଦିକବି ସାରଳା ଦାସ ଙ୍କ ଜିଲ୍ଲା ଜଗସିଂହପୁର ଏବେ 'ବାଣୀକ୍ଷେତ୍ର' ନାଁରେ ପରିଚିତ ହେବ । ଏନେଇ ରାଜ୍ୟ ସରକାର ଜଗତସିଂହପୁର ଜିଲ୍ଲାକୁ ରାଜ୍ୟ 'ବାଣୀକ୍ଷେତ୍ର' ଭାବେ ଘୋଷଣା କରିଛନ୍ତି । ଜିଲ୍ଲାପାଳଙ୍କ ପ୍ରସ୍ତାବ କ୍ରମେ ରାଜ୍ୟ ସରକାର ଏହାକୁ ବିଧିବଦ୍ଧ ଭାବେ ସ୍ୱୀକୃତି ପ୍ରଦାନ କରିଛନ୍ତି । ପୂର୍ବରୁ ମୌଖିକ ଭାବେ ବିଭିନ୍ନ ସରକାରୀ ଓ ବେସରକାରୀ କାର୍ଯ୍ୟକ୍ରମରେ ଏହି ଜିଲ୍ଲାକୁ ବାଣୀକ୍ଷେତ୍ର ଭାବେ ସମ୍ବୋଧିତ କରାଯାଉଥିଲା ।

ସେହିପରି ଜଗତସିଂହପୁରସ୍ଥିତ ଜିଲ୍ଲା ସଂସ୍କୃତି ଭବନର ନବକଳେବର କରାଯାଇଛି । ଏହାକୁ ଆଦିକବି ସାରଳା ଦାସ ସଂସ୍କୃତି ଭବନରେ ନାମିତ କରାଯାଇଛି । ଏନେଇ ମଧ୍ୟ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ରାଜ୍ୟ ସରକାରଙ୍କ ଅନୁମତି ମାଗିଥିଲେ । ଏହାକୁ ସରକାର ଗ୍ରହଣ କରିଛନ୍ତି । ଏହି ନାମ ପରିବର୍ତ୍ତ ରାଜ୍ୟରେ ପ୍ରଥମ ଉଦାହରଣ ବୋଲି କୁହାଯାଉଛି । ଖୁବ୍‌ ଏହି ନୂତନ ନାମକରଣ ଲୋକର୍ପିତ ହେବାକୁ ଯାଉଛି ।

English summary

Jagatsinghpur District is Now Banikhetra Odisha Government Declared