କମିବ ନିମୋନିଆ ଜନିତ ଶିଶୁ ମୃତ୍ୟୁହାର : ଆଜିଠୁ ଫେବୃଆରୀ 12 ଯାଏଁ ଶିଶୁଙ୍କ ଚିହ୍ନଟ ଓ ଚିକିତ୍ସା

ନଭେମ୍ବର 12 ତାରିଖରୁ ଫେବୃଆରୀ 28 ତାରିଖ ପର୍ଯ୍ୟନ୍ତ ରାଜ୍ୟର ସମସ୍ତ ଆଶା ଓ ସ୍ୱାସ୍ଥ୍ୟ କର୍ମୀମାନେ ନିମୋନିଆ ଲକ୍ଷଣ ଥିବା ଶିଶୁମାନଙ୍କୁ ଚିହ୍ନଟ କରିବେ ।

ଭୁବନେଶ୍ୱର : ନିମୋନିଆ ଜନିତ ଶିଶୁ ମୃତ୍ୟୁହାର କମାଇବା ନେଇ ରାଜ୍ୟ ସରକାର ପ୍ରୟାସ ଆରମ୍ଭ କରିଛନ୍ତି । ଏହାକୁ ନେଇ ରାଜ୍ୟ ସରକାର ନିମୋନିଆର ସଫଳ ନିରାକରଣ ପାଇଁ ସାମାଜିକ ସଚେତନତା ଓ କାର୍ଯ୍ୟାବଳୀ (ସାନ୍ସ) ନାମରେ ଏକ ଡ୍ରାଇଭ୍ ଉଦଘାଟନ କରିଛନ୍ତି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ଅତିରିକ୍ତ ଶାସନ ସଚିବ ଏହି କାର୍ଯ୍ୟକ୍ରମର ଉଦଘାଟନ କରିଛନ୍ତି ।

ଓଡ଼ିଶାରେ ନିମୋନିଆ ଜନିତ ଶିଶୁ ମୃତ୍ୟୁ ହାର କମାଇବା ପାଇଁ ଅତିରିକ୍ତ ମୁଖ୍ୟ ଶାସନ ସଚିବ (ସ୍ବାସ୍ଥ୍ୟ ଓ ପରିବାର କଲ୍ୟାଣ) ଙ୍କ ଦ୍ଵାରା "ସାନ୍ସ" (ନିମୋନିଆର ସଫଳ ନିରାକରଣ ପାଇଁ ସାମାଜିକ ସଚେତନତା ଓ କାର୍ଯ୍ୟାବଳୀ) ଉଦଘାଟିତ। ଏଥି ସହିତ ଆବଶ୍ୟକୀୟ ସୂଚନା - ଶିକ୍ଷା - ସଂଚାର ଉପକରଣ ମାନ ଉନ୍ମୋଚିତ।

— H & FW Dept Odisha (@HFWOdisha) November 12, 2020

ଏହି କାର୍ଯ୍ୟକ୍ରମ ଅନୁସାରେ ଆଜି ଠାରୁ ଅର୍ଥାତ ନଭେମ୍ବର 12 ତାରିଖରୁ ଫେବୃଆରୀ 28 ତାରିଖ ପର୍ଯ୍ୟନ୍ତ ରାଜ୍ୟର ସମସ୍ତ ଆଶା ଓ ସ୍ୱାସ୍ଥ୍ୟ କର୍ମୀମାନେ ନିମୋନିଆ ଲକ୍ଷଣ ଥିବା ଶିଶୁମାନଙ୍କୁ ଚିହ୍ନଟ କରିବେ । ଏଥିସହ ସେମାନଙ୍କୁ ମାଗଣାରେ ଚିକିତ୍ସା ସେବା ଯୋଗାଇ ଦେବେ ବୋଲି ରାଜ୍ୟ ସରକାରଙ୍କ ପକ୍ଷରୁ ଜଣାପଡିଛି । ଆହୁରି ମଧ୍ୟ ଆଜିର କାର୍ଯ୍ଯକ୍ରମରେ ନିମୋନିଆ ନେଇ ଆବଶ୍ୟକୀୟ ସୂଚନା, ଶିକ୍ଷା ଓ ସଂଚାର ଉପକରଣ ଉନ୍ମୋଚିତ ହୋଇଥିବା ନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଟୁଇଟ୍ କରି ସୂଚନା ଦେଇଛି ।

English summary

Government of Odisha lunch Programme For Pneumonia Suffer Children