ସହଜ ହେବ ବାଣିଜ୍ୟିକ ବିଚାର : ରାଜ୍ୟରେ ଖୋଲିବ 4ଟି ବାଣିଜ୍ୟିକ କୋର୍ଟ

ବାଣିଜ୍ୟିକ ମାମଲା ଗୁଡିକର ବିଚାର ପ୍ରକ୍ରିୟା ତ୍ୱରାନ୍ୱିତ ହେବା ପାଇଁ ରାଜ୍ୟ ସରକାର ବାଣିଜ୍ୟିକ କୋର୍ଟ ପ୍ରତିଷ୍ଠା କରିବେ

ଭୁବନେଶ୍ୱର : ବାଣିଜ୍ୟିକ ମାମଲା ଗୁଡିକର ବିଚାର ପ୍ରକ୍ରିୟା ତ୍ୱରାନ୍ୱିତ ହେବା ପାଇଁ ରାଜ୍ୟ ସରକାର ବାଣିଜ୍ୟିକ କୋର୍ଟ ପ୍ରତିଷ୍ଠା କରିବେ । ରାଜ୍ୟରେ 4 ଗୋଟି ବାଣିଜ୍ୟିକ କୋର୍ଟ ପ୍ରତିଷ୍ଠା କରାଯିବ । କଟକ ସଦର, ଭୁବନେଶ୍ୱର, ବ୍ରହ୍ମପୁର ଓ ସମ୍ବଲପୁର ଠାରେ 4 ଗୋଟି ସିଭିଲ୍ ଜଜ୍ (ସିନିୟର ଡିଭିଜନ) କୋର୍ଟ ପ୍ରତିଷ୍ଠା କରିବା ନିମନ୍ତେ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି ଆଇନ ମନ୍ତ୍ରୀ ପ୍ରତାପ ଜେନା । ଏହି ବାଣିଜ୍ୟକି କୋର୍ଟ ଗୁଡିକର ସ୍ଥାନୀୟ ସୀମା ଯଥାକ୍ରମେ କଟକ, ଅନୁଗୋଳ, ଢେଙ୍କାନାଳ, ଯାଜପୁର, ଖୋର୍ଧା, ଗଞ୍ଜାମ, କନ୍ଧମାଳ, ବୌଦ୍ଧ ଏବଂ ଗଜପତି ରହିବ ।

ଏହି ବାଣିଜ୍ୟିକ କୋର୍ଟ ପ୍ରତିଷ୍ଠା କରିବା ପାଇଁ ଓଡିଶା ସିଭିଲକୋର୍ଟ ଅଧିନିୟମ 1984 ଧାରା 3 ଏବଂ ଧାରା 9ର ଉପଧାରା (1)ର କ୍ଷମତାର ପ୍ରୟୋଗ କରାଯାଇଛି । ଧାରା 10 ଓ ବାଣିଜ୍ୟିକ କୋର୍ଟ ଅଧିନିୟମ 2015ର ଧାରା 3ର ପଠନ ସହିତ ଏବଂ ବିଧା ବିଭାଗର ଅଧିସୂଚନା ସଂଖ୍ୟା 12640, ବିଧି ତା 26.10.2017ରେ ଅଧିକ୍ରମଣରେ ରାଜ୍ୟ ସରକାରର ମାନ୍ୟବର ଉଚ୍ଚ ନ୍ୟାୟାଳୟଙ୍କ ସୁପାରିସ ଏବଂ ପରମର୍ଶ ଦିଆଯାଇଥିବା କହିଛନ୍ତି ମନ୍ତ୍ରୀ ପ୍ରତାପ ଜେନା । ଦୀର୍ଘ ଦିନ ଧରି କୋର୍ଟମାନଙ୍କ ପଡି ରହିଥିବା ବାଣିଜ୍ୟିକ ମାମଲା ଗୁଡିକ ଏହି କୋର୍ଟ ପ୍ରତିଷ୍ଠା ପରେ ତ୍ୱରାନ୍ୱିତ ଭାବରେ ଶେଷ କରାଯାଇ ପାରିବ ବୋଲି ସରକାର ଆଶା ରଖିଥିବା କୁହାଯାଇଛି ।

English summary

Four Commercial Courts will be Set up in Odisha