ସ୍ୱାସ୍ଥ୍ୟ ଅବସ୍ଥା ବିଗିଡି ଯିବାରୁ ଚେନ୍ନାଇର ଡାକ୍ତରଖାନାରେ ଭର୍ତ୍ତି ହେଲେ ସାଉଥ୍ ସୁପରଷ୍ଟାର କମଲ ହାସନ
ଦକ୍ଷିଣ ଚଳଚ୍ଚିତ୍ରର ମେଗା ତାରକା କମଲ ହାସନଙ୍କ ସ୍ୱାସ୍ଥ୍ୟବସ୍ଥା ଖରାପ ହୋଇଛି । ଏହା ପରେ ତାଙ୍କୁ 23 ନଭେମ୍ବରରେ ଶ୍ରୀ ରାମଚନ୍ଦ୍ର ମେଡିକାଲରେ ଭର୍ତ୍ତି କରାଯାଇଛି ।
ଚେନ୍ନାଇ : ଦକ୍ଷିଣ ଚଳଚ୍ଚିତ୍ରର ମେଗା ତାରକା କମଲ ହାସନଙ୍କ ସ୍ୱାସ୍ଥ୍ୟବସ୍ଥା ଖରାପ ହୋଇଛି । ଏହା ପରେ ତାଙ୍କୁ 23 ନଭେମ୍ବରରେ ଶ୍ରୀ ରାମଚନ୍ଦ୍ର ମେଡିକାଲରେ ଭର୍ତ୍ତି କରାଯାଇଛି ।
ଗଣମାଧ୍ୟମ ରିପୋର୍ଟ ଅନୁଯାୟୀ ନିୟମିତ ସ୍ୱାସ୍ଥ୍ୟ ଯାଞ୍ଚ ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ମିଳିଥିବା ଖବର ଅନୁଯାୟୀ ତାଙ୍କୁ ଜ୍ୱର ହୋଇଥିଲା ଏବଂ ତାଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ଅଣାଯାଇଥିଲା । କୁହାଯାଉଛି ଯେ ଡାକ୍ତରମାନେ ତାଙ୍କୁ ଆଗାମୀ କିଛି ଦିନ ପାଇଁ ସମ୍ପୂର୍ଣ୍ଣ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି । ଡାକ୍ତରଙ୍କ କହିବାନୁସାରେ, ସେ ଖୁବ ଶୀଘ୍ର ହସ୍ପିଟାଲରୁ ଡିସଚାର୍ଜ ହେବେ ।
ସୂଚନା ଅନୁଯାୟୀ, ଦକ୍ଷିଣୀ ଚଳଚ୍ଚିତ୍ରର ଭେଟେରାନ୍ ଅଭିନେତା କମଲ ହାସନ ବର୍ତ୍ତମାନ ବିଗ୍ ବସ୍ ତାମିଲ ସିଜନ 6 ର ହୋଷ୍ଟିଂ କରୁଛନ୍ତି । ସେ ଗତ 6 ଟି ସିଜିନ ଧରି ଏହି ଶୋ'ରେ ଆଙ୍କରିଂ କରିଆସୁଛନ୍ତି ଏବଂ ଏହା ତାମିଲରେ ଏକ ଲୋକପ୍ରିୟ ରିଆଲିଟି ସୋ ଅଟେ । ଅନ୍ୟପକ୍ଷରେ, ନଭେମ୍ବର 23 ରେ, ଏହି ସୋ'ର ସୁଟିଂ ସମୟରେ କମଲ ହାସନ ଅସୁସ୍ଥ ଅନୁଭବ କରିଥିଲେ । ତାଙ୍କର ସାମାନ୍ୟ ଜ୍ୱର ମଧ୍ୟ ହୋଇଥିଲା । ହାଇଦ୍ରାବାଦରୁ ଫେରିବା ପରେ ତାଙ୍କୁ ଅଧିକ ଚିକିତ୍ସା ପାଇଁ ଚେନ୍ନାଇର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଡାକ୍ତରମାନେ ତାଙ୍କୁ ଚିକିତ୍ସା କରିଥିଲେ ଏବଂ ସୁସ୍ଥ ହେବା ପାଇଁ ତାଙ୍କୁ କିଛି ଦିନ ବିଶ୍ରାମ ନେବାକୁ ମଧ୍ୟ ପରାମର୍ଶ ଦେଇଥିଲେ । ଶନିବାର କମଲ ହାସନଙ୍କୁ ଡାକ୍ତରଖାନାରୁ ଡିସଚାର୍ଜ କରାଯାଇପାର ।