ପୁଅ ଆର୍ୟନ୍ ଙ୍କୁ ଭେଟିବା ପାଇଁ ମୁମ୍ବାଇର ଆର୍ଥର ରୋଡ ଜେଲରେ ପହଞ୍ଚିଲେ ଶାହାରୁଖ ଖାନ, ଗତକାଲି ପ୍ରତ୍ୟାଖ୍ୟାନ ହୋଇଥିଲା ଜାମିନ

ହିନ୍ଦୀ ଚଳଚ୍ଚିତ୍ର ଅଭିନେତା ଶାହରୁଖ ଖାନ ପୁଅ ଆର୍ୟନ୍ ଖାନଙ୍କୁ ଭେଟିବା ପାଇଁ ମୁମ୍ବାଇର ଆର୍ଥର ରୋଡ ଜେଲରେ ପହଞ୍ଚିଛନ୍ତି। ମୁମ୍ବାଇ କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଆର୍ୟନ୍ ଖାନ୍ ଜେଲରେ ଅଛନ୍ତି ।

ମୁମ୍ବାଇ : ହିନ୍ଦୀ ଚଳଚ୍ଚିତ୍ର ଅଭିନେତା ଶାହରୁଖ ଖାନ ପୁଅ ଆର୍ୟନ୍ ଖାନଙ୍କୁ ଭେଟିବା ପାଇଁ ମୁମ୍ବାଇର ଆର୍ଥର ରୋଡ ଜେଲରେ ପହଞ୍ଚିଛନ୍ତି। ମୁମ୍ବାଇ କ୍ରୁଜ୍ ଡ୍ରଗ୍ସ ପାର୍ଟି ମାମଲାରେ ଆର୍ୟନ୍ ଖାନ୍ ଜେଲରେ ଅଛନ୍ତି । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଆର୍ଯ୍ୟନ ଖାନଙ୍କ ବିରୋଧରେ ନାର୍କୋଟିକ୍ସ ଡ୍ରଗ୍ସ ଏବଂ ସାଇକୋଟ୍ରୋପିକ ପଦାର୍ଥ (NDPS) ଅଧିନିୟମ ଅନୁଯାୟୀ ଏକ ମାମଲା ରୁଜୁ କରିଛି । ବୁଧବାର (ଅକ୍ଟୋବର 20) ରେ ଆର୍ୟନ୍ ଖାନଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରାଯାଇଥିଲା, ଏହା ପରେ ଶାହାରୁଖ ଖାନ ଗୁରୁବାର (ଅକ୍ଟୋବର 21) ସକାଳ ପ୍ରାୟ 9.30 ସମୟରେ ପୁଅ ଆର୍ୟନ୍ ଙ୍କୁ ଭେଟିବା ପାଇଁ ଜେଲରେ ପହଞ୍ଚିଥିଲେ ।

ତାଙ୍କ ପୁଅ ଆର୍ୟନ୍ ଖାନଙ୍କୁ ଗିରଫ କରାଯିବା ପରେ ଶାହରୁଖ ଖାନ ପ୍ରଥମ ଥର ପାଇଁ ସର୍ବସାଧାରଣରେ ଦେଖିବାକୁ ମିଳିଥିଲା । ସେ ଚାଲିଯିବାବେଳେ ଶାହରୁଖ ଜେଲ ବାହାରେ ବସିଥିବା ଜଣେ ମହିଳା ଏବଂ ଅନ୍ୟମାନଙ୍କୁ ହାତ ବାନ୍ଧି ଅଭିବାଦନ କରୁଥିବା ନଜର ଆସିଥିଲେ, ଆର୍ୟନ୍ ଖାନଙ୍କୁ ଡ୍ରଗ୍ସ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଅକ୍ଟୋବର 2 ରେ ଗିରଫ କରାଯାଇଥିଲା । ସେହି ଦିନଠାରୁ ଶାହାରୁଖ କ୍ୟାମେରାଠାରୁ ଦୂରରେ ରହିଥିଲେ ।

#WATCH Actor Shah Rukh Khan reaches Mumbai's Arthur Road Jail to meet son Aryan who is lodged at the jail, in connection with drugs on cruise ship case#Mumbai pic.twitter.com/j1ozyiVYBM

— ANI (@ANI) October 21, 2021

ଡ୍ରଗ୍ସ ମାମଲାରେ ବୁଧବାର ମୁମ୍ବାଇର ଏକ ସ୍ୱତନ୍ତ୍ର କୋର୍ଟ ଶାହରୁଖ ଖାନଙ୍କ ପୁଅ ଆର୍ୟନ୍ ଏବଂ ଅନ୍ୟ ଦୁଇଜଣଙ୍କୁ ଜାମିନ ଦେବାକୁ ମନା କରିଦେଇଥିଲେ । ଆର୍ୟନ୍ ଙ୍କୁ ଆଉ କିଛି ଦିନ ଜେଲରେ ରହିବାକୁ ପଡିବ । ନାର୍କୋଟିକ୍ସ ଡ୍ରଗ୍ସ ଏବଂ ସାଇକୋଟ୍ରୋପିକ୍ ପଦାର୍ଥ (NDPS) ଅଧିନିୟମ ଅନୁଯାୟୀ ଆର୍ଯ୍ୟନ୍ ଖାନ୍, ଅରବାଜ୍ ମର୍ଚେଣ୍ଟ ଏବଂ ମୁନମୁନ୍ ଧାମେଚାଙ୍କ ସମେତ 10 ଜଣଙ୍କୁ ଏନସିବି ଗିରଫ କରିଛି ।

English summary

Shah Rukh Khan reaches Mumbai Arthur Road Jail To meet son Aryan