ବନ୍ଧା ହେଲେ ଅଭିନେତ୍ରୀ ମୌସୁମୀ ନାୟକ
ଭୁବନେଶ୍ୱର: ଗିରଫ ହେଲେ ଅଭିନେତ୍ରୀ ମୌସୁମୀ ନାୟକ । ଲେଖିକା ବନସ୍ମିତା ପତିଙ୍କ ଅଭିଯୋଗ ଆଧାରରେ ହୋଇଛନ୍ତି ଗିରଫ । ମୌସୁମୀଙ୍କୁ ଇନଫୋସିଟି ଥାନା ପୋଲିସ ଗିରଫ କରିଛି । ଗିରଫ ପରେ ମୌସୁମୀଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ଏହି ବିବାଦ ପଛରେ 5 ଲକ୍ଷ 80 ହଜାର ଟଙ୍କାର କାରବାର ହୋଇଥିବା କୁହାଯାଉଛି ।
ମର୍ଯ୍ୟାଦା ହାନି କରି ଅଭିନେତ୍ରୀ ଜଣଙ୍କ ସୋସିଆଲ ମିଡିଆରେ ଲେଖିକାଙ୍କ ବିରୋଧରେ ମିଛ ଅଭିଯୋଗ ଆଣିଥିଲେ ବୋଲି ଅଭିଯୋଗ ରହିଛି । ତେବେ ବିବାଦ ପଛରେ ଉଭୟ ପକ୍ଷଙ୍କ ମଧ୍ୟରେ 5 ଲକ୍ଷ 80 ହଜାର ଟଙ୍କାର କାରବାର ବୋଲି ଜଣାପଡିଛି । ଟ୍ରେଡିଂ ପାଇଁ ଅଭିନେତ୍ରୀ ଜଣଙ୍କ ଲେଖିକାଙ୍କୁ ପଇସା ଦେଇଥିଲେ । ହେଲେ ପଇସା ନଫେରାଇବାରୁ ଉଭୟଙ୍କ ମଧ୍ୟରେ ବିବାଦ ତେଜିଥିଲା । ଏହି ସମୟରେ ଅଭିନେତ୍ରୀ ଜଣଙ୍କ ଲେଖିକାଙ୍କ ବିରୋଧରେ ସର୍ବସାଧାରଣରେ ମର୍ଯ୍ୟାଦା ହାନି କରିବେ ନାହିଁ ବୋଲି ସର୍ତ୍ତ ଥିଲା । ହେଲେ ଅଭିନେତ୍ରୀ ଜଣଙ୍କ ଲେଖିକାଙ୍କ ବିରୋଧରେ ପୁଣିଥରେ ସମ୍ମାନହାନୀ କରିବା ଭଳି ପୋଷ୍ଟ କରିଥିଲେ । ପରେ କୋର୍ଟଙ୍କ ନିର୍ଦ୍ଦେଶମୁତାବକ ଇନଫୋସିଟି ଥାନା ପୋଲିସ ମାମଲା ରୁଜୁ କରି ତଦନ୍ତ କରିଥିଲା ।
ଅଭିନେତ୍ରୀ ଜଣଙ୍କ ହାଇଦ୍ରାବାଦରୁ ଏକ ସୁଟିଂରୁ ଆସି ଫେରିବାପରେ ଇନଫୋସିଟି ପୋଲିସ ତାଙ୍କୁ ଜେରା କରିଥିଲା। ଏହାପରେ ଅଭିନେତ୍ରୀଙ୍କୁ ଗିରଫ କରିଛି । ସୂତ୍ରରୁ ପ୍ରକାଶ ଯେ ଅଭିନେତ୍ରୀଙ୍କ ବିରୋଧରେ ଦଫା 385, 294, 506 ଏବଂ ଆଇପିସିର ଅନ୍ୟାନ୍ୟ ପ୍ରାସଙ୍ଗିକ ଧାରା ଅନୁଯାୟୀ ମାମଲା ରୁଜୁ କରାଯାଇଛି ।
Click it and Unblock the Notifications
Sign in with Google