ଡ୍ରଗ୍ସ ମାମଲାରେ ଘେରି ରହିଥିବା ଅଭିନେତ୍ରୀ ଇଡି କାର୍ଯ୍ୟାଳୟରେ ପହଞ୍ଚିଲେ ରାକୁଲପ୍ରୀତ ସିଂ

ଡ୍ରଗ୍ସ ମାମଲାରେ ପଚରାଉଚରା ପାଇଁ ଅଭିନେତ୍ରୀ ରାକୁଲପ୍ରୀତ ସିଂ ଶୁକ୍ରବାର (ସେପ୍ଟେମ୍ବର 03) ହାଇଦ୍ରାବାଦସ୍ଥିତ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ପହଞ୍ଚିଛନ୍ତି ।

ହାଇଦ୍ରାବାଦ : ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଚାରି ବର୍ଷ ପୂର୍ବେ ଏକ ଡ୍ରଗ୍ ରାକେଟ୍ ସାମ୍ନାକୁ ଆସିଥିଲା । ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ମଧ୍ୟ ଏହି ମାମଲାର ଯାଞ୍ଚ କରୁଛି । ଡ୍ରଗ୍ସ ରାକେଟରେ ଇଡି ମନି ଲଣ୍ଡରିଂ ଲିଙ୍କ ମଧ୍ୟ ଯାଞ୍ଚ କରୁଛି । ଏହି ମାମଲାରେ ପଚରାଉଚରା ପାଇଁ ଅଭିନେତ୍ରୀ ରାକୁଲପ୍ରୀତ ସିଂ ଶୁକ୍ରବାର (ସେପ୍ଟେମ୍ବର 03) ହାଇଦ୍ରାବାଦସ୍ଥିତ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ପହଞ୍ଚିଛନ୍ତି । ଡ୍ରଗ୍ସ ମାମଲାରେ ଏନସିବି ମୁମ୍ବାଇରେ ରାକୁଲପ୍ରୀତ ସିଂଙ୍କୁ ପଚରାଉଚୁରା କରିସାରିଛି । ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିର ଡ୍ରଗ୍ ରାକେଟ୍ ମାମଲାରେ ପଚରାଉଚରା ପାଇଁ ଅଭିନେତ୍ରୀ ରାକୁଲପ୍ରୀତ ସିଂଙ୍କୁ ମଧ୍ୟ ଡକାଯାଇଥିଲା । ଏହି ପରିପ୍ରେକ୍ଷୀରେ ଇଡି ପ୍ରସିଦ୍ଧ ନିର୍ଦ୍ଦେଶକ ପୁରୀ ଜଗନ୍ନାଥଙ୍କୁ ପଚାରାଉଚୁରା କରିଛି ।

ଗତ ସପ୍ତାହରେ ଏହି ମାମଲାରେ ଇଡି ନିର୍ଦ୍ଦେଶକ ପୁରୀ ଜଗନ୍ନାଥ ଏବଂ ରାକୁଲପ୍ରୀତ ସିଂ, ରାଣା ଡଗ୍ଗୁବତୀଙ୍କ ସମେତ ଟଲିଉଡ ସହ ଜଡିତ 10 ଜଣଙ୍କୁ ପଚରାଉଚରା କରିଥିଲେ । ଅଗଷ୍ଟ 31 ରୁ 22 ସେପ୍ଟେମ୍ବର ମଧ୍ୟରେ ରାକୁଲପ୍ରୀତ ସିଂ, ରାଣା ଡଗ୍ଗୁବତୀ, ରବି ତେଜା, ଚର୍ମୀ କୌର, ନବଦୀପ, ମୁମୈତ ଖାନଙ୍କ ଭଳି ଚର୍ଚ୍ଚିତ ଚେହେରାଙ୍କୁ ପଚରାଉଚୁରା ପାଇଁ ହାଜର ହେବାକୁ ହାଜର ହେବାକୁ କୁହାଯାଇଥିଲା । ଏହା ବ୍ୟତୀତ ତନିଶ, ନନ୍ଦୁ ଏବଂ ଅଭିନେତା ରବି ତେଜାଙ୍କ ଡ୍ରାଇଭର ଶ୍ରୀନିବାସଙ୍କୁ ମଧ୍ୟ ପଚରାଉଚରା ପାଇଁ ଇଡି ଡାକିଛି ।

2 ଜୁଲାଇ 2017 ରେ ଏହି ଡ୍ରଗ୍ ରାକେଟର ପର୍ଦ୍ଦାଫାସ ହୋଇଥିଲା । ଯେତେବେଳେ କଷ୍ଟମ୍ସ ଅଧିକାରୀମାନେ 30 ଲକ୍ଷରୁ ଅଧିକ ମୂଲ୍ୟର ଡ୍ରଗ୍ସ ସହିତ ଜଣେ ସଂଗୀତଜ୍ଞ ଏବଂ ଅନ୍ୟ ଦୁଇଜଣଙ୍କୁ ଗିରଫ କରିଥିଲେ ।
ଏପରିକି ସୁଶାନ୍ତ ସିଂ ରାଜପୁତ ମାମଲାରେ ଡ୍ରଗ୍ସ ଚାଟରେ ଅଭିନେତ୍ରୀ ରାକୁଲପ୍ରୀତ ସିଂଙ୍କ ନାମ ମଧ୍ୟ ସାମ୍ନାକୁ ଆସିଥିଲା । ଦୀର୍ଘ ଦିନ ଧରି ସୁଶାନ୍ତ ସିଂ ରାଜପୁତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ପଚରାଉଚରା କରାଯାଇଥିଲା ଯେଉଁଥିରେ ରିୟା ବହୁ ବଲିଉଡ ଅଭିନେତାଙ୍କ ନାମ ରଖିଥିଲେ । ଯେଉଁଥିରେ ରାକୁଲପ୍ରୀତ ସିଂଙ୍କ ନାମ ମଧ୍ୟ ସାମିଲ ଥିଲା । ତେବେ ଏହି ପ୍ରସଙ୍ଗରେ ରାକୁଲପ୍ରୀତ ମଧ୍ୟ ଦିଲ୍ଲୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

English summary

Actress Rakul Preet Singh Reached ED Office In Drug Case In Hyderabad