ଆସିଲା ନୂଆ ନିୟମ, ବିନା ପିଏଚଡିରେ ହୋଇପାରିବେ ଆସିଷ୍ଟାଣ୍ଟ ପ୍ରଫେସର

ନୂଆଦିଲ୍ଲୀ: ଆସିଷ୍ଟାଣ୍ଟ ପ୍ରଫେସର ଭାବରେ ନିଯୁକ୍ତି ପାଇବାକୁ ପିଏଚଡି ଯୋଗ୍ୟତା ୧ ଜୁଲାଇ ୨୦୨୩ରୁ କେବଳ ଏକ ବିକଳ୍ପ ଭାବରେ ବିଚାର କରାଯିବ । ସମସ୍ତ ଉଚ୍ଚଶିକ୍ଷା ଅନୁଷ୍ଠାନରେ ଆସିଷ୍ଟାଣ୍ଟ ପ୍ରଫେସର ପଦବୀରେ ପ୍ରତ୍ୟକ୍ଷ ନିଯୁକ୍ତି ଲାଗି ନେଟ୍, ସେଟ୍, ଏସଏଲ୍ଇଟି ହିଁ ସର୍ବନିମ୍ନ ମାନଦଣ୍ଡ ଭାବରେ ବିଚେନା କରାଯିବ ।

ୟୁନିଭରସିଟି ଗ୍ରାଣ୍ଟସ କମିଶନ(ୟୁଜିସି) ଏକ ବଡ ନିଷ୍ପତ୍ତି ନେଇଛି । ଆସିଷ୍ଟାଣ୍ଟ ପ୍ରଫେସର ନିଯୁକ୍ତି ଲାଗି ପିଏଚଡି କରିବାକୁ ଉଠାଇ ଦେଇଛନ୍ତି । ୟୁଜିସି ଅଧ୍ୟକ୍ଷ ପ୍ରଫେସର ଏମ୍ ଜଗଦୀଶ କୁମାର ଟୁଇଟ୍ କରି ଏ ବିଷୟରେ ସୂଚନା ପ୍ରଦାନ କରିଛନ୍ତି ।

ସେ ଏହା ମଧ୍ୟ କହିଛନ୍ତି ଯେ, ନୂଆ ନିୟମ ୧ ଜୁଲାଇ ୨୦୨୩ରୁ ଲାଗୁ ହୋଇଯାଇଛି । ପ୍ରଫେସର କୁମାରଙ୍କ ଟୁଇଟ୍ ଅନୁଯାୟୀ ଆସିଷ୍ଟାଣ୍ଟ ପ୍ରଫେସର ଭାବରେ ନିଯୁକ୍ତି ଲାଗି ପିଏଚଡି ଯୋଗ୍ୟତା ୧ ଜୁଲାଇ ୨୦୨୩ରୁ କେବଳ ଏକ ବିକଳ୍ପ ଭାବରେ ରହିବ । ପ୍ରକାଶ ପାଇଥିବା ବିଜ୍ଞପ୍ତି ଅନୁସାରେ ୟୁନିଭରସିଟି ଗ୍ରାଣ୍ଟ କମିଶନ ମିନିମମ୍ କ୍ୱାଲିଫିକେସନ ଫର୍ ଆପଏଣ୍ଟମେଣ୍ଟ ଅଫ୍ ଟିଚର୍ସ ଆଣ୍ଡ ଅଦର ଏକାଡେମିକ୍ ଷ୍ଟାଫ ରେଗୁଲେସନ ୨୦୧୮ରେ ସଂଶୋଧନ କରିଛନ୍ତି । ଏବେ ନେଟ୍, ସେଟ୍, ଏସଏଲ୍ଏଟି ପରି ଯୋଗ୍ୟତା ଉଚ୍ଚଶିକ୍ଷା ଅନୁଷ୍ଠାନରେ ଆସିଷ୍ଟାଣ୍ଟ ପ୍ରଫେସର ଭାବରେ ନିଯୁକ୍ତି ପାଇବାର ସର୍ବନିମ୍ନ ଯୋଗ୍ୟତା ରହିବ ।

ୟୁଜିସିର ମୁଖ୍ୟ ଆସିଷ୍ଟାଣ୍ଟ ପ୍ରଫେସର ପଦବୀ ପାଇଁ ଗାଇଡ ଲାଇନ୍ସ ମୌଖିକ ଭାବେ ମାର୍ଚ୍ଚ ମାସରେ ଘୋଷଣା କରିଥିଲେ । ଏହାକୁ ନେଇ ଲକ୍ଷ ଲକ୍ଷ ପ୍ରାର୍ଥୀ ଅଫିସିଆଲ ନୋଟିଫିକେସନକୁ ଚାହିଁ ବସିଥିଲେ । ଯାହାକୁ ଏବେ ୟୁଜିସି ଅଫିସିଆଲ ଭାବେ ଘୋଷଣା କରିଛି । ନୂଆ ନିୟମ ୧ ଜୁଲାଇ ୨୦୨୩ରୁ ଲାଗୁ ହୋଇଯାଇଛି ।

English summary

UGC New Rule, Assistant Professor without PhD