ବିଶ୍ୱର ଶ୍ରେଷ୍ଠ 200 ଉଚ୍ଚ ଶିକ୍ଷାନୁଷ୍ଠାନ ତାଲିକାରେ ଭାରତର ଆଇଆଇଟି ଦିଲ୍ଲୀ ସମେତ ତିନ ସାମିଲ
ଆଇଆଇଟି ଦିଲ୍ଲୀ ସମେତ ଦେଶର ତିନୋଟି ଉଚ୍ଚଶିକ୍ଷା ପ୍ରତିଷ୍ଠାନ ବିଶ୍ୱର ଶ୍ରେଷ୍ଠ 200 ବିଶ୍ୱବିଦ୍ୟାଳୟରେ ସ୍ଥାନ ପାଇଛନ୍ତି ।
ନୂଆଦିଲ୍ଲୀ : ଆଇଆଇଟି ଦିଲ୍ଲୀ ସମେତ ଦେଶର ତିନୋଟି ଉଚ୍ଚଶିକ୍ଷା ପ୍ରତିଷ୍ଠାନ ବିଶ୍ୱର ଶ୍ରେଷ୍ଠ 200 ବିଶ୍ୱବିଦ୍ୟାଳୟରେ ସ୍ଥାନ ପାଇଛନ୍ତି । ଲଣ୍ଡନରେ ବିଳମ୍ବିତ ରାତିରେ ପ୍ରକାଶିତ QS ବିଶ୍ୱ ବିଶ୍ୱବିଦ୍ୟାଳୟ ର଼୍ୟାଙ୍କିଙ୍ଗରେ ଆଇଆଇଟି ବମ୍ବେ 177 ତମ, ଆଇଆଇଟି ଦିଲ୍ଲୀ 185 ତମ ଏବଂ IISc ବାଙ୍ଗାଲୋର 186 ତମ ସ୍ଥାନ ପାଇଛି । ଲଗାତାର ଚତୁର୍ଥ ଥର ପାଇଁ ଆଇଆଇଟି ବମ୍ବେ ଏହାକୁ ଶ୍ରେଷ୍ଠ 200 ରେ ସ୍ଥାନିତ କରିଛି । ଏହି ତାଲିକାରେ ଆମେରିକାର ଏମଆଇଟି ୟୁନିଭରସିଟି ପ୍ରଥମ ହୋଇଥିବାବେଳେ ବ୍ରିଟେନର ଅକ୍ସଫୋର୍ଡ ୟୁନିଭରସିଟି ଦ୍ୱିତୀୟ ଏବଂ ଆମେରିକାର ଷ୍ଟାନଫୋର୍ଡ ୟୁନିଭରସିଟି ତୃତୀୟ ସ୍ଥାନ ଅଧିକାର କରିଛି । 2006 ପରଠାରୁ ଏହା ପ୍ରଥମ ଥର ପାଇଁ ଅକ୍ସଫୋର୍ଡ ୟୁନିଭରସିଟି ଏହି ର଼୍ୟାଙ୍କିଙ୍ଗରେ ଦ୍ୱିତୀୟ ସ୍ଥାନ ଅଧିକାର କରିଛି।
ନିର୍ଦ୍ଦେଶକ QS ର଼୍ୟାଙ୍କିଙ୍ଗ୍ ପ୍ରକାଶ କରି କହିଛନ୍ତି, "ଭାରତୀୟ ଉଚ୍ଚଶିକ୍ଷା ପ୍ରତିଷ୍ଠାନଗୁଡ଼ିକ ଗବେଷଣା କ୍ଷେତ୍ରରେ କ୍ରମାଗତ ଭାବରେ ଭଲ ପ୍ରଦର୍ଶନ କରୁଛନ୍ତି । ତେବେ ଶିକ୍ଷକଙ୍କ ଅଭାବକୁ ନେଇ କେତେକ ଅନୁଷ୍ଠାନ ଏବେ ବି ମୁକାବିଲା କରୁଛନ୍ତି । ଏହା ସତ୍ତ୍ୱ ଭାରତୀୟ ଅନୁଷ୍ଠାନଗୁଡିକ ନୂତନ ଉଚ୍ଚତାକୁ ଛୁଇଁଛନ୍ତି । ଅନେକ ଭାରତୀୟ ଅନୁଷ୍ଠାନ ଚଳିତ ବର୍ଷ ର଼୍ୟାଙ୍କିଙ୍ଗରେ ସ୍ଥାନ ପାଇଛନ୍ତି । JNU ପ୍ରଥମ ଥର ପାଇଁ ଏଥିରେ ସ୍ଥାନ ପାଇଛି । ଦେଶର ଆଠଟି ଆଇଆଇଟି ଶ୍ରେଷ୍ଠ 400 ବିଶ୍ୱବିଦ୍ୟାଳୟରେ ସ୍ଥାନ ପାଇଛି । ଏହା ବ୍ୟତୀତ ଦିଲ୍ଲୀର ଜବାହରଲାଲ ନେହେରୁ ବିଶ୍ୱବିଦ୍ୟାଳୟ ମଧ୍ୟ ପ୍ରଥମ ଥର ପାଇଁ ଏହି ତାଲିକାରେ ସ୍ଥାନ ପାଇଛି । JNU 561-570 ରେ ସ୍ଥାନିତ ହୋଇଛି । ଯେଉଁଠାରେ ଦିଲ୍ଲୀ ବିଶ୍ୱବିଦ୍ୟାଳୟ 501-510 ତମ ମାନ୍ୟତା ପାଇଛି । ଏହି ତାଲିକାରେ ଜାମିଆ ମିଲିଆ ଇସଲାମିଆ, ପଞ୍ଜାବ ୟୁନିଭରସିଟି, ବିଏଚୟୁ, ଏମୟୁ ଏବଂ ଭାରତର ଟ୍ରିପଲିଟ ଆହ୍ଲାବାଦ ଭଳି ଶିକ୍ଷାନୁଷ୍ଠାନଗୁଡ଼ିକର ନାମ ମଧ୍ୟ ରହିଛି ।
Click it and Unblock the Notifications
Sign in with Google