+2 ନାମଲେଖା ପାଇଁ ପ୍ରବେଶିକା ପରୀକ୍ଷା ? ଜାଣନ୍ତୁ କଣ କହିଲେ ବିଭାଗୀୟ ମନ୍ତ୍ରୀ

ଭିତରେ ଯୁକ୍ତ ଦୁଇ ପ୍ରଥମବର୍ଷ ନାମଲେଖା ପାଇଁ ପ୍ରବେଶିକା ପରୀକ୍ଷା ହେବା ଚର୍ଚ୍ଚା ଯୋର୍ ଧରିଛି । ତେବେ ଏହି ଚର୍ଚ୍ଚାକୁ ଖଣ୍ଡନ କରିଛନ୍ତି ମନ୍ତ୍ରୀ ଶ୍ରୀ ଦାସ

Published: Saturday, May 8, 2021, 15:12 [IST]

ଭୁବନେଶ୍ୱର : କରୋନା ମହାମାରୀକୁ ଦୃଷ୍ଟିରେ ରଖି ରାଜ୍ୟ ସରକାର ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ବୋର୍ଡ ପରୀକ୍ଷାକୁ ବାତିଲ୍ କରିଛନ୍ତି । କେଉଁ ଆଧାରରେ ପିଲାଙ୍କ ମାଟ୍ରିକ ପରୀକ୍ଷା ମୁଲ୍ୟାୟନ କରାଯିବ ସେନେଇ ଗାଇଡଲାଇନ୍ ପ୍ରକାଶ ପାଇଛି । ଏହାକୁ ନେଇ ମଧ୍ୟ ସ୍ପଷ୍ଟି କରଣ ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ । ଯେଉଁମାନେ ମାଟ୍ରିକ ଫଳାଫଳରେ ସନ୍ତୁଷ୍ଟ ହେବେ ନାହିଁ ସେମାନେ ପୁଣି ପରୀକ୍ଷା ଦେଇପାରିବେ ବୋଲି କହିଛନ୍ତି ମନ୍ତ୍ରୀ । ଆସନ୍ତା ଜୁନ୍ 30 ସୁଦ୍ଧା ମାଟ୍ରିକ ପରୀକ୍ଷା ଫଳ ବାହାର କରିବା ପାଇଁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ କରାଯାଇଛି ।

ସେହିପରି ମେଧାବୀ ଛାତ୍ରଛାତ୍ରୀମାନେ ଯେପରି ରାଜ୍ୟର ଭଲ ଶିକ୍ଷାନୁଷ୍ଠାନରେ ପାଠ ପଢିବାର ସୁଯୋଗ ପାଇବେ ସେନେଇ ମଧ୍ୟ ରାଜ୍ୟ ସରକାର ଯୋଜନା ପ୍ରସ୍ତୁତ କରୁଛନ୍ତି । ଏହାରି ଭିତରେ ଯୁକ୍ତ ଦୁଇ ପ୍ରଥମବର୍ଷ ନାମଲେଖା ପାଇଁ ପ୍ରବେଶିକା ପରୀକ୍ଷା ହେବା ଚର୍ଚ୍ଚା ଯୋର୍ ଧରିଛି । ତେବେ ଏହି ଚର୍ଚ୍ଚାକୁ ଖଣ୍ଡନ କରିଛନ୍ତି ମନ୍ତ୍ରୀ ଶ୍ରୀ ଦାସ । ସେ କହିଛନ୍ତି, ଏନେଇ ବର୍ତମାନ କୌଣସି ନିଷ୍ପତି ନିଆଯାଇ ନାହିଁ । ରେଜଲ୍ଟ ଆସିବା ପରେ କଣ କରାଯିବ ତାର ନିଷ୍ପତି ନିଆଯିବ ।

Published On May 8, 2021