ଆଜିଠୁ ଶେଷ ପର୍ଯ୍ୟାୟ ଜେଇଇ ମେନ୍‍ ପ୍ରବେଶିକା ପରୀକ୍ଷା

ଆଜିଠୁ ୪ର୍ଥ ପର୍ଯ୍ୟାୟ ଅର୍ଥାତ ଶେଷ ପର୍ଯ୍ୟାୟ ସର୍ବ ଭାରତୀୟ ଜେଇଇ ମେନ୍ ପରୀକ୍ଷା ଆରମ୍ଭ ହୋଇଛି । ଅଗଷ୍ଟ ୨୬,୨୭,୩୧ ଓ ସେପ୍ଟେମ୍ବର ୧ ଏବଂ ୨ ତାରିଖକୁ ମିଶାଇ ମୋଟ ୫ ଦିନରେ ଚତୁର୍ଥ ପର୍ଯ୍ୟାୟ ଜେଇଇ ମେନ୍‍ ପରୀକ୍ଷା ହେବ।

Published: Thursday, August 26, 2021, 12:25 [IST]

ଭୁବନେଶ୍ୱର: ଆଜିଠୁ ୪ର୍ଥ ପର୍ଯ୍ୟାୟ ଅର୍ଥାତ ଶେଷ ପର୍ଯ୍ୟାୟ ସର୍ବ ଭାରତୀୟ ଜେଇଇ ମେନ୍ ପରୀକ୍ଷା ଆରମ୍ଭ ହୋଇଛି । ଅଗଷ୍ଟ ୨୬,୨୭,୩୧ ଓ ସେପ୍ଟେମ୍ବର ୧ ଏବଂ ୨ ତାରିଖକୁ ମିଶାଇ ମୋଟ ୫ ଦିନରେ ଚତୁର୍ଥ ପର୍ଯ୍ୟାୟ ଜେଇଇ ମେନ୍‍ ପରୀକ୍ଷା ହେବ। ଦେଶର ୩୩୪ ସହରରେ ପରୀକ୍ଷା ଆୟୋଜନ ହୋଇଥିବାବେଳେ ୭ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେବେ । ଓଡ଼ିଶାରୁ ପାଖାପାଖି ୧ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେବେ ।

କରୋନା କଟକଣାରେ ପରୀକ୍ଷା ଆୟୋଜନ କରିବାକୁ ରାଷ୍ଟ୍ରୀୟ ପରୀକ୍ଷା ଏଜେନ୍ସି ବା ଏଟିଏ କଡ଼ା ନିର୍ଦ୍ଦେଶ ଦେଇଛି । ଛାତ୍ରଛାତ୍ରୀଙ୍କ ଆଡ଼ମିଟ କାର୍ଡରେ ପରୀକ୍ଷା ସମ୍ପର୍କିତ ବିସ୍ତୃତ ସୂଚନା ଦିଆଯାଇଛି । ଚଳିତବର୍ଷ ୪ ଥର ଜେଇଇ ମେନ୍ ହେଉଛି । ଯେଉଁ ପରୀକ୍ଷାର୍ଥୀମାନେ ଏକାଧିକଥର ପରୀକ୍ଷା ଦେଉଛନ୍ତି, ସେମାନଙ୍କର ଯେଉଁ ପରୀକ୍ଷାରେ ଅଧିକ ନମ୍ବର ରହିବ । ତାହାକୁ ଗ୍ରହଣ କରାଯିବ ବୋଲି ଏଟିଏ ପକ୍ଷରୁ କୁହାଯାଇଛି ।

Published On August 26, 2021