ପ୍ରଥମରୁ ଅଷ୍ଟମ ସମସ୍ତେ ପାସ୍ : ମନ୍ତ୍ରୀ କହିଲେ କେବେ ଆରମ୍ଭ ହେବ ନୂଆ ଶିକ୍ଷାବର୍ଷ

ଚଳିତ ବର୍ଷ ବାର୍ଷିକ ପରୀକ୍ଷା ନକରି ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀର ଛାତ୍ରଛାତ୍ରୀଙ୍କୁ ପରବର୍ତ୍ତୀ ଶ୍ରେଣୀକୁ ଉନ୍ନୀତ କରାଯିବ ବୋଲି ଗଣଶିକ୍ଷା ମନ୍ତ୍ରୀ ସମୀର ଦାସ କହିଛନ୍ତି

Published: Saturday, March 13, 2021, 13:24 [IST]

ଭୁବନେଶ୍ୱର : ଚଳିତ ବର୍ଷ ବାର୍ଷିକ ପରୀକ୍ଷା ନକରି ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀର ଛାତ୍ରଛାତ୍ରୀଙ୍କୁ ପରବର୍ତ୍ତୀ ଶ୍ରେଣୀକୁ ଉନ୍ନୀତ କରାଯିବ ବୋଲି ଗଣଶିକ୍ଷା ମନ୍ତ୍ରୀ ସମୀର ଦାସ କହିଛନ୍ତି । ଗଣମାଧ୍ୟମକୁ ପ୍ରତିକ୍ରିୟା ଦେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଂଜନ ଦାଶ କହିଛନ୍ତି ଯେ ରାଜ୍ୟରେ COVID-19 ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ଏପ୍ରିଲ ଯାଏଁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ କୌଣସି ଶାରୀରିକ କ୍ଲାସ ଅନୁଷ୍ଠିତ ହେବ ନାହିଁ। ଏହି ଶ୍ରେଣୀର ଛାତ୍ରମାନଙ୍କୁ ପୂର୍ବ ବର୍ଷ ପରି ପରବର୍ତ୍ତୀ ଶ୍ରେଣୀକୁ ଉନ୍ନୀତ କରାଯିବ ବୋଲି ସେ କହିଛନ୍ତି । ଏହା ଏକ ପରୀକ୍ଷାମୂଳକ ନିଷ୍ପତ୍ତି ଯାହା ଏପର୍ଯ୍ୟନ୍ତ ଚୁଡାନ୍ତ ହୋଇ ନାହିଁ ବୋଲି ମଧ୍ୟ ସେ କହିଛନ୍ତି ।

ଏପ୍ରିଲ ପରେ ବିଦ୍ୟାଳୟଗୁଡ଼ିକ ଖୋଲାଯିବ କି ନାହିଁ ବୋଲି ପଚରାଯିବାରୁ ମନ୍ତ୍ରୀ କହିଛନ୍ତି ଯେ, ଦିନର ତାପମାତ୍ରା ବୃଦ୍ଧି ହେବା ସହିତ ମେ ମାସ ଶେଷ ପର୍ଯ୍ୟନ୍ତ କ୍ଲାସ ଆରମ୍ଭ କରିବା ସମ୍ଭବ ନୁହେଁ । କରୋନା ଲେଉଟାଣୀକୁ ଆଶା କରାଯାଉଛି । ଏହାକୁ ଦୃଷ୍ଟିରେ ରଖି ନୂଆ ଶିକ୍ଷାବର୍ଷ ଆରମ୍ଭ ହୋଇ କ୍ଲାସ୍ ଆରମ୍ଭ ହେଲା ବେଳକୁ ଜୁଲାଇ ହୋଇଯିବ ବୋଲି ସେ କହିଛନ୍ତି । ଆହୁରି ମଧ୍ୟ ସେ କହିଛନ୍ତି, "ନବମ ଶ୍ରେଣୀର ଛାତ୍ରମାନଙ୍କର ଶାରୀରିକ କ୍ଲାସ ଚାଲିଛି ଏବଂ ସେମାନେ ଅଫଲାଇନ୍ ମୋଡରେ ଅନ୍ତିମ ପରୀକ୍ଷା ପାଇଁ ହାଜର ହେବେ ।

Published On March 13, 2021