ଭିସୁଟରେ ଦ୍ୱିତୀୟ ବର୍ଷର ଛାତ୍ରଙ୍କୁ ରାଗିଂ ଅଭିଯୋଗ : କହିଲେ ବିଳମ୍ବିତ ରାତିରେ ଯୋରଜବରଦସ୍ତ ଅନ୍ଧାର କୋଠୀରକୁ ଡାକି..

ଭିସୁଟରେ ଇଞ୍ଜିନିୟରିଂ ଛାତ୍ରଙ୍କୁ ରାଗିଂ ହୋଇଥିବା ଅଭିଯୋଗ ହୋଇଛି

Published: Wednesday, March 31, 2021, 17:29 [IST]

ସମ୍ବଲପୁର । ଭିଏମସାର ପରେ ଏବେ ଭିସୁଟରେ ରାଗିଂ ଅଭିଯୋଗ । ଭିସୁଟରେ ଇଞ୍ଜିନିୟରିଂ ଛାତ୍ରଙ୍କୁ ରାଗିଂ ହୋଇଥିବା ଅଭିଯୋଗ ହୋଇଛି । ଚତୁର୍ଥ ବର୍ଷର କିଛି ଛାତ୍ର ଦ୍ୱିତୀୟ ବର୍ଷର ଛାତ୍ରମାନଙ୍କୁ ଅକଥନୀୟ ନିର୍ଯ୍ୟାତନା ଦେଉଥିବା ଅଭିଯୋଗ ହୋଇଛି । ଏନେଇ ଭିସୁଟରେ ଆଣ୍ଟି ରାଗିଂ ସେଲ ଓ କର୍ତ୍ତୃପକ୍ଷଙ୍କୁ ଲିଖିତ ଭାବରେ ଅଭିଯୋଗ କରିଛନ୍ତି ଜୁନିୟର ଛାତ୍ର । ସିନିୟରମାନେ ତାଙ୍କୁ ପୋଷାକ ଖୋଲି ହାଣ୍ଠେଇବାକୁ କହୁଥିବା ଅଭିଯୋଗ ହୋଇଛି ।

ଆହୁରି ମଧ୍ୟ ରାଗିଂର ଶିକାର ହୋଇଥିବା ଛାତ୍ରମାନେ କହିଛନ୍ତି ସେମାନଙ୍କୁ ବିଳମ୍ବିତ ରାତିରେ ଏକ କୋଠରୀକୁ ଡାକି ନେଇ ଯୋରଜବରଦସ୍ତ ଅକଥନୀୟ ନିର୍ଯ୍ୟାତନା ଦିଆଯାଉଥିଲା । ଅଭିଯୋଗ ଉପରେ ଏକ କମିଟି ଗଠନ କରାଯାଇ ତଦନ୍ତ ଆରମ୍ଭ କରିଥିବା ଭିସୁଟର କୁଳପତି ବିବି ପତି ଗଣମାଧ୍ୟମକୁ ସୂଚନା ଦେଇଛନ୍ତି ।

Published On March 31, 2021