ସରିଲା ରିମାଣ୍ତ ଅବଧି, ଆଜି କୋର୍ଟରେ ହାଜର ହେବେ ଅର୍ଚ୍ଚନା

Updated: Monday, December 19, 2022, 16:57 [IST]

ଭୁବନେଶ୍ୱର: ସରିଲା ଦ୍ୱିତୀୟ ରିମାଣ୍ତ ଅବଧି । ଆଜି ଲେଡି ବ୍ଲାକମେଲର ଅର୍ଚ୍ଚନା ନାଗଙ୍କୁ କୋର୍ଟରେ ହାଜର କରିବ ଇଡି । ତେବେ ଆଉ ରିମାଣ୍ତରେ ଅଣାଯିବ ନାହିଁ ବୋଲି ସୂଚନା ରହିଛି । ତେବେ ଗତ ଗୁରୁବାର ଦିନ ଅର୍ଚ୍ଚନାଙ୍କୁ ଭୁବନେଶ୍ୱର କୋର୍ଟରେ ହାଜର କରିବା ପରେ ଗିରଫ କରିଥିଲା ଇଡି । ସେହିପରି ଶନିବାର ଦିନ ଶ୍ରଦ୍ଧାଞ୍ଜଳି ବେହେରା ଏବଂ ଅର୍ଚ୍ଚନାଙ୍କୁ ମୁହାଁମୁହିଁ ପଚରାଉଚରା କରାଯାଇଥିଲା । ଅନ୍ୟପଟେ ଖୁବ ଶିଘ୍ର ଏହି ମାମଲାରେ ଶ୍ରଦ୍ଧାଞ୍ଜଳିଙ୍କୁ ଗିରଫ କରାଯାଇ ପାରେ ବୋଲି ସୂଚନା ରହିଛି ।

ସୂଚନାଥାଉ ଯେ, ଗତ ୬ ତାରିଖରେ ହନିଟ୍ରାପ୍‌ କୁଇନ୍‌ ଅର୍ଚ୍ଚନା ନାଗଙ୍କୁ ଇଡି ରିମାଣ୍ଡରେ ନେଇଥିଲା। ବେଆଇନ୍‌ କାରବାରକୁ ନେଇ ଇଡି ଅଫିସରେ ତାଙ୍କୁ ଘନଘନ ଜେରା କରାଯାଇଥିଲା। ହେଲେ ଅର୍ଚ୍ଚନା ମୁହଁ ଖୋଲି ନଥିଲେ। ଜେରା ବେଳେ ସ୍ୱାସ୍ଥ୍ୟ ଖରାପ କହି ତଥ୍ୟ ଲୁଚାଇବା ପାଇଁ ଚେଷ୍ଟା କରିଥିଲେ ଅର୍ଚ୍ଚନା । ହେଲେ ଅର୍ଚ୍ଚନାଙ୍କ ସହଯୋଗୀ ଶ୍ରଦ୍ଧାଞ୍ଜଳି ଇଡିକୁ ଅନେକ ତଥ୍ୟ ଦେଇଥିବା ନେଇ ସୂଚନା ରହିଛି । ଅନ୍ୟପକ୍ଷରେ ଏ ପର୍ଯ୍ୟନ୍ତ ଇଡିକୁ ମିଳିପାରି ନାହିଁ ଫରେନସିକ୍ ରିପୋର୍ଟ ।