ଏସଆଇଟି ଖୋଲିବ 'ପାଠକ' ଗୁମର : ଆଏଫଏସ୍ ଅଭୟ ପାଠକଙ୍କ ମାମଲାରେ ଗଠନ ହେଲା ଟିମ୍

ଗିରଫ ହୋଇଥିବା ନିଲମ୍ବିତ ଆଇଏଫଏସ୍ ଅଭୟ ପାଠକ ଓ ତାଙ୍କ ପୁଅ ଆକାଶ ପାଠକଙ୍କ ପାଇଁ ଏସଆଇଟି ଗଠନ କରାଯାଇଛି ।

Published: Saturday, November 28, 2020, 20:39 [IST]

ଭୁବନେଶ୍ୱର : ଗିରଫ ହୋଇଥିବା ନିଲମ୍ବିତ ଆଇଏଫଏସ୍ ଅଭୟ ପାଠକ ଓ ତାଙ୍କ ପୁଅ ଆକାଶ ପାଠକଙ୍କ ପାଇଁ ଏସଆଇଟି ଗଠନ କରାଯାଇଛି । କୋଟି କୋଟି ଟଙ୍କାର କୁବେର ଭଣ୍ଡାର ଖୋଲିଥିବା ଅଭିୟଙ୍କ ଗୁମର ଖୋଲିବ ଏସଆଇଟି । ଏଥିପାଇଁ ଏସଆଇଟିରେ 20 ଜଣ ବଛାବଛା ଅଧିକାରୀଙ୍କୁ ନେଇ ଗଠନ କରାଯାଇଛି ଟିମ୍ । ପାଠକଙ୍କ ସହ ଜଡ଼ିତ ଥିବା ସମସ୍ତ ବ୍ୟକ୍ତି ବିଶେଷଙ୍କୁ ତଦନ୍ତପରିଷରଭୁକ୍ତ କରିବ ଏସଆଇଟି । ଏଥିପାଇଁ ସମସ୍ତଙ୍କୁ 160 ସିଆରପିସି ଆଧାରରେ ସମସ୍ତଙ୍କୁ ହାଜର ହେବା ପାଇଁ ନୋଟିସ୍ ଜାରି କରିବ ଏସଆଇଟି ।

ସେହିପରି ବ୍ୟାଙ୍କ ଅଧିକାରୀ, ବନ ଅଧିକାରୀ, ସମ୍ପର୍କୀୟ, କର୍ମଚାରୀ ଓ ସହଯୋଗୀମାନେ ମଧ୍ୟ ତଦନ୍ତ ପରିଶରଭୁକ୍ତ ହେବେ ବୋଲି ଜଣାପଡିଛି ।

ଆପରପକ୍ଷରେ ପାଠକ ବାପା-ପୁଅ ଅନେକ ଦାମୀ ଗାଡ଼ି ଚଲାଉଥିଲେ । ଏହି ଗାଡ଼ି ଗୁଡ଼ିକର କାଗଜପତ୍ର ସହ କେଉଁ ଠାରୁ କିଣା ଯାଇଛି ସେଗୁଡି଼କ ମଧ୍ୟ ଯାଞ୍ଚ ହେବ । ଭିଜିଲାନ୍ସ ହାତରେ ଅନେକ ଗୁରୁତ୍ୱପୂର୍ତ୍ତ ଦଲିଲ ରହିଛି । ଏହାକୁ ପୁଙ୍ଖାନୁପୁଙ୍ଖ ଭାବରେ ତଦନ୍ତ କରିବ ଏସଆଇଟି । ଏଥିସହ ଏସଆଇଟି ରାଜ୍ୟ ଫରେନ୍ସିକ୍ ଲ୍ୟାବ୍ରୋଟେରୀର ମଧ୍ୟ ସହଯୋଗ ଲୋଡିଛି । ଏଠାରେ କହି ରଖୁଛୁ, ଗତ ଶୁକ୍ରବାର ଭିଜିଲାନ୍ସ ଏହି ପାଠକ ବାପା-ପୁଅଙ୍କୁ ଗିରଫ କରି ସ୍ୱତନ୍ତ୍ର ଭିଜିଲାନ୍ସ କୋର୍ଟରେ ହାଜର କରିଥିଲା । ସେଠାରେ ସେମାନଙ୍କର ଜାମିନ ନାମଞ୍ଜୁର ହେବାରୁ ତାଙ୍କୁ ଝାରପଡ଼ା ଜେଲ୍ ବାଚରବିଭାଗୀୟ ହାଜତକୁ ପଠାଇ ଦିଆଯାଇଥିଲା ।

Published On November 28, 2020