ଶ୍ରଦ୍ଧାର ମର୍ଡର ମିଷ୍ଟ୍ରୀ: ଶ୍ରଦ୍ଧାଙ୍କ ହାଡ ସହିତ ପିତାଙ୍କ ଡିଏନଏ ହେଲା ମ୍ୟାଚ

ଫରେନସିକ୍ ସୂତ୍ରରୁ ପ୍ରକାଶ ଯେ , ଶ୍ରଦ୍ଧାଙ୍କ ହାଡ ସହିତ ତାଙ୍କ ପିତାଙ୍କ ଡିଏନଏ ମ୍ୟାଚ କରିଛି ।

ନୂଆଦିଲ୍ଲୀ: ଶ୍ରଦ୍ଧା ୱାକରଙ୍କ ହାଡର ଡିଏନଏ ତାଙ୍କ ପିତାଙ୍କ ରକ୍ତ ନମୁନା ସହିତ ମେଳ ଖସୁଛି ବୋଲି ଫୋରେନସିକ୍ ଲ୍ୟାବର ସୂତ୍ରରୁ ପ୍ରକାଶ। ଫୋରେନସିକ୍ ଅନୁସନ୍ଧାନ ଏହି ହତ୍ୟାକାଣ୍ଡକୁ ନିଶ୍ଚିତ କରିଛି ବୋଲି ସେମାନେ ସୂଚନା ଦେଇଛନ୍ତି।

ଫୋରେନସିକ୍ ଲ୍ୟାବର କହିବାନୁସାରେ, ଶ୍ରଦ୍ଧା ଏବଂ ତାଙ୍କ ଲିଭ୍-ଇନ୍ ପାର୍ଟନରଙ୍କ ଫ୍ଲାଟର ଟାଇଲରେ ଉଦ୍ଧାର ହୋଇଥିବା କିଛି ହାଡ ଏବଂ ରକ୍ତ ନମୁନା ର ପରୀକ୍ଷା କରାଯାଇଥିଲା। ଫୋରେନସିକ୍ ଟିମ୍ ଦିଲ୍ଲୀ ପୋଲିସକୁ ମୌଖିକ ସୂଚନା ଦେଇଥିବା କୁହାଯାଉଛି । ସୂତ୍ରରୁ ପ୍ରକାଶ ଯେ ସମ୍ପୂର୍ଣ୍ଣ ରିପୋର୍ଟ ଦେବାକୁ ଆହୁରି କିଛି ଦିନ ଲାଗିବ।

ରାଜଧାନୀ ଦିଲ୍ଲୀର ପୋଲିସ ଟିମ ମୁମ୍ବାଇ ନିକଟସ୍ଥ ଭାସାଇ ଅଞ୍ଚଳରେ ଡେରା ପକାଇଥିଲେ, ଯେଉଁଠାରୁ ଶ୍ରଦ୍ଧା ଏବଂ ତାଙ୍କ କଥିତ ହତ୍ୟାକାରୀ ଆଫତାବ ପୁନାୱାଲା ରହିଥିଲେ। ଅନୁସନ୍ଧାନକାରୀମାନେ ଅନ୍ୟମାନଙ୍କ ମଧ୍ୟରେ ଶ୍ରଦ୍ଧା ଏବଂ ପୁନାୱାଲାଙ୍କ ବନ୍ଧୁ, ସମ୍ପର୍କୀୟ ଏବଂ ସେମାନେ ଭଡା ରେ ଥିବା ଫ୍ଲାଟର ମାଲିକଙ୍କ ବିବୃତ୍ତି ମଧ୍ୟ ରେକର୍ଡ କରିଥିଲେ।

ପୁନାୱାଲା ଚଳିତ ବର୍ଷ ମେ ମାସରେ ଦିଲ୍ଲୀରେ ଶ୍ରଦ୍ଧାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ସେ ଶ୍ରଦ୍ଧାଙ୍କୁ ଗଳା କାଟି ହତ୍ୟା କରିଥିବା ଅଭିଯୋଗ ହୋଇଛି ଏବଂ ତାଙ୍କ ମୃତଦେହକୁ 35 ଖଣ୍ଡ କରି ବିଭିନ୍ନ ଜଙ୍ଗଲରେ ଏହାକୁ ଫିଙ୍ଗିଥିଲେ । ଏହାପୂର୍ବରୁ ନିଜ ଫ୍ଲାଟରେ ଖଣ୍ଡ ବିଖଣ୍ଡିତ ମୃତଦେହ ପ୍ରାୟ ତିନି ସପ୍ତାହ ଧରି ଏକ 3 ଶହ ଲିଟର ଫ୍ରିଜରେ ରଖିଥିଲେ।

English summary

Shraddha Murder Confirmed as Bones Match with Father's DNA.