ନିଶା ବେପାରୀଙ୍କ ଘର ଭାଙ୍ଗିଲା ପୋଲିସ
ଭୁବନେଶ୍ବର ସାଲିଆ ସାହି ଆଦିବାସୀ ଗାଁର ନିଶା ବେପାରୀ ଦିଲ୍ଲୀପ ବରାଳଙ୍କ ଘର ଭାଙ୍ଗି ମାଟିରେ ମିଶାଇ ଦେଇଛି ପୋଲିସ । ଚାହା ଦୋକାନ ନାଁରେ କରୁଥିଲା ନିଶା ବେପାର ।
ଭୁବନେଶ୍ୱର: ଅପରାଧ ଓ ଅପରାଧିଙ୍କୁ କାର୍ଯ୍ୟାକଳାପକୁ ପ୍ରତିହତ ବା ରୋକ ଲଗାଇବାରେ ପୋଲିସ ଆକ୍ସନ ମୁଡକୁ ଆସିଛି । ନିଶା ବେପାରୀଙ୍କ ଉପଦ୍ରବ ରୋକିବାକୁ ମଧ୍ୟ ବଡ ପ୍ଲାନ ଆରମ୍ଭ କରିଛି କମିଶନରେଟ୍ ପୋଲିସ । ନିଶା ବେପାରୀଙ୍କୁ ଚିହ୍ନଟ କରିବା ସହ ସେମାନଙ୍କ ଘରକୁ ମାଟିରେ ମିଶାଇବା ଆରମ୍ଭ କରିଛି ପୋଲିସ । ନିଶା ବେପାରୀର ଘର ଉପରେ ବୁଲଡୋଜର ଚଢେଇ ଭଙ୍ଗାଯାଇଛି। ଭୁବନେଶ୍ବର ସାଲିଆ ସାହି ଆଦିବାସୀ ଗାଁର ନିଶା ବେପାରୀ ଦିଲ୍ଲୀପ ବରାଳଙ୍କ ଘର ଭାଙ୍ଗି ମାଟିରେ ମିଶାଇ ଦେଇଛି ପୋଲିସ । ଚାହା ଦୋକାନ ନାଁରେ କରୁଥିଲା ନିଶା ବେପାର ।
ଶୁକ୍ରବାର ନିଶା ବେପାରୀ ଦିଲ୍ଲୀପ ବରାଳ ଓ ତାଙ୍କ ପତ୍ନୀକୁ ଗିରଫ କରିଥିଲା ନୟାପଲ୍ଲୀ ଥାନା ପୋଲିସ । ଦୁଇ ଜଣଙ୍କ ଠାରୁ 6 ଗ୍ରାମ ବ୍ରାଉନସୁଗାର, ନଗଦ 5 ହଜାର ଟଙ୍କା ଓ ଗୋଟିଏ କାର ଜବତ କରିଥିଲା ପୋଲିସ ।
ଆଗାମୀ ଦିନରେ ଏ ଅଭିଯାନକୁ ଜୋରଦାର କରିବ ପୋଲିସ । ଚଳିତ ବର୍ଷ 6 ମାସରେ 670 ଗ୍ରାମ ବ୍ରାଉନ ସୁଗାର, 67 ଲକ୍ଷ ଟଙ୍କା ଜବତ କରିଥିବା ବେଳେ 15 ରୁ ଅଧିକ ଅଭିଯୁକ୍ତକୁ ଗିରଫ କରିଛି ପୋଲିସ । ଉତ୍ତରପ୍ରଦେଶ ସରକାର ଯେପରି ଉପଦ୍ରବୀ ଏବଂ ଦଙ୍ଗାକାରୀଙ୍ଗ ଘର ଉପରେ ବୁଲ ଡୋଜର ଚଳାଇଛି ଓଡ଼ିଶାରେ ସେପରି ବେଆଇନ ନିଶା ବ୍ୟବସାୟୀଙ୍କ ଘରେ ବୁଲିବା ଆରମ୍ଭ ହୋଇଛି ବୁଲ ଡୋଜର ।
Click it and Unblock the Notifications
Sign in with Google