• search
For Quick Alerts
Turn On Notification  
For Daily Alerts

୬୪୧ କୋଟି ଟଙ୍କାର ଜାଲ ବିଲ୍ ରାକେଟର ପର୍ଦ୍ଦଫାସ୍, ଦୁଇ ମାଷ୍ଟରମାଇଣ୍ଡ ଗିରଫ

|

କଟକ: ଆଜି ଓଡିଶା ରାଜ୍ୟ ଜିଏଷ୍ଟି ଏନଫୋର୍ସମେଣ୍ଟ ୱିଙ୍ଗ ଦ୍ବାରା ୬୪୧ କୋଟି ଟଙ୍କାର ଜାଲ ବିଲ୍ ରାକେଟର ପର୍ଦ୍ଦାଫାସ କରାଯାଇଛି । ଏଥିରେ ୨ ଜଣ ମାଷ୍ଟରମାଇଣ୍ଡକୁ ଗିରଫ କରାଯାଇଛି । ଗିରଫ ୨ ମାଷ୍ଟରମାଇଣ୍ଡ ୧୬ଟି ଜାଲ ବ୍ୟବସାୟିକ ପ୍ରତିଷ୍ଠାନ ସୃଷ୍ଟି କରି ୧୧୫.୧୦ କୋଟି ଟଙ୍କାର ଟିକସ ଠକେଇ କରିଥିବା ତଦନ୍ତରୁ ଜଣାପଡ଼ିଛି ।

GST Enforcement Team

ରାଉରକେଲା ସହରର ୨ ଜଣ ଜିଏସଟି ଠକ ଗିରଫ ହୋଇଛନ୍ତି । ଗିରଫ ୨ ଅଭିଯୁକ୍ତ ହେଲେ ଗୁରଦୀତ ଡାଙ୍ଗ ଓ ସୂର୍ଯ୍ୟ ମୈତ୍ର । ଉଭୟ ଅଭିଯୁକ୍ତ ରାଉରକେଲା ସହରର । ଓଡ଼ିଶା ଜିଏସଟି କମିଶନର ସୁଶୀଲ ଲୋହାନି ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି । ୨ ଅଭିଯୁକ୍ତ ଅନ୍ୟମାନଙ୍କ ସହ ମିଶି ୧୬ଟି ଜାଲ ବ୍ୟବସାୟିକ ପ୍ରତିଷ୍ଠାନ ସୃଷ୍ଟି କରିଥିଲେ । ଷ୍ଟିଲ୍ ଆଇରନ୍ ଓ ଷ୍ଟିଲ ସାମଗ୍ରୀ କିଣୁଥିଲେ । ୬୪୧ କୋଟି ଟଙ୍କାର ଜାଲ ବିଲ୍ ଓ ଇନପୁଟ ଟିକସ କ୍ରେଡିଟ ମାଧ୍ୟମରେ ୧୧୫ କୋଟି ୧୦ ଲକ୍ଷ ଟଙ୍କା ହାତେଇବାରେ ସକ୍ଷମ ହୋଇଥିଲେ । ଗୁରଦୀତଙ୍କୁ ରାଉରକେଲାରୁ ଗିରଫ କରାଯାଇଥିବା ବେଳେ ସୂର୍ଯ୍ୟ ଭୁବନେଶ୍ୱରରୁ ଗିରଫ ହୋଇଛନ୍ତି ।

ଫେକ ଆଇଟିସି ହାତେଇବା ପାଇଁ ଏହି ସୁସଙ୍ଗଠିତ ରାକେଟ ଗଠିତ ହୋଇଥିଲା । ଜାଲ ପ୍ରତିଷ୍ଠାନ ଗୁଡ଼ିକ ରାଜ୍ୟର ଅନୁଗୁଳ, ରାଉରକେଲା, ବଣାଇ, ଏରସମା, ତିର୍ତ୍ତୋଲ, ରିଆମାଳ, ସୁନ୍ଦରଗଡ଼ରେ ରହିଥିବା ରେକର୍ଡ ଦର୍ଶାଇ ଠକେଇ କରିଥିବା ତଦନ୍ତରୁ ଜଣାପଡ଼ିଛି । ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ ଆଜି ସୁଦ୍ଧା ୨୦ ଜଣ ଠକଙ୍କୁ ଗିରଫ କରିଥିବା ବେଳେ ୨୫ ହଜାର ୪୦୦ ଜଣ ବ୍ୟବସାୟୀଙ୍କ ପଞ୍ଜିକରଣକୁ ରଦ୍ଦ କରିଛି । ରାଜ୍ୟ ଜିଏସଟି ବିଭାଗ ଜୁଲାଇ ୧୬ରୁ ସେପ୍ଟେମ୍ବର ୧୫ ପର୍ଯ୍ୟନ୍ତ ଦୁଇମାସ ବ୍ୟାପୀ ଜାଲ ପଞ୍ଜିକରଣକୁ ରଦ୍ଦ କରିବା ପାଇଁ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରିଛି । ବିଭିନ୍ନ ସାମଗ୍ରୀର ପରିବହନ ଦୁଇ ଚକିଆ ଓ ତିନି ଚକିଆ ଗାଡ଼ିରେ ହୋଇଥିବା ୨ ଠକ ଦର୍ଶାଇଥିଲେ । ଚାଷୀ, ଶ୍ରମିକ ଓ ନିରୀହ ଲୋକଙ୍କ ନାଁରେ ଜାଲି ବ୍ୟବସାୟୀ ପ୍ରତିଷ୍ଠାନ ଖୋଲି ଜିଏସଟି ଠକେଇ କରୁଥିଲେ ।

ଆମକୁ ଫୋଲୋ କରନ୍ତୁ
Instagram Youtube
English summary
Odisha State GST Enforcement Team Exposed Rs 641 crore Fake Bill Racket
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X