ଆବେଗ ପୂର୍ଣ୍ଣ ଭିଡିଓ କରି ମହିଳାଙ୍କୁ ଠକୁଥିଲା ନକଲି ଡାକ୍ତର ରମେଶ ସ୍ୱାଇଁ
ନକଲି ଡାକ୍ତର ରମେଶ ସ୍ୱାଇଁର ନାଁରେ ଯୋଡ଼ି ହୋଇଛି ସମସ୍ତଙ୍କୁ ଆଶ୍ଚର୍ଯ୍ୟ କଲା ଭଳି କାହାଣୀ । ସେ ଯୁବତୀଙ୍କୁ ଫସାଇବା ପାଇଁ କରୁଥିଲେ ଇମୋସ୍ନାଲ ଡ୍ରାମା । ଆପଣାଉଥିଲେ ନୂଆ ନୂଆ ତରିକା ।
ଭୁବନେଶ୍ୱର: ନକଲି ଡାକ୍ତର ରମେଶ ସ୍ୱାଇଁର ନାଁରେ ଯୋଡ଼ି ହୋଇଛି ସମସ୍ତଙ୍କୁ ଆଶ୍ଚର୍ଯ୍ୟ କଲା ଭଳି କାହାଣୀ । ସେ ଯୁବତୀଙ୍କୁ ଫସାଇବା ପାଇଁ କରୁଥିଲେ ଇମୋସ୍ନାଲ ଡ୍ରାମା । ଆପଣାଉଥିଲେ ନୂଆ ନୂଆ ତରିକା । ବିଶ୍ୱାସ ଜିତିବା ପାଇଁ କ୍ରିଏଟ୍ କରୁଥିଲେ ଇମୋସ୍ନାଲ ସିନ୍ । ଯାହାର ଖୁଲାସା କରିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାସ ।
କମିଶନରେଟ ପୋଲିସ ଜାରି କରିଥିବା ଭିଡିଓରେ ନକଲି ଡାକ୍ତର ଜଣଙ୍କ ବିଭିନ୍ନ ଅଭିନୟ କରୁଛନ୍ତି । କେଉଁଠି ଲୁହ ଝରାଇ କାନ୍ଦୁଛନ୍ତି, ଅନ୍ୟ କେଉଁଠି ସାଲାଇନ୍ ନେଇ ରୋଗୀ ଭଳି ଶୋଇଛନ୍ତି ଏବଂ ଆଉ ଏକ ଭିଡିଓରେ ରଥ ଟାଣୁଛନ୍ତି ନକଲି ଡାକ୍ତର । ଆପଣ ଭାବୁଥିବେ ଏସବୁ ଅଭିନୟ ସେ କାହିଁକି କରୁଛନ୍ତି । ପୋଲିସ ତାଙ୍କୁ ଏ ବିଷୟରେ ପ୍ରଚାର ଉଚରା କରି ଜାଣିବାକୁ ପାଇଛି ।
ସୂଚନାଯୋଗ୍ୟ, ନକଲି ଡାକ୍ତର ରମେଶ ସ୍ୱାଇଁ ନାଁରେ ଲମ୍ବି ଚାଲିଛି ଅଭିଯୋଗ ଫର୍ଦ୍ଦ । ୧୮ ପତ୍ନୀଙ୍କୁ ବିବାହ କରି ଚର୍ଚ୍ଚାରେ ରହିଥିବା ନକଲି ଡାକ୍ତର ରମେଶ ସ୍ୱାଇଁ ନାଁ ପୁଣି ଏବେ ଚର୍ଚ୍ଚାରେ ରହିଛି । ନିକଟରେ ରମେଶ ବିରୋଧରେ ୬୯ ହଜାର ଟଙ୍କା ଠକେଇ ଅଭିଯୋଗରେ ପାହାଳ ଥାନାରେ ମାମଲା ରୁଜୁ ହୋଇଥିବା ବେଳେ କାର ନମ୍ବର ରେଜିଷ୍ଟ୍ରେସନ୍ ପାଇଁ ଜାଲ୍ ଡକ୍ୟୁମେଣ୍ଟ ଦେଇଥିବାରୁ ସହିଦନଗର ଥାନାରେ ରୁଜୁ ହୋଇଥିଲା ମାମଲା ।
Click it and Unblock the Notifications
Sign in with Google