ଲୁଟେରା ଗ୍ୟାଙ୍ଗର ପର୍ଦ୍ଦାଫାସ୍ : 9 ଗିରଫ, କାର୍ ଓ 10 ଲକ୍ଷ ଟଙ୍କା ଜବତ

କୁଚିଣ୍ଡା ୟୁନିୟନ ବ୍ୟାଙ୍କର ଟଙ୍କା ଲୁଟ୍ ଘଟଣାର ପର୍ଦ୍ଦାଫାସ୍ କରିଛି ପୁଲିସ ।

ସମ୍ବଲପୁର : କୁଚିଣ୍ଡା ୟୁନିୟନ ବ୍ୟାଙ୍କର ଟଙ୍କା ଲୁଟ୍ ଘଟଣାର ପର୍ଦ୍ଦାଫାସ୍ କରିଛି ପୁଲିସ । ଏହି ଘଟଣାରେ ପୁଲିସ 9 ଜଣ ଲୁଟେରାକୁ ଗିରଫ କରିଥିବା ବେଳେ ସେମାନଙ୍କ ଠାରୁ କାର୍, ବାଇକ ଅଳଙ୍କାର ସମେତ ନଗଦ 10 ଲକ୍ଷ ଟଙ୍କା ଜବତ କରିଛି । ସେହିପରି ଏହି ଗ୍ୟାଙ୍ଗର ଆଉ ଦୁଇ ଜଣ ଫେରାର୍ ରହିଥିବା ଜଣାପଡିଛି ।

ଘଟଣାରୁ ପ୍ରକାଶ, ଗତ 9 ତାରିଖରେ କୁଚିଣ୍ଡାର ୟୁନିୟନ ବ୍ୟାଙ୍କରୁ ଲଇମୁରାକୁ ବୋଲେରୋ ଗାଡିରେ 35 ଲକ୍ଷ 41 ହଜାର ଟଙ୍କା ଯାଉଥିଲା । ଏହି ସମୟରେ ବାଇକରେ 6 ଜଣ ଆସି ଟଙ୍କା ଲୁଟ୍ କରି ନେଇଥିଲେ । ପୁଲିସ ଏହି ଘଟଣାର ତଦନ୍ତ ଆରମ୍ଭ କରି ଏଥିରେ 11 ଜଣ ସଂପୃକ୍ତ ଥିବା ଜାଣିବାକୁ ପାାଇଥିଲା । ଏହି 11 ଜଣଙ୍କ ମଧ୍ୟରୁ ଆଜି 9 ଜଣଙ୍କୁ ଗିରଫ କରିଛି ପୁଲିସ ।

English summary

Nine Arrested in Bank Robbery Case