ଆଣ୍ଟିଲିଆ କେସ: ହାଉସ ଆରେଷ୍ଟ ପାଇଁ କରିଥିବା ସଚିନ ବାଜେର ଆବେଦନ ଖାରଜ
ନୂଆଦିଲ୍ଲୀ: ଏଣ୍ଟିଲିଆ କେସରେ ବୁଧବାର ଏନଆଇଏର ବିଶେଷ ଅଦାଲତ ମୁଖ୍ୟ ଆରୋପି ତଥା ପୂର୍ବତନ ପୁଲିସ ଇନ୍ସପେକ୍ଟର ସଚିନ ବାଜେଙ୍କ ହାଉସ ଆରେଷ୍ଟ ଆବେଦନ ଖାରଜ କରିଦେଇଛନ୍ତି । ଆଣ୍ଟିଲିଆ କେସରେ ଗିରଫ ହୋଇଥିବା ବାଜେ ଏନଆଇଏର ବିଶେଷ ଅଦାଲତରେ ଆବେଦନ କରିଥିଲେ ଯେ, ତାଙ୍କୁ ଜେଲ ବଦଳରେ ଘରେ ନଜର ବନ୍ଦୀ ବା ହାଉସ ଆରେଷ୍ଟ କରି ନିଜ ଘରେ ରହିବାକୁ ଅନୁମତି ପ୍ରଦାନ କରାଯାଉ। ହୃଦରୋଗ ସର୍ଜରୀ ପରେ ୩ ମାସ ପାଇଁ ଜେଲ ବଦଳରେ ଘରେ ନଜର ବନ୍ଦୀ ଭାବରେ ରଖିବା ପାଇଁ ବାଜେ ଆବେଦନ କରିଥିଲେ । ତେବେ ଏନଆଇଏ ପକ୍ଷରୁ ଏହାକୁ ବିରୋଧ କରଯାଇଥିଲା।
ଏନଆଇଏ ତରଫରୁ କୁହା ଯାଇଥିଲା ଯେ, ବାଜେକୁ ହାଉସ ଆରେଷ୍ଟ ଅନୁମତି ଦିଆଯିବ ଉଚିତ ହେବ ନହିଁ । ସୁସ୍ଥ ହେବ ପର୍ଯ୍ୟନ୍ତ ବାଜେକୁ ସରକାରୀ ହସ୍ପିଟଲରେ ରଖାଯାଉ ବୋଲି ଏନଆଇଏ ବିଶେଷ ଅଦାଲତକୁ ଅନୁରୋଧ କରିଥିଲା । ଅଦାଲତଙ୍କ ନିଷ୍ପତ୍ତି ଅନୁସାରେ ବାଜେକୁ ଜେଲ ପରିସରରେ ଥିବା ହସ୍ପିଟାଲରେ ରଖାଯିବ । ତେବେ ବାଜେକୁ ଘରୋଇ ଖାଦ୍ୟ ପ୍ରଦାନ କରାଯାଇ ପାରିବ ବୋଲି ଅଦାଲତ ନିର୍ଦେଶ ଦେଇଛନ୍ତି। ସୂଚନା ଯୋଗ୍ୟଯେ, ଆଣ୍ଟିଲିଆ ସମ୍ମୁଖରେ ବିସ୍ଫୋରୋକ ସାମଗ୍ରୀ ରଖିବା ମାମଲାରେ ସଚିନ ବାଜେକୁ ନାଟକୀୟ ଢଙ୍ଗରେ ଗିରଫ କରିଥିଲା ଏନଆଇଏ ।
Click it and Unblock the Notifications
Sign in with Google