ନବ ଦାସଙ୍କ ହତ୍ୟା ଘଟଣା: କ୍ରାଇମ୍ ସ୍ପଟରେ ଜଷ୍ଟିସ ଜେ.ପି ଦାସ
କ୍ରାଇମ୍ ସ୍ପଟରେ ପହଁଚି ଘଟଣାର ଅନୁଧ୍ୟାନ କଲେ ଜଷ୍ଟିସ୍ ଜେ.ପି ଦାସ । ଜଷ୍ଟିସ୍ ଜେ.ପି ଦାସଙ୍କ ସହ କ୍ରାଇମବ୍ରାଞ୍ଚର ଏଡିଜି ଅରୁଣ ବୋଥ୍ରା ମଧ୍ୟ ଉପସ୍ଥିତ ଥିଲେ । ତଦନ୍ତ ତଦାରଖ ଦାୟିତ୍ୱରେ ଅଛନ୍ତି ଜଷ୍ଟିସ୍ ଜେ.ପି ଦାସ ।
ଅନ୍ୟପଟେ ହାଇକୋର୍ଟ ଅବସରପ୍ରାପ୍ତ ଜଜ୍ ଜେପି ଦାସ ଝାରସୁଗୁଡ଼ାରେ କ୍ରାଇମ୍ ବ୍ରାଞ୍ଚକୁ ଭେଟି ତଦାରଖ କରିବା ଘଟଣାକୁ ନେଇ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି ବିରୋଧି । କେଉଁ ଚିଠି ଆଧାରରେ ଜଷ୍ଟିସ ଜେପି ଦାସଙ୍କୁ ନିଯୁକ୍ତି ଦିଆଗଲା, ସେହି ଚିଠି ସାର୍ବଜନୀନ କରିବାକୁ ଦାବି କରିଛନ୍ତି ବିଜେପି ନେତା ପୀତାମ୍ବର ଆଚାର୍ଯ୍ୟ । ଜେପି ଦାସଙ୍କ ନିଯୁକ୍ତି ସମ୍ପୁର୍ଣ୍ଣ ବେଆଇନ୍ ବୋଲି ମଧ୍ୟ ସେ କହିଛନ୍ତି ।
ସେପଟେ ଆଜି ସରୁଛି ଅଭିଯୁକ୍ତ ଗୋପାଳର ଦ୍ୱିତୀୟ ପର୍ଯ୍ୟାୟ ରିମାଣ୍ତ ଅବଧି । ଗତକାଲି ଗୋପଳକୁ ନେଇ କ୍ରାଇମ୍ ସ୍ପଟରେ ହୋଇଥିଲା ସିନ୍ ରିକ୍ରିଏଟ୍ । ସିନ୍ ରିକ୍ରିଏସନ ପରେ ଗୋପାଳକୁ ପୁଣି ଜେରା କରିଛି କ୍ରାଇମବ୍ରାଞ୍ଚ । ଗୋପଳକୁ କ୍ରାଇମବ୍ରାଞ୍ଚ ଦୁଇ ଥର ରିମାଣ୍ତରେ ନେଇ ସାରିଲାଣି । ତେବେ ଆଜି ରିମାଣ୍ତ ଅବଧି ବଢାଯିବ କି ନାହିଁ ସେନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ସୂଚନା ଜାରି କରାଯାଇ ନାହିଁ ।
ସେହିପରି ଗତକାଲି ବୀଳମ୍ବିତ ରାତ୍ରୀରେ ଗୋପଳର ବ୍ରହ୍ମପୁର ଜଳେଶ୍ୱର ସ୍ଥିତ ପୈତୃକ ଘରେ ପୁଣି ପହଁଚିଥିଲା କ୍ରାଇମବ୍ରାଞ୍ଚ ଟିମ୍ । ଅଭିଯୁକ୍ତ ଗୋପଳର ପରିବାର ସଦସ୍ୟ ଓ ପଡୋଶୀଙ୍କୁ ମଧ୍ୟ ପଚରଉଚରା କରାଯାଇଥିଲା । ଦୀର୍ଘ ସମୟ ଧରି ଏହି ଜେରା ଚାଲିଥିଲା ।
Click it and Unblock the Notifications
Sign in with Google