ନବ ଦାସଙ୍କ ହତ୍ୟା ମାମଲା: ସରିଲା ଗୋପାଳର ନାର୍କୋ ଟେଷ୍ଟ

ଅଭିଯୁକ୍ତ ଗୋପାଳର ସରିଲା ନାର୍କୋ ଟେଷ୍ଟ । ଗାନ୍ଧି ନଗର ଲ୍ୟାବରେ ଗୋପାଳର ନାର୍କୋ ଟେଷ୍ଟ କରାଯାଉଥିଲା । ନାର୍କୋ ଟେଷ୍ଟ ପୂର୍ବରୁ ହୋଇଥିଲା ପଲିଗ୍ରାଫ୍ ଟେଷ୍ଟ୍ ।

Published: Saturday, February 11, 2023, 17:13 [IST]

ଭୁବନେଶ୍ୱର: ନବ ଦାସଙ୍କ ହତ୍ୟା ମାମଲା । ଅଭିଯୁକ୍ତ ଗୋପାଳର ସରିଲା ନାର୍କୋ ଟେଷ୍ଟ । ଗାନ୍ଧି ନଗର ଲ୍ୟାବରେ ଗୋପାଳର ନାର୍କୋ ଟେଷ୍ଟ କରାଯାଉଥିଲା । ନାର୍କୋ ଟେଷ୍ଟ ପୂର୍ବରୁ ହୋଇଥିଲା ପଲିଗ୍ରାଫ୍ ଟେଷ୍ଟ୍ । ଆସନ୍ତା କାଲି ଝାରସୁଗୁଡ଼ା ଫେରିବ ଗୋପାଳ । ସ୍ବାସ୍ଥ୍ୟ ପରୀକ୍ଷା ପରେ ଅଭିଯୁକ୍ତର ନାର୍କୋ ଟେଷ୍ଟ ହୋଇଥିଲା । ଏଥିପାଇଁ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ନେତୃତ୍ବରେ ଏକ ୮ ଜଣିଆ ଟିମ୍ ଗୋପାଳକୁ ନେଇ ଗୁଜରାଟ ଯାଇଥିଲା ।

ସୂଚନା ଅନୁସାରେ, କାହିଁକି ମନ୍ତ୍ରୀ ନବ ଦାସଙ୍କୁ ହତ୍ୟା କରିଥିଲା ଗୋପାଳ ? ମନ୍ତ୍ରୀଙ୍କ ହାତ୍ୟା କରିବା ପଛର ପ୍ରକୃତ କାରଣ କ'ଣ ? ପୂର୍ବରୁ କିଛି ବ୍ୟକ୍ତିଗତ ଶତ୍ରୁତା ରହିଥିଲା କି ? ଏପରି ଏନେକ ପ୍ରଶ୍ନ ଅଭିଯୁକ୍ତ ଗୋପାଳ ଦାସଙ୍କୁ ପଚରାଯାଇଛି ।

ଏହା ପୂର୍ବରୁ ଝାରସୁଗୁଡ଼ାରେ ଗୋପାଳର LVA ଟେଷ୍ଟ କରାଯାଇଥିଲା । ମନସ୍ତତ୍ୱବିତଙ୍କ ଉପସ୍ଥିତିରେ ସ୍ବତନ୍ତ୍ର ମେଡିକାଲ କମିଟି ଅଭିଯୁକ୍ତର ମାନସିକ ସ୍ଥିତି ଅନୁଧ୍ୟାନ କରିଥିଲା। LVA ଟେଷ୍ଟ ରିପୋର୍ଟକୁ ଅପେକ୍ଷା କରାଯାଇଛି ।

ଟେଷ୍ଟରୁ ମିଳିଥିବା ତଥ୍ୟ ଏବଂ କ୍ରାଇମ ସିନ୍ ରିକ୍ରିଏସନ୍‌ରୁ ମିଳିଥିବା ତଥ୍ୟକୁ ନେଇ ଅନୁଧ୍ୟାନ କରାଯାଇଛି । ଗୋପାଳ ଏବଂ ତାଙ୍କ ପରିବାର ଲୋକଙ୍କ ଆର୍ଥିକ କାରବାର ଯାଞ୍ଚ ଶେଷ ହୋଇଛି । ଏପର୍ଯ୍ୟନ୍ତ ସଂଗୃହିତ ହୋଇଥିବା ତଥ୍ୟ ପ୍ରମାଣ ଯାଞ୍ଚ କାର୍ଯ୍ୟ ଶେଷ ହୋଇଥିବା ନେଇ କ୍ରାଇମବ୍ରାଞ୍ଚ ପକ୍ଷରୁ ସୂଚନା ଦିଆଯାଇଛି ।

ସୂଚନାଥାଉ ଯେ, ଅଭିଯୁକ୍ତ ଗୋପାଳ ଦାସକୁ ତୃତୀୟ ଦଫାରେ ୫ଦିନିଆ ରିମାଣ୍ତରେ ନେଇଛି କ୍ରାଇମବ୍ରାଞ୍ଚ୍ । ଆସନ୍ତା ସୋମବାର ଦିନ ଏହି ରାମାଣ୍ତ ଅବଧି ଶେଷ ହେବା ପାଇଁ ଯାଉଛି ।

Published On February 11, 2023