ଚୌଦ୍ୱାରରେ କ୍ରିକେଟ୍ ଖେଳ ବିବାଦରୁ ହତ୍ୟା ମାମଲା: ୪ ଗିରଫ

Updated: Monday, April 3, 2023, 18:08 [IST]

କ୍ରିକେଟ ଟୁର୍ଣ୍ଣାମେଣ୍ଟ ବେଳେ ଅଘଟଣ

କଟକ: ଚୌଦ୍ୱାରରେ କ୍ରିକେଟ ଟୁର୍ଣ୍ଣାମେଣ୍ଟ ବେଳେ ଅଘଟଣ । ଛୁରା ମାଡ଼ରେ ଯୁବକଙ୍କର ମୃତ । କ୍ରିକେଟ ଖେଳ ବିବାଦରୁ ହତ୍ୟା ମାମଲାରେ ୪ ଜଣଙ୍କୁ ଗିରଫ କଲା ଚୌଦ୍ୱାର ଥାନା ପୋଲିସ । ଗିରଫ ହୋଇଥିବା ୪ ଜଣଙ୍କ ମଧ୍ୟରୁ ମୁଖ୍ୟ ଅଭିଯୁକ୍ତ ପେଷାଦାର ଅପରାଧୀ । ଏନେଇ ସୂଚନା ଦେଲେ କଟକ ଡିସିପି ପିନାକ ମିଶ୍ର ।

୪ ଜଣ ଗିରଫ

ସୂଚନା ଅନୁସାରେ, କାଲି ମହିଷାଲଣ୍ତା ଗାଁରେ କ୍ରିକେଟ ଖେଳରୁ ହତ୍ୟାକାଣ୍ତ ଘଟିଥିଲା । ମୁଖ୍ୟ ଅଭିଯୁକ୍ତକୁ ଗାଁ ଲୋକେ କାବୁ କରି ରଖିଥିଲେ । ତେବେ ଏହି ମାମଲାରେ ୪ ଜଣଙ୍କୁ ଗିରଫ କରାଯାଇଛି । ଗିରଫ ହୋଥିବା ଚାରି ଯୁବକ ଚୌଦ୍ୱାର ବରହମପୁର ଗାଁର । ତେବେ ହତ୍ୟା ପଛରେ ପୂର୍ବଶତ୍ରୁତା ଅଛି ନା ହଠାତ୍ ରାଗର ବରବର୍ତ୍ତୀ ହୋଇ ଯୁବକମାନେ ଏପରି କାଣ୍ତ ଘଟାଇଥିଲେ ତାହା ଜାଣିବା ପାଇଁ ଏହି ମାମଲାରେ ପୋଲିସ ଅଧିକ ତଦନ୍ତ ଜାରି ରଖିଛି । ଉପସ୍ଥିତ ଥିବା ଗାଁ ଲୋକଙ୍କୁ ପଚରାଉଚାର କରାଯାଉଛି ।

ସୂଚନାଥାଉ ଯେ, ମୁଖ୍ୟ ଅଭିଯୁକ୍ତ ସ୍ମୃତି ନାଁରେ ପୂର୍ବରୁ ଥାନାରେ ଏକାଧିକ ମାମଲା ରହିଥିବା ନେଇ ପୋଲିସ ପକ୍ଷରୁ ସୂଚନା ମିଳିଛି ।